لما قلت ليهم انتوا بتعرفوا بعض؟
ما ردوا علي
دعاء قربت لـ امها و قالت ليها ماما انتي بتعرفي خالتو بُهيثه؟ أمها فجأه قعدت على الأرض و بقت تعاين لي و لـ مزن و مزدلفه و تبكي بحرقه، يمكن قريب ال5 دقايق و هي لسه بتبكي و بتحول نظرها بينا نحنا ال3 دعاء بقت بتحاول تحنس أمها و تفهم منـِْهـ♡̨̐ـِْا الحصل بس هي حالفه ما تسكت و دموعها حالفه ما تقيف بكت كدا لمن حيرتنا، جينا انا و أخواتي و بقينا نحاول نرفعها و هي رافضه بالجلاله قومناها م̷ـــِْن الأرض و دخلناها جوه و جبت ليها مويه أديتا لـ دعاء عشان تشربها بس هي رفضت و قالت لينا بصوت مبحوح خلوني ابكي بكت كدا لمن قطعت لينا قلوبنا كل دا و أمي لسه واقفه في مكانها و ما اتحركت، مشيت وقفت قدامها و قلت ليها مالك يا أمي في شنو؟
ما اتكلمت معاي بس بقت تعاين لي و تلقائياََ دموعها نزلت مسحتهم ليها و قلت ليها كدي تعالي جوه و فهمونا حاجه، دخلتها و هي لسه بتبكي، اتلموا لينا الإتنين و فتحوا بيت بكى و نحنا متمحنين و فاتحين خشومنا، دعاء قالت ليهم خلااااص عرفنا انكم بتعرفوا بعض و ليكم زمن م̷ـــِْن بعض و دي كلها دموع الشوق و الفرح لَـگِنْ كمان ما تبااالغوا للدرجه دي يا ماما و يا خالتو بُهيثه
برضو ماف وحده فيهم اتكلمت، بعد مساااافه أم دعاء قالت لأمي و هي بتشهق م̷ـــِْن البكى بتي وين يا بُهيثه؟ عاينت لينا ال3 و قالت ليها أي وحده فيهم؟
أمي عاينت ليها بس ما ردت عليها، وقفت على حيلها و قالت بإنفعال بتي وين ياخ بتكلم معاك ردي
أمي ذاتا وقفت و قالت ليها ما عندك بت عِنـ.̷̷̸̷̐ـديّ بتتكلمي عن منو و شنو انتي؟
_ بتكلم عن بتي الخليتا لـ أبوها
= خلاص امشي اسألي ابوها السلمتيهو بتك
_ انتي عارفه انا بتكلم عن شنو، بت معاك انتي يا بُهيثه عليك الله بردي قلبي و قولي لي هي وين ولا وحده م̷ـــِْن ال3 ديل
= اسمعيني هنا ما عندك أي بت عِنـ.̷̷̸̷̐ـديّ و اتفضلي أطلعي لي م̷ـــِْن بيتي
هنا انا عرفتهم بتكلموا عن شنو بس ما كنت قادره استوعب حتى البكى غلبني و احترت في أمري، كلنا بقينا فاهمين هم بتكلموا عن شنو ما عدا دعاء، بعد مساااافه جمعت قوتي و وقفت قدامها و قلت ليها انتي أم؟
لٱ قصدي انتي المره الولدتني و خلتني طفله في عمر ال8 شهور و مشت عشان تكلم حياتها
بقت تعاين لي بنظرات ما أفلحت في تفسيرها، واصلت و قلت ليها ايوه انا بتك الرميتيها وراك و ما سألتي عنها انا السبتيها عشان مصلحتك و حس الأنانيه عندك ، بس سؤؤؤال واحد جاوبي عليهو ما حصل مَـرّھٌ حسيتي بتأنيب الضمير بسبب العملتيهو؟ معقوله في أم بتعمل كدا و بالبساطه دي؟
_ بتي شنو و أم شنو؟ بتتكلموا عن شنو يا ماما انا ما فاهمه حاجه
قلت ليها انا ح أفهمك أمك الواقفه قدامك دي زماااان كانت أمي و هي اصلاََ قبل ما تعرس أبوي كانت معرسه أبوكم و عندها ولدين يمكن انتي و شادي المهم اطلقت م̷ـــِْن أبوكم و عرست أبوي و جابوني انا و بعد فتره اطلقت م̷ـــِْن أبوي و رمتني ليهو و رجعت لـ أبوكم و عاشت هنيه سعيده و توته توته خلصت الحتوته......و هسي بتسألي مني مالك؟
اهااا بعد ما عرفتي انك بتك عايزا تعملي شنو؟ لْـۆ حصل شنووو داك انا عندي حقيقه واحده ثابته بالنسبه لي و هي انو بُهيثه هي أمي م̷ـــِْن قمت لقينا قدامي لٱ بعرفك انتي لٱ غيرك
قربت مني و م̷ـــِْن غير سابق انذار ضمتني عليها و بقت تبكي فيني حاولت اتفكى منـِْهـ♡̨̐ـِْا بس كانت ماسكه فيني شديد و بدت تقول لي اعفي لي يا بتي والله ما يومي الخليتك وراي ما شفت يوم سعيد و حياتي كلها بقت مقلوبه و ما عارفه ليها طعم، سألت ابوك عنك كتير كان بطمني عنك بس حالف ما يخليك تتكلمي معاي و يسمعني صوتك ، مَـرّھٌ وحده جيت السودان و اكتشفت انو رحل م̷ـــِْن البيت الكان ساكن فيهو مع بُهيثه لَـگِنْ مشى وين ما عرفت حتى قرايبو لمن سألتهم قالوا لي ما عارفين و يمكن هو نبهم ما يقولوا ليـّۓ ، في السنوات الآخيره التواصل بيناتنا انقطع و ليوم الليله ما اتكلمت معاهو تاني ، بكت فيني قدرتها و انا بس عيني على أمي بُهيثه القعدت بعيد و بقت تعاين لينا حتى دموعها نشفت و كملت، بالجلاله اتفكيت م̷ـــِْن أم دعاء و قلت ليها لو قعدتي تشرح و تحكي لي كدا لـ بكرا انا أمي واحده و هديييك ليها و أشرت ليها على أمي بُهيثه
