#غفرانك24
بقلم: مها حولي الزاكي
بقيت أبكي بس و مزن جنبي مَـرّھٌ تبكي و مَـرّھٌ تحاول تسكتني ، كنت خاته يديني على وشي و ببكي بحرقه بعد شويه سمعت صوت أمي و هي بتقول سجمي في شنو؟
رفعت راسي و قمت م̷ـــِْن مكاني و مشيت اترميت في حضنها و بكيت و هي شغاله لي ما تخوفيني يا بتي في شنو عليك الله ؟ و انا لسه ما قادره اقول حاجه، فجأه جاني صوت عُدى و هو بقول لي بنهره كدا:
في شنو ياخ اتكلمي !
اتخلعت و زحيت م̷ـــِْن أمي، أمي لمن شافت الدم العلى خشمي اتخلعت زياده و قالت لي دا شنو الدم دا؟ عليك الله اتكلمي يا مها، عُدى جا وقف قدامي و قال لي في زول ضربك؟
مزن قالت ليهم و هي بتشهق م̷ـــِْن البكى، ضربها حذيفه لمن وقعها في الأرض و أمو كمان ضربتها، أمي قالت ليها بإنفعال ليه يضربوها اقسم بالله ما أخليها، عُدى قال لي حذيفه الضربك؟ ...ما رديت... مزن واصلت و حكت ليهم القصه م̷ـــِْن الألف للياء، لمن انتهت أمي ختت يدينها على راسها و قالت لٱ حول ولا قوة إلا بالله، حسبي الله و ڼـعمًـْ الوكيل فيهم، معقوله بتي تكون عايشه في الجحيم داك و انا هنا ما عِنـ.̷̷̸̷̐ـديّ علم! لٱ و كمان ضاربنك عشان حاولتي تسوقيها معاك! هسي دي و قبل ما الشرطه تتحرك ح اسبقهم و امشي ليهم نشوف منو الح يمنعني، أمي بغضبها و زعلها داك اتحركت م̷ـــِْن جنبنا و كانت ماشه ليهم بس عُدى وقفها و منعها، مشيت ليهو قريب و قلت ليهو بكل ضيق منعتها ليه؟ ولا عشان ديل عمتك و ولدها ؟
قال لي ما تفهمي غلط حتمشي براها تعمل ليهم شنو مثلاََ؟ و يمكن ذاتو الباب ما يفتحوهو ليها ، لْـۆ ديك عمتي و ولدها فـ دي خالتي و ديك بتها
قال كدا و طوالي خش القسم جوه و بعد شويه طلع و معاهو عساكر، ركبونا كلنا معاهم و مشينا لحدي البيت ، العساكر ضربوا الباب أكتر م̷ـــِْن مَـرّھٌ بس ماف زول فتح في النهايه واحد منهم نط بالحيطه و فتح لينا الباب و كلنا دخلنا ليهم، فجأه فضيله جات طالعه عاينت لينا و قالت هيي هيي الدخلكم بيتي شنو انتوا؟
واحد م̷ـــِْن العساكر قال ليها خليك منهم و اتكلمي معاي انا، قالت ليهو ما عندي معاك حاجه عشان اتكلم معاك، قال ليها بس نحنا عندنا، أشر للعساكر المعاهو عشان يفتشوا البيت و يطلعوا الناس الفيهو، بعد شويه جوا مارقين و معاهم مزدلفه و الصادق و مرتو بس حذيفه ما معاهم ، أمي جرت على مزدلفه ضمتها عليها و بقت تبكي بحرقه، واحد م̷ـــِْن العساكر قال لينا ما لقينا غير التلاته ديل، قلت ليهو الخايب أكيد هرب، أمي عاينت لـ فضيله و قالت ليها ما عافيه ليك حق بتي و ربنا ينتقم مـڼـڱ، حسبي الله و ڼـعمًـْ الوكيل فيكم ، عُدى عاين لـ عمتو و قال ليها بإنفعال شديد معقوله تصلي للدرجه دي؟ في بنى آدم بعمل في بنى آدم زيو كدا؟ خلى عمتو و إتلفت على الصادق و قال ليهو:
و انت ؟! دا كلو حاصل قدامك و ما قدرت تعمل حاجه؟ أمك دي كدي خليها اصلا م̷ـــِْن زمان عارفين البيها و العاليها لَـگِنْ انت كـ راجل كيف نفسك سمحت ليك تشوف راجل زيك بمد يدو على مرة، راجل؟! هه قصدي ذكر، على كل الأحوال كلكم ذكور لَـگِنْ برضو ما اتوقعت مـڼـڱ حاجه زي دي ، الشرطي قال ليهم دا ما وقت نقاشاتكم، و انتوا اتفضلوا معانا، فضيله قالت ليهو نتفضل وين؟ و لشنو؟
قال ليها بزهج كدا عليك الله ما تكتري معاي الكلام و أشر للعساكر و جوا رفعوهم كلهم، و نحنا مشينا بـ مزدلفه للمستشفى، عُدى بعد ما مشى معانا المستشفى قعد مساااافه و قال ماشي يشوف القسم يشوف الحصل شنو...
اما مزدلفه فـ أول شي الدكاتره قالوا لينا إلا نوصل الحصل ليها دا للشرطه فـ قلنا ليهم اصلاََ نحنا فتحنا بلاغ، المهم كلنا انصدمنا لمن عرفنا إنها اجهضت م̷ـــِْن يومين، أمي دي قعدت تبكي قريب الساعه و قالت لـ مزدلفه ليه ما كلمتينا؟ معقوله تتحمل دا كلو؟
مزدلفه بكت و بالجلاله قدرت تتكلم ، قالت ليها شال مني التلفون و كل ما أطلع م̷ـــِْن البيت بجيبني راجعه و بقفلني جوه غرفه في نهاية بيتهم و بقع فيني ضرب، أمي قالت ليها حسبي الله و ڼـعمًـْ الوكيل فيهو عملتي ليهو شنو عشان يجازيك كدا ؟
قالت ليها بسبب أمو بتقول ليهو كلام انا ما قلتو و حاجات انا ما عملتها، الًيَوُمًِ كلو بتخليني اشتغل لْـۆ قعدته دقيقه واحده بتطلعني كسلانه و نايمه ساي، صدقي يا أمي كل يوم بتلم لي ملابس م̷ـــِْن ماف عشان أغسلهم و لما اقرب انتهى بتجيب لي غيرهم و بعد الغسيل بمشي اعمل ليهم الأكل و لْـۆ في ملح زاد حبه بتخليني اعمل ليها الملامح م̷ـــِْن جديد و بعد ما انتهى بتجيب لي الملابس الغسلتهم عشان أكويهم ، و لْـۆ قلت ليها ما بقدر بتمشي تتباكى لـ حذيفه تقول ليهو انا بشغلها و ما بعمل حاجه في البيت و الًيَوُمًِ كلو بمسك التلفون و بقعد، عشان كدا شال مني التلفون و باعو و أدى القروش لـ أمو و...............الخ
هي بقت تحكي لينا و نحنا بس بنبكي، بعد شويه جا عُدى و معاهو عسكري عشان ياخد الإفاده بتاعة مزدلفه و إفادتنا انا و مزن كـ شهود ، انا بعد ما أديتهم إفادتي طلعت برا لقيت عُدى هناك، في البدايه اترددت اتكلم معاهو ولا لٱ، بعد مسافه قلت ليهو بالنسبه لـ عمتك و ولدها عملوا ليهم شنو؟
سكت و ما رد كان سرحان
عُدى
_ااا ايوه، قلتي شنو؟
