تجارة مع الله

تكملة البارت

هذا البارت العيون عبير إدريس
وبناتها صح قصير بس ما يهون عليه
تتوسط الكم وما أنزلها

#تجارة_مع_الله

#جزء_من_البارت_القادم

#بقلم_Yassah_Yassah

من صدگ ما اگـدر انطق ما أعرف شنو صابني
لساني أنعگد ريگي نشف إحس ضغطي بدأ يصفر
أريد أثبت جسمي ما اگدر كل عضو بيه يرجف أسناني بقت وحده تضرب بوحده
هو قرب الكرسي مالته يمي ولزم أيدي حيل
حسيت بدفو أيده

رائد : شنو اللي ما تگدرين عليه براء لا تجلطيني شبيج

براء : بس أريد مي عفيه

جنت أحجي وأني أرجف هو هنا أدمر شاف وضعي شلون صار طلعت عمتي تجيب مي وهو لزم أيدي ويباوع عليه ما اگدر ارفع راسي واشوف وجه

الشيخ : ما يصير أعقد إذا هي ما موافقه يعتبر باطل

أبراهيم : لا شيخنا موافقه قابل نزوجها غصب

_ ما جاي تنطي الموافقه وكلها ترجف شوفو حالها شلونه

ساهرة : شبيج عمه ليش ما تردين على الشيخ

ما اگدر ارد احس اللساني انربط دخلت عمتي دنيا انطتني المي ما اگدر الزمه أيدي ترجف كلها

رائد : بس عوفونا شوية وحدنا

دنيا : هي جاي ترجف خليني اخذها تغسل

_ اگوول عوفونااا وحدنا مو راح اطلع من دينننني

الشيخ گام طلع وراه عمو أبراهيم و عمو يوسف و عماتي طلعو وسد الباب علينه أجه هو گومني من الكرسي وگعدني بالكاع وگعد على ركبته مقابيلي

رائد : شبيج شنو الموضوع

حجاها بحديه
باوعت عليه منظره مرعب صاير بركان على ساعه يطگني طگه يموتني بيها بس يحاول يهدي بنفسه
رجع عاد سؤال بس هاي المرة بكل علو صوته عاط

_ احااااجيج ردي شنوووو الموضوع تضحكين عليه لو شنوووو براء زعطوط كدامج أني زعطوططط

_ لا والله مو هيج بس انطيني مجال شوية

_ ولج شنطيج وكت تفكيرة هسه اذا ما قابلة
شكووو كتيلي تعال اخطب شكوووو

_ ما اعرف شبيه ما اعرف والله كلبي جاي يأذيني بس لا تعيط عليه ما اكدريت احجي الساني ما اعرف شصار بيه

كمت ابجي ومنا جسمي كله يختض من الخوف
ومن الموقف الاني بيه

_ شبيج ترجفين كافي بجي كافي بس فهميني
ما ترديني لو شنو الموضوع

_ لا اريدك والله بس ما ادري شبيه

_ حبيبتي وحياتي وبنيتي الاحبها مسحي دموعج واخذي نفس عدلي كعدتج واحجيلي شنو تحسين