قلت ليهو عملوا لـ ناس عمتك شنو؟
_ ما عملوا ليهم حاجه و حالياََ في بيتهم أما......
قلت ليهو شنو؟ كيف يعني ما عملوا ليهم حاجه؟ ااهاااا أكيد انتي اتصرفت و طلعتها لأنها عمتك
_ ليه انتي كدا دايما بتستعجلي للشين؟ يا بت الناس زي ما قلت ليك ديك عمتي و دي خالتي و الإنضربت دي بتها و الغلط غلط في النهايه حتى لْـۆ عملتو انت بنفسك فـ عشان كدا بطلي كلام فارغ و تحليل غبي ، عمتي فضيله طلعت لأنو ماف أي دليل ضدها ، و الشرطه ضغطت عليهم شديد عشان يقولوا ليهم الزول العمل كدا في مزدلفه منو، مع إنو حذيفه بهروبو دا اثبت إنو الفاعل بس القانون ما بهتم بالإحتمالات أو التخمينات و كلو بالإعترافات و الإثباتات ، بعد ضغط و تهديد شديد منهل اعترفت و قالت إنو حذيفه هو الضربها و جابوا الجيران و كلهم أكدوا لينا انو حذيفه كل يوم متعود يضربها و كلهم شاهدين على البحصل دا، اما حذيفه فـ لحدي الآن الشرطه بتفتش عليهو و أول ما يلقوهو ح يتعاقب على العملو و لْـۆ الشرطه فشلت في إنها تلقاهو انا بلقاهو و لْـۆ كان في سابع أرض ...
حسيت نفسي محرجه شديد و في مكان ضيق، ما كان لآزٍمٍ اقول كدا ، بقيت اشاكل نفسي في سري ما سكت إلا لما سمعتو قال لي:
_ الدم دا عاجبك؟
رفعت راسي بخلعه لقيتو مأشر على خشمي، قلت ليهو ما اتذكرتو اساسا طلعت مندل و مسحتو
_ بس عايز اعرف انتي البخليك تتقاوي مع راجل شنو؟
قال كلامو دا بضيق شديد، قلت ليهو ڼـعمًـْ؟ ....يعني عادي اشوف اختي مرميه على الأرض و هو الضربها و اقيف اعاين ليهو؟ كان مفروض اصفق ليهو صّـْْ(☑)ـْْحّ ؟
_ أبداََ.....كان مفروض انك تطلعي جاهز اسمو تلفون و تتصلي علي أو على الشرطه، هسي بغبائك و قوة راسك و عنادك دا عملتي شنو؟
قلت ليهو دا الشفتو صح و عملتو و أصلي ما ندمانه > قلت كلامي دا و رجعت جوه لـ ناس أمي في المسافه دي العسكري شال اقوال مزدلفه و مزن و طلع ، بنبرة زعل قلت لـ ناس أمي اتخيلوا انو فضيله العفنه الفقر ديك حالياََ في بيتها! في الوقت الفيهو مزدلفه راقده هنا في المستشفى؟! أمي قالت لي "الله المستعان " مزن قالت لي الشغلانيه دي ما ساي يا مها، ما أي زول فتحوا فيهو بلاغ معناها يتسجن، نحنا عارفين انها كعبه و كريها و هسي عرفنا كيف كانت بتتعامل مع مزدلفه لكن الشرطه ديل الح يعرفهم شنو؟
قربت أبكي م̷ـــِْن الزعل و الغيظ انا لْـۆ علي المرة الفقر دي تتسجن مية سنه، أما حذيفه ولدها الخايب دا لْـۆ حكموا عليهو بالإعدام شايفاهو شويه عليهو ، بعد شويه قلت لـ أمي انا نازله اجيب ليكم شوية حاجات، قالت لي لٱ ما تمشي انتي بس كلمي عُدى ، طلعت برا بس لقيتو ماف ، قلت خلاص معناها ح امشي انا مع إنو كان ممكن اتصل عليهو و اكلمو بس ما عملت كدا، أول ما نزلت م̷ـــِْن السلم لقيت شادي و أمو في وشي في البدايه اتفاجأت!.....سلمت عليهم و سألتهم عن دعاء ، قلت لـ شادي رجعتوا كويسين بعد ما فكوا فينا البمبان؟ أمها قالت لي انتي ذاتك كنتي معاهم يا مها، و انا قايله أولادي براهم الطايشين و ما بسمعوا الكلام والله غلبوني عديل ، ضحكت و قلت ليها ليه عملوا شنو؟
شادي قال لي قبيل دعاء اتصابت في يدها و هسي هي في المستشفى دي، قلت ليهو لٱ حول ولا قوة إلا بالله في أي غرفه؟ طيب ح امشي معاكم ...
