#غفرانك4
بقلم : مها حولي الزاكي
بعد اسبوع م̷ـــِْن الكلام دا سمعت أمي بتتناقش مع مزن ، مشيت عليهم و قلت ليهم خير في شنو؟ ....مزن ليه بتجوطي كدا؟
قالت لي صحباتي عاملين رحله بمناسبة اننا انتهينا م̷ـــِْن إمتحانات الشهاده السودانيه و هو اساساََ مفروض الرحله دي تتعمل قبل أسبوعين بس انا الأخرتهم في كل مَـرّھٌ كنت بقول ليهم انتظروني خلوني لمن اقنع أمي و لحدي اللحظه أمي ما عايزا تقتنع و تخليني امشي معاهم ....ياخ انا ما صغيره عشان تحميني م̷ـــِْن المرقه ، هسي عليك •اللّـہ يا مها انا̣̥ آخر مَـرّھٌ طلعت فيها م̷ـــِْن البيت دا متين؟
قلت ليها الماشي معاكم منو؟ براكم يعنى الماشين؟ +ماشين وين انتوا؟
قالت لي ماشين حديقة عبود
أمي قالت ليها كلامي و قلتو ليك مرقه م̷ـــِْن البيت دا ماف ليك ، كمان دي قلة أدب جديده مش؟ و صحباتك ديل منو ذاتهم عشان أضمنهم و اخليك تمشي معاهم و كمان م̷ـــِْن غير ما يكون معاكم زول كبير و عاقل ...
عاينت لـ مزن و قلت ليها كلام أمي صح مستحيل نخليك تمشي براك مع صحباتك البتقوليهم ديل ....الدنيا ما مضمونه و انتي لسه صغيره و عادي تتغشي
قالت لي بنبره عاليه كلها ضيق:
كرهتوني حياتي ذاتو ، أي حاجه أكون عايزا أعملها بتعترضوا عليها ، و دايماََ شابكِني ، مزن ما تمشي مع دي و ما تصاحبي دي ، مزن ما تفعلي كدا ، مزن ما امشي مزن تعالي و ممشيني على كيفكم ......ما شايفين إنكم متحكمين فيني أكتر م̷ـــِْن اللازم؟ ليه محسسني إني طفله أو انسانه غبيه ما بتفهم ياخ انا بسببكم بقيت اتعقد عديل م̷ـــِْن صحباتي ، و انتي يا أمي ليه ما بتسألي مها دي و مدياها حريتها ؟ يعنى بتخافي علي أكتر منـِْهـ♡̨̐ـِْا؟ مش هي برضو بتك في النهايه؟ ولا ما......قاطعتها و قلت ليها مزن ما تناقشي كتير ....لْـۆ نفسك في الطلعه دي خليني اخلص امتحانات و حنتطلع كلنا سوا
قالت لي شكراََ ☺️
قالت جملتها دي و طلعت خلتنا ، قلت لأمي هسي بتكون قاعده تبكي ساي > قالت لي خليها تبكي و تسكت و ماف زول يمشي يحنسها........بعد ما أمي طلعت مشيت لـ مزن و زي ما اتوقعت لقيتها بتبكي
قلت ليها مزن بتبكي ليه و انتي عارفه قدر شنو أمي خايفه عليك و كلنا لمن كنا في عمرك كانت بتخاف علينا شديد و حاميانا م̷ـــِْن المرقه ما شكاََ فينا بس خوفاََ م̷ـــِْن الناس علينا و انتوا الماشين ديل كلكم بنات صغار
قالت لي و هي بتبكي بس أمي أمبارح لما كلمتها قالت لي خلاص لَـگِنْ ما تتأخري و الًيَوُمًِ لما جيت اشيل منـِْهـ♡̨̐ـِْا القروش بتاعة الطلعه ، قالت لي ماف ليك مرقه و دا كلو بسبب عُدي لأنو هو قدامها قال لي ما حتطلعي خطوه واحده م̷ـــِْن البيت دا و قال لأمي انا طالع يا خالتي و عليك •اللّـہ̣̥ ما تخليها تمشي
بعد ما قالت لي كدا زعلت جنس زعل في الدنيا دي ، هو منو اساساََ عشان يدخّل في أمورنا ، دايماََ حاشر نفسو غصباََ عننا في حياتنا م̷ـــِْن زمان متحكم فيني و في أخواتي و عامل نفسو الآمر الناهي علينا
قلت ليها طلعتكم متين هي؟
قالت لي طالعين اليوم الساعه 9 ص ، قلت ليها ټمـٱمـ جهزي نفسك و القروش علي انا، قالت لَـگِنْ بالجد؟ و أمي طيب ح تقنعيها كيف؟
قلت ليها جاده والله ، أمي خليها علي جهزي حاجاتك م̷ـــِْن هسي و انا ماشه اتكلم معاها ....
