#غفرانك17
بقلم: مها حولي الزاكي
لحدي ما العرسان وصلو و رقصوا سوا انا كل ما أرفع راسي بلقي عُدى بعاين لي لمن اتعقدت ، و أغلب الناس الواقفه جنبو بقت تعاين لي معاهو، فجأه و م̷ـــِْن حيث لٱ احتسب جات لينا و وقفت جنبو و هو مع ذلك مَـرّھٌ مَـرّھٌ يعاين لي لمن هي انتبهت إنو ما مركز معاها فـ لمن كانت ح تتلفت علي انا طوالي قمت م̷ـــِْن مكاني و مشيت قدام لـ ناس أمي، طبعاََ أمي حمرت لي حميره بس ما قدرت تشاكلني قدام الناس، قعدت جنبها و همست ليها: تلفوني كان مقفول، هزت لي براسها و قالت للنسوان القاعدين معاها دي مها بتي ، طبعاََ بقوا يعاينوا لي بتفحص كدا وحده منهم قالت ليها حسب علمي انتي عندك بتين بس التالته دي جبتيها م̷ـــِْن وين ههههه؟ امي قالت ليها أجي دا كلام شنو دا؟ كيف يعني جبتها م̷ـــِْن وين؟........المهم إلتفتت علي و قالت لي دي رويدا أم لينا عروسة عُدى و دي أختها و دي.....الخ المهم ورتني ليهم كلهم مع إني بعرفهم كلهم إلا أم لينا و خالتها ، طول قعدتي معاهم و انا بتلفت يمين و شمال خايفه لينا تجي و تشوفني، كنت قاعده على أعصابي بس......
لَـگِنْ الحمدلله لحدي ما العرس انتهى ما إتلاقيت معاها ...
______________
ناس بيتنا كلهم طلعوا، أمي و أخواتي مشوا يجيبوا حاجات خطوبة عُدى و هو مشى وين ما عارفه المهم انا قعدت براي في البيت ، كنت قاعده في البرنده و ماسكه تلفوني فجأه جاتني مكالمه م̷ـــِْن لينا أبيت أرد عليها اصلاََ ليها كم يوم بتتصل علي و انا رافضه اتكلم معاها مع إنو هي ما ليها ذنب بس انا الما كويسه و ما برضى اتعامل مع زول كان سبب في زعلي سواء بقصد أو بغير قصد ،، لما ما رديت عليها رسلت لي رسالة SMS شفت الرساله م̷ـــِْن فوق م̷ـــِْن غير ما أفتحها بدايتها عليك •اللّـہ̣̥ ردي علي ، طنشتها خشيت الفيس لقيت منزله صوره يدين اتنين و لابسين خواتم، و كاتبه اقترب الًيَوُمًِ الميمون ، قلبي وجعني شديد و دموعي جات نازله مسحتها سريع و قفلت التلفون ، بعد شويه سمعت صوت كركبه جاي م̷ـــِْن المطبخ، قلبي طار و قلت الليله دا حرامي ، تاني قلت لا احتمال تكون كديسه ، شلت مزهريه و بقيت ماشه على المطبخ بأمشاط رجليني ، وقفت جنب الباب عديت لحدي 3 في سرعه و دفرت الباب و بديت أصرخ انا مغمضه عيوني ما فتحتهم إلا لمن حسيت بزول ماسكني و خاتي يدو على خشمي، فتحت عيوني و انا مخلوعه لقيت عُدى قدامي
_هسسس ياخ ما تصرخي فينا عايزا تلمي الناس إنتي؟
بقيت احاول أفك نفسي منو لمن ما قدرت عضيتو في يدو، العضه وجعتو طوالي فكاني و قال لي دا شنو العملتيهو؟!
طوالي جريت البرنده و لبست توبي، اتخيلوا كنت واقفه قداموا بـ بجامه بس ، خجلت شديد منو و م̷ـــِْن نفسي .... لَـگِنْ دا الجابو شنو؟ و دخل بـ وين و الباب مقفول؟
قعدت مساااافه في غرفتي بعديها حسيت بالجوع قلت أكيد حيكون طلع قبيل م̷ـــِْن المطبخ، أول ما وصلت المطبخ و دخلت سمعتو قال أخخ، بدون ما أفكر جريت عليهو و دقات قلبي شغااااله بسرعه ، وصلتو و انخلعت لمن شفت كمية م̷ـــِْن الدم، واضح إنو السكين جرحتو ما عرفت اعمل شنو، شوفة الدم خوفتني مسكت طرف توبي و ربطو ليهو على يدو (منتظرني اقول شرطت التوب صح 🤣 يلا نحنا ما هنود و تيابنا ما شاء •اللّـہ̣̥ ما بنشرطوا بسهوله 💪) رفعت راسي لقيتو ساكت و مركز معاي شديد و شنو! ! كان مبتسم، اتخيلوا !! قلت ليهو إلا اكب ليك فيها بن عشان الدم يقيف، عاينت للرفوف الفوقنا طوالي بس ما لقيتها، لمحت العلبه في الرف الفي الإتجاه التاني كان بعيد مننا، قلت لـ عُدى تعال ضغطت توبي شديد على الجرح و مشينا الإتنين سوا للرف الفيهو عِلبة البن، انتبهت إنو الرف بعيد، قلت ليهو زي ما شايف الرف بعيد إلا اجيب لي تربيزه زي ما بنعمل كل مَـرّھٌ فـ عشان كدا انتظرني هنا لحـ.....
_كان ممكن تطلبي مني أنزلو 😏
لويت ليهو خشمي و قلت ليهو:
يعني انت إلا يطلبوا مـڼـڱ؟! ذوق ساي ما عندك؟ خليك م̷ـــِْن دا هو اصلاََ البن دا عايزنو لي منو مش ليك؟ 😏
_ ايوه لي ، انتي براك متعبه نفسك و براك الكنتي ح تعمليهو لي.......و براك الكنتي خايفه علي