أول ما دخلنا ليها اتفاجأت لما شفت يدها ملفوفه و هي ماسكه التلفون و مٍشًغوٍلًهُ بيهو، قلت ليها ياااا بت ! دعاء، رفعت راسها و قالت لي مهااا كيفك و نزلت جات سلمت علي، قلت ليها سلامتك ألف سلامه بس الضرب بـ الطلق دا كان وين؟ مش فكوا فينا بمبان بس؟ ، قالت لي الله يسلمك يا رب ، ايييك فاتك كتير بعد ما فكوا البمبان الناس اتفرقوا في البدايه لكن تاني رجعوا و اجتمعوا عشان كدا ضربونا بـ رصاص حي
قلت ليها حسبي الله و ڼـعمًـْ الوكيل فيهم
_انتي و أختك وصلتوا كيف ؟
قلت ليها كويسين الحمدلله، أمها قالت ليها اهااا كدا استفيدتي شنو؟ الليله الطلقه جات في اليد و الله أعلم بكرا حتكون وين
دعاء قالت ليها ما فرقت حتكون وين كلناااا فداء للوطن 😌✌️شادي قال ليها و ما ح نتراجع إلا نحقق هدفنا يلي هو اسقاااط الحكومه دي
أمهم قالت ليهم ئهه أي وطن دا العايزين تموتوا عشانوا؟ بس ما مشڱلھِ بكرا بضرب لـ أبوكم و أخوانكم عشان يركبوا أول طياره و يجوا يتصرفوا معاكم اصلا انا دي فترت منكم عديل و غلبتوني
قلت ليها يعني عندك أولاد غير ديل؟ قالت لي ايوه عندي ولدين أكبر م̷ـــِْن ديل الكبير اسمو أواب و الأصغر منو طوالي اسمو سامر
قلت ليها ما شاء الله والله كنت قايلاك عندك ولدين بس ياهم دعاء و شادي ربنا يحفظهم ليك يااااارب > قالت لي آمين جمعاََ يا رب
شادي قال لي نسيت اسألك انتي ليه هنا في المستشفى؟
قلت ليهو أختي عيانه و حالياََ أهلي معاها، كلهم قالوا لي سلامتها يارب، قلت ليهم الله يسلمكم، دعاء قالت لي دي فرصه عشان نتعرف بـ أهلك ارح انا ماشه معاك ليهم ، أمها قالت ليها يا بت متين بقيتي كويسه كدي هسي ارتاحي و التعارف ملحوق، قلت ليها فعلا أمك كلامها صح هسي ارتاحي و بعدين بجي أسوقك ليهم أو بجيبهم ليك ټمـٱمـ؟ قالت لي ټمـٱمـ
المهم ودعتهم و طلعته، نـًسّْيـت اساسا انا كنت ماشه وين و لشنو، بعد شويه سمعت صوت شادي و هو بنده علي إتلفت عليهو و انتظرتو لحدي ما وصلنا مد لي تلفوني و قال لي نسيتيهو، قلت ليهو شكررررا ياخ، قال لي { •• الـّ~ـعـفو •• }
شلت منو التلفون و اتحركت زي خطوتين كدا فجأه لقيت عُدى في وشي لمن انخلعت، قال لي بضيق دا منو؟ و م̷ـــِْن قبيل كنتي وين؟
قلت ليهو قصدك منو؟
_ ما تتغابي فاهمه! قصدي الكنتي واقفه معاهو دا
قلت ليهو بعرفو و خلاص
_ بس انا ما بعرفو، دا منو؟
قلت ليهو ما ضروري تعرفو
_ كنتي وين طيب؟
مشيت شفت وحده بعرفها ، و ياريت تاني ما تسألني أي سؤال، مالك معاي ياخ؟!
