الشباب الضائع

احببت لطافته

-------الفصل السادس عشر -------

(عند سيف)

من مورا ما طلع للطونوبيل ديالو داك التفكير صدعو فراسو جبد سيكار ديالو باش يلا يتقاد ليه مورال او هز تيليفون دوز نمرة ديال واحد خدام عندو :

سيف:"شوف غنصيفط ليك عنوان او بغيتك تبقا راد البال ".

الصوت :"وخ اسيدي".

ديمارا طونوبيل او مشا عند واليد اللي كان كيتسناه فبلاصة المعتادة:

وليد :"جيتي اعشيري".

سلم عليه سيف او جلسو قدام واحد عافية شاعلة تماك .

وليد :"شكاين مالك ماشي هو هداك".

سيف: "كنت قلت ليك بلي كيوصلوني واحد مكالمات من عند رقم مجهول ".

وليد:"ايه فراسي واش هما لمعصبينك راه قلت ليك دبا نلقاه".

سيف:"تراه عطيت لواحد خاينة نمرة او جبد ليا عنوان ولكن للأسف طلعات شارفة ".

وليد:"كفاش شارفة".

سيف :"مرا كبيرة ".

وليد: "دبا واش هي اللي كانت كتصدعك وشوف هد الهارفة حتى هي حتى شرفات او بغات ترجع برهوشة".

سيف:"لا مشي هكاك نمرة مشي ديالها عطاتها ليها هديك اللي كنقلبو عليها".

وليد:"واش نا"... قطعو فوسط هضرتو او نطق:

سيف: "ايه هي" .

وليد :"او باش عرفتيها".

سيف:" قلت ليها توصفها او دوك مواصفات مجاو غير عليها او باش ضحكتني قالت ليك ضريفة ضحك ضحكة ديال السخرية".

وليد :"نتا كفاش متأكد من ديك الهضرة راه المرا شارفة او تقدر تكون تتخرف ".

سيف: "وريتها تصويرتها او عرفاتها."

وليد:"اذا غتكون كتجي لعندها بزاف واش درتي شيواحد يحضي ليك ديك دار".

سيف :"اه يلا درتو".

وليد:"اوا صافي دبا طيح هنتا شويا بشويا كتقرب ليها".

سيف :"ياريت طيح فيدي نصرف فيها ماضي او حاضر او حتى المستقبل ".

سلاو هضرتهم او كل واحد تم خارج نحيت طونوبيلتو