#غفرانك10
بقلم: مها حولي الزاكي
مزدلفه لحقتنا هناك في المستشفى و حكيت ليها الحاصل و قلت ليها لَـگِنْ ما عارفه المات منو، طبعاََ أمي كان ضغطها مرتفع ، مزدلفه حاولت تتكلم مع و تعرف منـِْهـ♡̨̐ـِْا منو المات بس أمي كانت ساكته و سرحانه بعيد و ما قادره تتكلم مع زول فينا ، قلت ليها خليها لمن نصل البيت مع إنو قلبي كان في يدي ، المهم أجرنا لينا هايس و رجعنا البيت ، انخلعت لما شفت بيتنا مليان ناس و أصوات البكى ماليه الشارع، يخوانا دا كلام شنو دا! معقوله الناس جايه تعزي في بيتنا و أصوات بكاهم شاقه الحي و انا لسه ما عارفه المات منو؟!
مزدلفه بقيت تعاين لي بخلعه و استغراب كدا و انا عاينت ليها بنفس النظرات
طق....عقلي قفل ، فجأه حسيت بشلل في مخي
معقوله!
بقيت واقفه مكانك و مصدومه ما قادره احرك ساكن ، مزدلفه و باقي النسوان المشوا معانا المستشفى سندوا أمي و دخلوا بيها جوه ، أما انا جمدت قبلي و بقيت أقول لٱ لٱ مستحيل يحصل كدا مستحيل ....عُدي لٱ لااااا ما مات....قعدت في الأرض دي و بقيت أبكي بحرقه و بأعلى حس عِنـ.̷̷̸̷̐ـديّ ، فجأه كدا الدنيا لفت بي و لونها اتغير م̷ـــِْن الوردي لـ رمادي ، بقيت اقول ليه كدا يااااارب ليه تعاقبني بعذاب زي دا ، اقسم بالله ما بقدر ما بقدر انا ....م̷ـــِْن هسي ما صابره ما صابره يارب لحقني ليهو هسي دي ما عايزا اعيش تاني....ما عايزا
صراخي و بكاي داك لمى فيني الناس كلهم، طبعاََ كنت ببكي في الشارع جوا نسوان رفعوني و قالوا لي اتصبري الموت حار لَـگِنْ دا قضاء ربنا و كلنا لله راجعون ، قلت ليهم دا كذب كلو كذب ما بصدق و ما تقولوا لي أصبري > فكيت نفسي منهم و دخلت بيتنا كان زحمه موبالغه و أي زول ببكى بإتجاه ، دخلت فيني خوفه لما شفت أهلي كلهم متواجدين و ببكوا بحرقه كدا ....حسيت قلبي حيطلع م̷ـــِْن مكانو ما عايزا أصدق الشايفاهو دا كلو ما بصـ.......
سكته ......و م̷ـــِْن حيث لٱ احتسب لمحت عُدي في الممر و شكلو خاشي لـ أمي ، في اللحظه دي تحديداََ مشاعري بقت مبعثره و حسيت إنو روحي اتردت لي و م̷ـــِْن غير تفكير كتير رجليني ساقوني بإتجاهو، كنت ماشه عليهو بسرعه شديده و ما مصدقه متين اصلو ، مع إنو المسافه ما بعيده بس انا حسيتا بعيده شديد ،، و اخيراََ وصلتو ....خطوه وحده بس الفاصله بيناتنا ...كنت بضحك و في نفس الوقت دموعي نازله ، قلت ليهو بصوت مبحوح كدا
عُدي
أول ما إتلفت علي إترميت في حضنو م̷ـــِْن غير ما افكر انو البعمل فيهو دا غلط و ما صّـْْ(☑)ـْْحّ ابداََ ما كنت حاسه على نفسي و عقلي ما كان بفكر في حاجه إلا عُدي و العباره الوحيده الكانت في بالي "عُدي ما مات " سبحان •اللّـہ̣̥ فجأه راسي بقى زي الصندوق الخالي م̷ـــِْن كل شي إلا م̷ـــِْن ورقه وحده فيها جملة عُدي ما مات
طبعاََ الناس الحولينا ما استغربوا قالوا مصدومه م̷ـــِْن خبر الوفاة و الفاجعه بقت ليهم حاره عشان كدا ما كان في زول مركز معانا شديد
هو كان واقف زي الصنم و انا لسه حاضناهو و ماسكه في قميصو ،، دموعي الكانت نازله خلت قميصو يبقى لين ....بحركه بطيئه زحاني منو ، رفعت راسي و عاينت لملامحو الكانت مرهقه و عيونو الكانت محمره شديد و وشو الصاري شديد ...سرحته فيهو حبه كدا و أول ما سألت نفسي عُدي مالو عامل كدا عقلي رجع لي و انتبهت على نفسي و للعملتو ، بقيت أعاين يمين و شمال بس زول واحد ما كان منتبه لينا ....قال لي بصوت مليان وجع ، ما بيدنا حاجه غير الصبر، البكى ما بعمل ليهو حاجه و ما برجعو لينا فـ احسن شي ممكن نعملو ليهو هو الدعاء ادعي ليهو ربنا يرحمو و يغفر ليهو و يجعـ......
