الشباب الضائع

طحتي بين يديا

-------الفصل الثاني و العشرين ------

كان واقف معاها حتى غيجي غيقاطعهم :

فادي:"سيف فينك اصحبي كيسولو عليك ".

مع غيدور عندو مع غيشوفها من صدمة معرف مايدير بقا غير كيشوف فيها تخلطو عليه عرارم  تدخل سيف او نطق:

سيف:"قليهم انا جاي ".

بقا واقف متحركش كفاش غيتحرك او هو كيشوف حبيبتو مزوجة بصاحبو بققا غير كيشوف خاف يدوي قدامو غيندمو على نهار اللي عرفها فيه قرر يسكت حتى يلقا فرصة فين يدوي معاها تم حادر راسو او عينيه مغرغرين عليه خلاها او تبعو .

هي براسها معرفتش شنو واقع شنو علاقة فادي بهد الوحش كفاش جا او امتى او هو كيعرفو بزاف اسىلة طاحو عليها او اهم حاجة مشاعرها اللي تحركو معرفتهم واش غضب ولا حب ولا حزن معرفاتش جاو عندها نكفات هبطوها حدا العيالات شي كيبارك ليها من جهة او من جهة خرى شادين فيها نميمة بقات معاهم واحد مدة منبعد طلعات تبدل اللبسة طلعو معاها نكفات لبيتها او هي كتوجد راسها غيدخل عليها غيطلب من نكافات او البنات اللي معاهم يخرجو و اخيرا هي او ياه tête a tête معرفات متقوليه غيكسر صمت بسؤالو "

فادي:"من امتى او نتي كضحكي عليا ".

وردة :"انا مضحكتش عليك عمري ضحكت عليك نتا اللي ضحكتي عليا او وهمتيني بالزواج ."

فادي :" متنسايش اشريفة بلي ديك الليلة كنتي نتي برداك او بكل قواك العقلية واش فهمتي او دبا هدو اللي درتي فعايل القحاب او انا فاش كنت مواعدك بزواج كنت ناويها مك اللي وقفات فوجهي ".

وردة :"ايه كنت برضايا هدي هي الحاجة الوحيدة اللي كندم عليها كنت يسحابني راجل ولد اصل ولكن طلعتي شماتة او ديك ماما اللي كدوي عليها ههيا زوجاتي بسيدك ".

غيقطع هضرتها او غيكرز على يديها او وجهو كلو حمر كرز على يديه او نطق :

فادي:"راجل او سيد رجال ياك راجل حيتاش كيضربك او كيعذبك راجل حيتاش عمرو نسا الحب اللول ديالو راجل حيتاش جابك هنا كقحبة واش عمرو قاليك كنبغيك انا سيف كنعرفو 24 عام او حافظو مزيان او هو عمرو كان سيريو فشي علاقة الا مع الحب اللول ديالو".