-------الفصل الثالث 3️⃣-------
الجو كان مغيم مشي ديال الخروج ولكن بززت عليها معندها مدير او هما فتاكسي بداو يفوتو الأحياء الشعبية ديال الرباط او دخلو لواحد الحي اللي كان مكتوب في البلاكة حي الرياض او هي على حسب ما كتسمع بلي داك الحي سكنين فيه غير ناس الهاي او كلاس بعاد عليهم في نيفو كفاش ماما كتعرف شي عمها هنا دارت لجهة ماماها او نطقت ببرائة :
وردة:"ماما واش عمك لباس عليه ".
خديجة:"ايه عمي ملعق او عندو واحد الفيلا ما شاء الله كبيرة محسدتو ".
بقاو شادين طريق حتى وقفو فواحد الشارع فيه غير فيلات او اشمن فيلات تراه كي قصور هبطو او الام تمات تابعة العنوان تتقلب على فيلا 203 و اخيرا وصلو كانت الفيلا كي القصر شمنك يا منظر فيها من برا او شمنك يا زليج او شمنك يا بيبان دكشي كانت كتشوفو غير فالحلم نطقات بصدمة:
وردة :"ماما واش هدي هي الدار أويلي اشمن دار قصدت قصر ".
بقات مذهولة بدكشي لشافت او عجبها الحال مندماتش حيتاش جات.
خديجة:"اه شفتي الناس كفاش عايشين او حنا اللي مزاحمين فداك القفيز ديال السكن الاقتصادي ".
وردة :"او فين كان هد عماك شحال هدي" .
مجاوباتهاش صوناو او هي تحل ليهم واحد مرا باين عليها وقار كبيرة باينة في خمسينات سمرة او وجها كلو تجاعيد بصوتها الشيخوخي الوقور:
فاطمة : "مرحبا بيكم دخلو".
مع دخلو مع تصدمو بالكبر او بالجمال ديال جردة او الورود المتنوعة فيها باين هد عمها عزيز عليه النباتات بقاو تابعين ديك المرا حتى طلعتهم من واحد دروج كانو من زاج او في كولوار مدورينهم لوحات بزاف او اللي ردات ليه البال اكثر لوحات تماك كانو ديال العصور القديمة او فيها ناس معذبين مداتهاش فدوك طابلوات لانو اصلا معندهاش مع رسم او كملو طريقهم وصلو قدام واحد باب كبير او دقت في الباب:
فاطمة: "سي سيف ضيافك جاو ".
حلات ليهم الباب او دخلتهم البيرو كان مظلم بالأحرى كان كلو كحل او ريدو محلول غير شوية غير باش يدخل شوية الشعا او البيرو فيه بولة وحدة اللي مضوية البلاصة اللي فيها نطق بصوتو رجولي:
سيف:"شكرا فاطمة" .
صوتو اللي كان لافت بالنسبة ليها او خشونتو عجبتها دارت عند ماماها او هي تنطق :
YOU ARE READING
الشباب الضائع
Teen Fictionالثقة (Confidence) هي الحالة التي يكون فيها الانسان متأكداً من كفائة أو دقة أمر ما يتعلق به أو بشخص أو بشئ آخر، وفي حالة الأشخاص، من الممكن أن تكون تلك الثقة نوع من التأكد من ولاء هذا الشخص تجاه أشخاص آخرين أو قضايا معينة.أحيانا الثقة في شخص تؤدي...
