Unicode........
(အစ်မ ကျန်းမာရေးမကောင်းနေလို့ updateတော်တော်နောက်ကျသွားရတဲ့အတွက်
တောင်းပန်ပါတယ်နော် ကလေးတို့)''သင်္ကြန်အတက်နေ့''
ယောဂီဝတ်စုံလေးဝတ် ယောဂီတဘတ်လေး ပခုံးပေါ်တင်ပြီး လှူဖွယ်ပစ္စည်းတွေထည့်ထားတဲ့ ခြင်းတောင်းလေးကိုင်ကာ အမေ့နောက်သို့ခပ်ကုပ်ကုပ်လိုက်လာရသည်။
သင်္ကြန်တစ်တွင်းလုံးအလေလိုက်နေလို့ဆိုပြီး
အတက်နေ့မှာတော့ အမေနဲ့အတူ ဘုန်းကြီးကျောင်းလိုက်ကာ ဥပုသ်စောင့်ရတော့မည်။အသစ်စက်စက်ရည်းစားလေးကိုပလစ်ကာ
ဘုရားတရားလုပ်တော့မဲ့ မြပိတောက်ကြည်သာတစ်ယောက် ဘုန်းကြီးကျောင်းကို ဖုန်းမယူလာမိအောင် မနည်းစိတ်ထိန်းကာ အိမ်မှာထားခဲ့ရတာကိုတော့ဘယ်သူမှမသိ။လူကြီးကို မနေ့ညနေတုန်းက အမေနဲ့အတူ ဘုန်းကြီးကျောင်းလိုက်မယ်ဆိုတာကို ပြောတော့
လူကြီးကလည်း ကောင်းတယ်ကလေးရဲ့ လို့ပြောရှာသည်။
ဓမ္မာရုံထဲရောက်ချိန်တွင် ရပ်ကွက်ထဲကတော်တော်များလည်းရောက်နေကြပြီဖြစ်သည်။
၉နာရီထိုးမှသီလစပေးမှာမို့ စောင့်နေကြရင်း
ရပ်ကွက်ထဲကအသိအဒေါ်ကြီးက မြတို့နားလာထိုင်ကာ စကားလာပြောသည်။''သမီးလေးက နှစ်ဆယ့်တစ်နှစ်တောင် ပြည့်ပြီနော်
ကလေးတွေများ မျက်စိရှေ့တင်ကြီးလာလိုက်ကြတာ''မြကိုကြည့်ကာပြုံးပြုံး ပြုံးပြုံးဖြင့်ပြောနေသောအန်တီကြီးကို ပြန်ပြုံးပြရင်း အမေကတော့ သူများတကာကိုကိုယ့်သမီးအသက် လျှောက်ပြောထားပြန်ပြီဟု တွေးလိုက်မိသည်။
ကိုးနာရီထိုးတော့ ဘုန်းဘုန်းကြီးက သီလပေးပြီး
တရားဟောနေသေးတာမို့ ဆယ်တစ်နာရီထိုးမှသာ
ပြီးတော့သည်။
တရားပေးပြီးတာမို့ ထပြန်မယ်လုပ်တုန်း
ကပ္ပိယဦးလေးကြီးက ရောက်လာသည်။''ဆွမ်းကပ်လို့ရပြီ တူမကြီး
ဆရာတော်ကြီးတွေအကုန်ရောက်ပြီ
လာ ဦးကြီးနောက်ကလိုက်ခဲ့''ကပ္ပိယဦးလေးကြီးရဲ့အပြောကြောင့်
မြနဲ့အမေနဲ့ ဘာလဲပေါ့ ဆိုတဲ့ အကြည့်ချင်းစုံသွားသည်။
ČTEŠ
ရင်မှာ ဝှက်၍ ပျိုးခဲ့ပါသော.....
Romanceခန့်မှူးဇေယျာ မြပိတောက်ကြည်သာ Unicode & Zawgyi....💙 (picture from pinterest Credit to owner 💙)