_ المهم أمك عايزاك سرييييع امشي ليها
قلت ليهو اساساََ ماشه ليها
_______________
غيتو يا عمتو هي عايزا بأي طريقه تفضحك و تدخلك السجن، البت دي فقر خلاص و عامله نفسها مسكينه
_ ياخ دي كلبه و حيوانه ساي ، ما شفتيني ضربتها كيف و لْـۆ ما الصادق ولدي إدخل كان كتلتها في أرضها ديك
و تكوني ريحتي نفسي و نفسك منـِْهـ♡̨̐ـِْا
_ هسي انا شايله هم حذيفه ولدي لْـۆ اتمسك ح يسجنوهو طوالي و كلو بسبب العواليق دي
ما تخافي ولدك مكاااار و ما ح يتمسك و مها دي اعملي حسابك منـِْهـ♡̨̐ـِْا
_ بعد ختيتها في راسي و اصلا تحت تحت سمعت لي كلام غريب كدا هو ما جديد علي لَـگِنْ زمان عشان ما كنت متأكده منو و في ناس يأكدوه و في ناس ينفوه لَـگِنْ هسي بلااااحق الموضوع دا و اعرف حقيقتها
كلام شنو يا عمتي ؟
_ اصبري علي لمن اتأكد منو
_________________
أمي ديل دعاء و شادي جوا عشان يسلموا عليكم
شادي و دعاء دي أمي بُهيثه و ديل مزدلفه و مزن، أخواتي
أمي سلمت عليهم و عاينت لي بإستغراب نظام ديل منو؟
هسي لْـۆ حكيت ليها ح تعرف إني كنت بكذب عليها و بطلع مظاهرات، عملت ليها حركه كدا نظام بحكي ليك بعدين ، و الحمدلله إنو دعاء كانت منزله يد قميصها و إلا أمي كانت ح تسألها عن الشاش الملفوف على يدها و دعاء كانت ح تحكي ليها لأنها ما عارفاني بطلع بالدس
المهم هم قعدوا و اتونسوا معاناو أمي شكلها حبتهم لأنها بقت تتكلم معاهم بأريحيه و أصوات الضحك كانت ماليه الغرفه ، اندمجنا شديد مع الونسه لدرجة اننا نسينا إنو نحنا في مستشفى، قلت لـ دعاء أمك مش وين؟ رجعت البيت ولا شنو؟
شادي قال لي لٱ بس جاها اتصال م̷ـــِْن وزارة التربيه و التعليم ، قلت ليهو ڼـعمًـْ؟ أمك استاذه يعني ولا مديره ولا شنو؟
عاين لـ دعاء و ضحك قال لي لٱ قصدي الوالد ربنا يحفظوا
قلت ليهو هههههه مسميهو كدا ؟
قال جنو يتكلم عن التعليم و التربيه، عشان كد كلنا بنقول ليهو وزارة التربيه و التعليم 🤣🤣
كلنا ضحكنا و واصلنا نستنا ، بعد شويه دعاء جاها اتصال، بعد ما قفلت قالت لـ شادي دي أمي و قالت ما ح تنتظرني و رجعت البيت طوالي لـأنو وزارة التربيه و التعليم حاليا في المطار و جايه على البيت 🤣🤣🤣
قلت ليها يا خساااااره كنت عايزا أعرفها بـ أمي لَـگِنْ ما مشڱلھِ الجايات أكتر م̷ـــِْن الرايحات
"لن أخبرك أنني أحتاجك، ولن أتحدث بصراحة معك، لن تشاهدني أتألم مرة أخرى ولن نتخاصم أبدًا، سأكون هادئ للحد الذي يشعرك بأنني لست موجوده"💛
يتبع.......