_ بتتكلم عن منو انت؟
قلت سؤالي دا بحيره شديده و كنت بعاين ليهو لعدم ادراك كدا لما هو ذاتو استغرب فيني
= عارف إنو الموضوع صعب عليك و إنك ما قادره تتقبلي خبر وفاتو بس دي سنـة الحياة و كلـ....
_ جاده انا يا عُدي بتتكلم عن منو انت؟ و بعدين ليه كل الناس دي متلمه في بيتنا؟ م̷ـــِْن قبيل بسأل أمي بس ما قالت لي أي حاجه ، المات منو؟
بقى يعاين لي و هو محتار و ما عارف يقول شنو ، خت يديهو على أكتافي و قال لي خالي مجدي ربنا يرحمو و يغفر ليهو
جملتو الآخيره دي بقت لي بعيده و زي الكضب ، قلت ليهو بإستنكار كدا منو؟
مسح وشو بيدو و قال لي زي ما سمعتي ، ما عايزك تنهاري ولازم تكوني قويه و مؤمنه بقضاء ربنا و قدره و.....و......
بقيت ساكته و بعاين ليهو ، فاهمه إنو بتكلم لَـگِنْ بقول في شنو انا ما عارفه ، صوتو بقى لي بعيد و صورتو شويه شويه بقت تختفى م̷ـــِْن قدامي لحدي ما اختفى كلياََ.....كيف و وين و متين انا دخلت غرفتي؟! لما فتحت لقيت بتين م̷ـــِْن بنات جيران قاعدات جنبي في طرف السرير.......صحيت مخلوعه قلت ليهم خالي ، خالي وين؟ ما انتظرت منهم جواب و طوالي قمت طالعه و هم جوا لاحقني > وحده فيهم اسمها سارة قالت لي الجثمان لسه ما وصل عشان كدا تعالي خشي جوه انتي لسه تُعباُنٌهْـ ، الدنيا كانت ليل و يمكن الساعه زي 8 م كدا ، ما رديت عليها و ذات صبر:
طوالي مشيت غرفة أمي مع خالاتي ماسكين بعض و مزن و مزدلفه ماسكين بعض و ببكوا بحس عالي ، اتكلت على الباب و بقيت أعاين ليهم دمعه بالغلط ما نزلت مني.....لسه ما مستوعبه خبر وفاة خالي مجدي و شايفاهو زي الحلم ، كيف و متين و وين مات؟
بعد شويه سمعنا أصوات بكى النسوان زادت زياده ، جوا عماتي و قالوا لـ أمي الجثمان وصل ....البكى كان في بيتنا لأنو أمي عندها 3 أخوات و أخوين التاني اسمو مجاهد معرس و برا السودان ، و خالي مجدي كان بجينا كل ما يلقى ليهو فرصه ََ، فتره كدا كان ساكن معانا عديل و تاني بقى يسافر على طول عشان كدا الفراش حيكون في بيتنا....
طلعت أول وحده ، وقفت جنب باب الشارع و انا ساكته ساي بعاين بعيوني بس و وراي كميه مبالغ م̷ـــِْن الناس و أي زول ببكي براهو و انا كأني لٱ شايفه لٱ سامعه ، نزلوا م̷ـــِْن العربيه كم راجل كدا م̷ـــِْن أهلنا و معاهم عُدي ، جابوا الجثمان في نقاله و جوا مارين بجنبي و انا كنت بعاين للجنازه بإستنكار كدا ، عاينت لـ عُدي و هزيت ليهو براسي بمعنى مستحيل يكون دا خالي ، نزل راسو و ما اتكلم معاي على طول دخلوا الجنازه ...
لحدي ما حموا جنازة خالي و خلاص كفنوهو انا ما نزلت مني دمعه حتى لمن نادونا عشان نشوفوا للمره الآخيره ما بكيت ....بس كويس إني شفت وشو عشان اقدر اقتنع ، طلعوا الجنازه و مشوا بيها المقابر ، انا طوالي دخلت غرفتي و قفلتها علي ما كان عندي أي طاقه اقدر اتكلم بيها مع زول و ما كان عندي قدره أو نفس عشان اشيل بيها الفاتحه مع زول ، هو انا لسه ما مصدقه وفاتو دي اشيل ليهو الفاتحه كيف؟!! قبل ما أدخل غرفتي قلت ليهم ما عايزا زول يجي يعزيني و يبكي فينا رجاء ماف زول يزعجني على كدا قفلت نفسي في الغرفه ، رقدت في السرير و انا حاسه بيهو لافي بي ، كل ما أغمض عيوني بشوف صورة خالي قدامي ، كيف اقدر اصدق يا ناس إنو خلاص مشى م̷ـــِْن عالمنا دا و بقى تحت التراب؟! قبل كم يوم كان وسطنا و بضحك فيني و هسي خلاص راح و اختفى؟! بالسهوله دي؟!
