غفرانك

32

#غفرانك32
قبل الآخيره
بقلم: مها حولي الزاكي

مروا اسبوعين م̷ـــِْن الكلام دا ، بقيت فيهم كل مَـرّھٌ بمشي مع عُدى لـ أبوي م̷ـــِْن غير ما زول يعرف و الحمدلله ماشي في تحسن بس نهاااي ما حكيت لـ عُدى عن الحصل و اصلاََ الفتره دي حاساهو ما كويس، برضو في الأسبوعين ديل  أم دعاء كل يوم بتجي عشان تتكلم معاي بس انا ما بديها فرصه و مرات كتيره بترسل لي دعاء و شادي، آخر مَـرّھٌ جوني فيها قالوا لي أمي ما عايزا منك شي غير تسمعيها و تسامحيها، شادي قال لي بنعترف إنها غلطانه و العملتو صعب انو يغتفر بس كلنا بشر في النهايه و خير الخطائون التوابون، هي عرفت الذنب العملتو و جايه تصلح غلطها حتى و إن فات الأوان دا ما بمحي حقيقة إنها أمك يا مها و إنو نحنا برضو أخوانك، ما ح تصدقي على قدر ما انصدمت م̷ـــِْن أنك اختي على قدر ما فرحته بالحاجه دي اخيراََ طلع عندي أخت تانيه غير دعاء ههههه > دعاء قالت لي صح كلام شادي أمي غلطت يا مها عليك الله سامحيها و خليها تجي و تتكلم معاك انتي ما عارفه الحاله الهي بقت فيها خلال الأسبوعين ديل ، والله حالتها تحنن الكافر، بليييز يا مها أرح معانا ليها و ان شاء الله تتكلمي معاها كلمتين بس 💔
قلت ليها ما بقدر يا دعاء والله ما بقدر الموضوع صعب علي، جاني صوت أمي و هي بتقول لي ليه ما بتقدري؟
بقيت أعاين ليها بإستغراب، جات قعدت جنبي و ختت يدها على راسي و قالت لي في النهايه دي أمك يا مها و مهما عملت ما مفروض تتعاملي معاها كدا هي أذنت و اتعاقبت على العملتو أصعب حاجه ممكن تمر على الأم هي فراق أولادها و متأكده إنها حست بالشعور دا طول السنوات دي كلها، انا ما عايزاك تكرهيها عشاني لأنو والله كدا ما ح أكون مبسوطه و انتي كبيره بعد دا و عارفه نفسك عايزا شنو و بالنسبه لي انَـỲǑŲـْتي بتي و حتكون كدا للأبد و ماف حقيقه ح تخليني أفكر فْيَگ غير كدا ❤️
حضنتها شديد و قلت ليها كل يوم بتكبري في عِنۋۋۋ♡̷̴̬̩̃ نيّے أكتر، جوا مزن و مزدلفه و انضموا لينا في العناق الجماعي 🤣
المهم بعد كلام كتييير م̷ـــِْن أمي رضيت أمشي مع دعاء و شادي لـ بيتهم، لمن وصلنا دعاء قالت لي أمي فوق في غرفتها اتقدم شادي و انا و دعاء وراهو أول ما دخلت اتفاجأت لمن شفتها ممدده على السرير و لونها شاحب لما شافتني ابتسمت و حسيت إنو روحها رُدت ليها حاولت تقوم بس طاقتها ما ساعدتها و عشان ما تتعب نفسها مشيت قعدت جنبها، بقت تمشي يدها على وشي و بتبكي م̷ـــِْن غير صوت بكت كدا لمن قربت أبكي معاها بعد مساااافه قالت لي أعفي لي يا بتي، والله الزمن داك كنت طايشه و اتحمقت و خليتك وراي كلو م̷ـــِْن غيرتي م̷ـــِْن بُهيثه حسب تفكيري الزمن داك قلت أبوك ح يرمي مسؤوليتك كلها علي و ينسى انك بتو و يعيش حياتو مع مرتو و أولاد والله الغيره و حرقة القلب الكانت فيني خلتني اعمل كدا و عارفه إنو عذري اقبح م̷ـــِْن ذنبي بس انتي حاولي عليك الله تتجاوزي العملتو و تغفري لي ، انا......…> ما قدرت تكمل و انفقعت بالبكى، مسكت يدها و قلت ليها طيييب ما زعلانه مـڼـڱ انا و خلاص الحصل حصل، ضمتني عليها شديد و بكت بكى شديد لما قميصي اتبلى م̷ـــِْن دموعها، قلت ليها بس انا مستحيل أخلي أمي بُهيثه و اجي اسكن معاكم هنا، فكتني و عاينت لي بخلعه كدا بعد مساااافه قالت لي طيب البريحك يا بتي بس ما تنقطعي مني، قلت ليها إن شاء •اللّـہ̣̥ ، قعدت معاها زي ساعتين كدا و حسيت إني خففت عنها و جيتي كانت مفيده ليها شديد قبل ما أطلع شادي قال لي تعالي أبوي عايز يسلم عليك ، في البدايه اتوترت مع اني شفتو قبل كدا لمن ودوني المستشفى، لَـگِنْ توتري كلو زال لمن قابلتو و قعدته معاهو راجل بشوش و طيبان شديد و كلامو كلام زول فاهم و عاقل، انبسط شديد م̷ـــِْن قعدتي معاهو و حسيت إني بعرفو لي زمن لمن جيت طالعه منهم قدموني و قالوا لي سلمي على ناس البيت، شادي كان مصر شديد إنو يوصلني بس انا رفضت لأني سمعتو قبيل بالصدفه قال طالع عندو شغل ضروري  ...
المهم ودعتهم و رجعت البيت و انا حاسه بشعور حلو شديد و حاسه براحه نفسيه كأنو فجأه كدا كل الحزن و الكآبه الجواي اتلاشت و حل مكانها كميه م̷ـــِْن الراحه النفسيه و الطمأنينه، طبعاََ فتحت لي مزن و قالت لي بدري يلختي و حالتك ما كنتي ماشه ليهم!
ضحكت و قلت ليها بدري م̷ـــِْن عمرك ، قلت ليها سامعه صوت حركه الجا منو؟ قالت لي دا عُدى ،، قلبي عمل شحح و جاتني رعشه كدا، قلت ليها اهااا، مشيت استحميت و غيرت لبست توبي و جيت سلمت عليهو شكلو أمي كانت بتتكلم معاهو عن موضوع مهم لأنو كان مركز معاها شديد و أول ما دخلت بدا يعاين لي، أمي قالت لي اهااا لقيتي أمك كيف؟ قلت اهاااا معناها كانت بتتكلم مع عُدى عن الموضوع دا، عاينت ليها كدا و قلت ليها أمي؟!