فهد : ماال دينمك كتغوت داابا
يوسف : فاااهد فاااهد مرتييي امااانة عندك .عنداااك تتقاص
فهد : هااهي قدام عييني القلاااوي والكارد ضايرين بيها من كل جيهة
يوسف : انااا جاي غادي نضرب الدورة من اللور
♣️الجزء :1022
ليليان كانت غادية فشارع كتقفقف ماشية وكتدور تشوف طموبيلة فهد واش مازالة وراها غير كتلقاها كتتنهد براحة وتكمل طريقها شافت راسها قربات تخرج على المنطقة شداتها الخلعة زيرات على عبايتها يديها عرقانين وكملات طريقها
خرجات على المنطقة الممنوعة بانت ليها واحد الطموبيل كحلة كانت واقفة بعيدة شافتها تحركات وبدات كتقرب عندها
ليليان شداتها الخلعة رجعات كلها كتترعد كتشوف فالطموبيل لي جاية قبالتها وكتدور تشوف طموبيلة فهد
فهد غير شاف الطموبيل متوجهة عندها وقف طموبيلتو بعييد وجبد السلاح قادو ونزل بشوية كيتسلت باش مايشوفوهش
ليليان سرطات ريقها وكملات طريقها بحالا ماطاري واالو فتواني كانت وصلات قدامها الطموبيل ونزلو منها تلاتة دالرجال دارو بيها
ليليان علات عينيها فيهم وجهها صفر كلها كتترعد وتمتمات
ليليان : ش ش شكون نتوما
الرجال قربو ليها وهي بدات راجعة بلور . واحد من الرجال قرب عندها ويالاه مد يديه باش يشدها حتى تسمعات صوت رصاصة خرجات من سلاح فهد لي كان على بعد امتار منهم جاتو نيشان ليديه طاح كيتألم
صاحبو التاني شافو يالاه كان غادي يجبد السلاح حتى حس بشي حد لوا يديه على عنقو من اللور فثانية كان قرط ليه عنقو وطاح
يوسف لي كان عاد وصل جا كيطييير لقاهم دايرين بيها ماقدرش يتحمل بسرعة هجم عليه قرط ليه عنقو وجر ليليان خباها وراه
واخا راه كاينين القناصة كلهم واجدين على القرص كيساينو شي واحد من الرجال يمد يديه ويجبد السلاح قدامها . اي واحد فكر يجبد السلاح القناصة عندهم اوامر من يوسف وفهد يتشتت راسو قبل مايتجبد السلاح ولا يقيصها
الراجل التالت بغى يهرب ولكن لقى الرجال متاجهين عندهم دارو بيهم من جميع الجوانب ومعاهم فهد
فهد : شدووههم
الرجال دارو بدوك الجوج شدوهم وجرهم ويوسف دار يشوف ليليان لقاها وجهها صفر وكتبكي غادي تسخف من الخلعة يالاه غادي يهدنها حتى شافها طاحت على ركابيها لي كانو فشلو عليها
أجزاء
Start from the beginning
