#تجارة_مع_الله
#ارت_الخامس_والثلاثون
#بقلمYassah_Yassah
طالت والعمر كل ما تلف بي يطول
غم ذاك العمر من ينگضي تعلعل( عريان السيد خلف )
🌿🌿🌿🌿🌿🌿🌿🌿🌿🌿🌿
دخلنه للعمارة بقينه نمشي قرابه النصف ساعه
يله وصلنه البيت عمتي دخل رسول السيارة بالكراج
نزلنه منها واني گلبي يوجعني من القهروين صفه الوگت بيه وين صرت ليش هيج مكتوب عليه الذله شصار لو إخواني بيهم غيره و گلبهم بيه محنه ورحمه على أختهم
دخلنه للبيت أستقبلتنا زوجة رسول تطلع نهاية
العشيرينات ومعانيها كلش مرتبهوسن : يا هلا بالجاينه نورت العمارة
براء: منورة بيكم أشكرج
ضحگت وگالته
هل اگول عمتي نستنه وما سألت بعد بينا اثاري
مگابله الگيمر وگاعدهرجعت باستني وباست عمتي
و اخذت ريحانه من ايدي ودخلتني بالصاله
بس گعدت هي راحت بسرعه جابت مي واجتماهر: اذا غداج جاهز صبي تره براء ما متغديه
وسن : اي من عيوني سويت الكم مطبگ سمج دقايق واصب
راحت للمطبخ وماهر ورسول تمددو بالصاله تعبانين ما نايمين عمتي نفس الشي خلت ايدها جوه راسها وتمددت عليها
بقيت بس اني كاعدة صافنه على نفسي هاي اني شسويت عود صدگ عفت بيتي واجيت يعني هسه اني ابقى بيت العالم شكد اريد أبقى وشلون اعيش أني وبنتي بحظك وبختك يا زيد عساها بهذلتي تطلع بعافيتك
بعدني گاعده وايدي على خدي نزلت ابنيه من الدرج تطلع أكبر من وسن تصير زوجة باقر ابن عمتي ساهرة عمتي ساهرة عدها 3 ولد ماهر الجبير وبعده باقرروالزغير رسول
أنغام : ها عمه شلونج
عمتي گعدت وردت عليها
_ هلا بيج عمه شلونج
دنگت على عمتي باستها ورجعت باوعت عليه
أنغام : هلو براء الحمدلله على السلامه
براء : هلو بيج الله يسلمج
كملت سلامها وراحت ويا وسن بالمطبخ
دقايق وفرشن سفرة الغده وكلهم التم من بعد ما صاحو باقر يجي يتغده ويانا
باقر مبين عليه تعبان وشعره مليان شيب صح ازغر من ماهر بس ماهر ما بيه هيج شيب شيبه كلش قليل هذا لا اليشوفه يگول هو الجبيرهم بدو بالغده وعمتي گامت تجيب وتخلي گدامي
واني ما أشتهي ابد بس وگلت ريحانه مالي نفس الشي احس السويته غلط حتى لو هو ما ممطلگها وبعده يتواصل وياها بنفس الوقت يبقى عاقد عليه يعني مرته وطلعتي بدون علمه غلط وأكيد هسه يتخبل بس يسمع وفوگ هذا كله ماهر هو الماخذني وهم ما صار كم يوم من تعاركو