-------الفصل الخامس و العشرون -------
(عند وردة)
شداه من يديه باش ميطيحش او عينهم تقابلو فرق طول كان باين او حتى نظرات كانو فشكل ناض او شكرهاا دخلاتو الصالون او جلست او هي جامعة رجليها مع بعضيتهم او حاطا عليهم يديها بحالا حشمانة بدأت تدوي معاه :
وردة:" عادل كفاش عرفتي دارنا شنو جيتي كدير هنا ".
عادل:" شفتك بحالا مفرحتيش حيتاش جيت ".
وردة: "لا مرحبا بيك ".
عادل:" ماماك مكيناش ".
وردة:"لا ماما فخدمتها شنو جيتي دير هنا ".
عادل:"بغيت غير نطل عليك حيتاش خويا مشغول مقدرش يجي او صيفطني انا ".
وردة(قربات حواجبها بمعنى واش كدوي بصح ):"خوك صيفطك متأكد ".
عادل :"علاش عندك شك ؟".
وردة:" غير جاتني عجب او صافي مهم مرحبا بيك انا غنوض للكوزينة او نجي".
ناضت او بقا هو جالس جاه ملل قرر يدور في دار وصل لبيتها كان متردد باش يدخل ولكن في اللخر دخل لقا بيتها كلو غوز او او الفراش حتى هو لفت انتباهو واحد كتاب محطوط فوق ناموسية قرب هو بدا يهز يقرأ فيه بدا بالصفحة اللولة او كمل بالثانية انغماس في كتاب او هو كيقرا باين عجباتو كتبتها حتى غتقطعو:
وردة :"شكدير هنا ".
عادل :"كنت بغيت الحمام او دخلت هنا بالغلط ".
وردة:" دخلتي بالغلط او شفتك عجبك الحال او هاز كتابي هدشي كان صدفة ولا فضول ".
عادل :"صراحة لهادي لاديك غير جاني ملل او سمحيليا الى طفلت عليك ".
وردة:" معليش حط كتاب او خرج ".
حط الكتاب فبلاصتو او تم خارج او هو يرجع او نطق بصوتو رجولي :
عادل :"دكشي لكتبتي زوين الا نشرتيه غيعجب ناس او غتولي مشهورة ".
سمعات هضرتو او شعلات فعينيها واحد الفتيلة او شعلة عجبها كلامو بلا متردد :
وردة:"عجبك".
عادل :"وي عجبني بغيت منك طلب إذا ممكن تعطيني نكمل او كنواعدك الا جيتي تاخديه ".
VOUS LISEZ
الشباب الضائع
Teen Fictionالثقة (Confidence) هي الحالة التي يكون فيها الانسان متأكداً من كفائة أو دقة أمر ما يتعلق به أو بشخص أو بشئ آخر، وفي حالة الأشخاص، من الممكن أن تكون تلك الثقة نوع من التأكد من ولاء هذا الشخص تجاه أشخاص آخرين أو قضايا معينة.أحيانا الثقة في شخص تؤدي...
