#غفرانك14
بقلم : مها حولي الزاكي
خاتين الأكل قدامنا و بتكلم مع مزن عن الجامعه ، لأنها قدمت و شالوها ، تربيه في جامعة النيلين، أمي في البدايه كانت معترضه و قالت ليها إلا تعودي بس اقنعناها و شلنا فكرة الإعاده م̷ـــِْن راسها، المهم بعد ما انتهينا م̷ـــِْن الموضوع دا و أخدنا لينا صنه كدا أمي قالت لينا عُدي ح يعرس ...
لمن قالت كدا انا انشرقت و اللقمه ذاتا أبت تتبلع لي، طبعاََ كلهم عاينوا لي ، مزدلفه قالت ليها جد يا أمي طيب دي منو العايزها؟
قالت ليها بت عمو ناصر ما متذكره اسمها منو لأنهم عايشين برا السودان، مزن قالت ليها كويس والله، معناها حيكون عندنا مناسبتين في البيت، عرس مزدلفه و عرس عُدي...
كلهم بقوا مبسوطين و بتكلموا عن عرس عُدي و تجهيزاتهم ليها حتى مزدلفه و مزن اختاروا ألوان الفساتين الح يلبسوها، إلا انا كنت ساكته و ماسكه دموعي بالعافيه، مزن قالت لي و انتي يا مها يوم العرس ح تلبسي شنو؟
سكته و ما قدرت اتكلم لأني لْـۆ رديت طوالي دموعي حتنزل و نبرة صوتي حتتغير > مزدلفه قالت ليها مها ما عندها شغله بعرس عُدي ناسيه إنها بتكرهو؟!
انا تاني ما اتكلمت و حسيت حلقي دا اتقفل عديل و دموعي دي ماسكاها بالجلاله، للحظه كدا رفعت عيوني، انتبهت إنو أمي مركزه شديد معاي، ابتسمت ليها و عملت نفسي منتبها على أكلي ....بعد شويه قلت ليهم شبعته و قمت منهم ، مشيت غرفتي و بكيت هناك لمن حسيت دموعي دي خلصت ، قلبي حسيتو بتقطع حته حته، ليه انا يحصل معاي كدا؟
في اليومين ديل بقيت لٱ باكل كويس لٱ بهتم بنفسي زمن كلو بقضيهو جوا غرفتي و لْـۆ زول سأل عني بقول ليهو عيانه أو مصدعه، أمي كذا مَـرّھٌ حاولت تتكلم معاي و تسألني لَـگِنْ بفوق، كنت فاهمه عليها و عارفه هي عايزا تصل لشنو بس كنت بصدعها و بغير الموضوع و بحسسها إني فعلاََ عيانه و بس.
في يوم اتصلت علي لينا و م̷ـــِْن صوتي عرفت إني ما كويسه و أول ما طلبت مني أحكي ما اترددت طوالي حكيت ليها و بكيت ليها شديد أخدت قريب النص سَـآعــهْْ و هي بتحاول تواسيني، قالت لي أخخخ كان تكلميهو إنك بتحبيه.....بس هسي ما فات شي حاولي تصلي ليهو بأي طريقه و م̷ـــِْن غير ما تترددي قولي ليهو كل شي انتي حاسه بيهو ..
قلت ليها و انا ببكي ما بقدر يا لينا هو خلاص اتخذ قرارو و قرر يعرس و أكيد عندو وحده بحبها و كان خاتيها فـ بالو، و ذاتو منظري حيكون بايخ و ح اقلل من نفسي شديد قدامو ، بالعقل كدا يا لينا ح استفيد شنو لمن احكي ليهو؟ كدا كأني بقول ليهو : انا بحبك عشان كدا خلي البت البتحبها و حبني انا؟! و هو حيسمع كلامي و يخليها عشاني !!؟
_ غيتو يا مها ما عارفه اقول ليك شنو، ربنا يجبرك خاطرك و يرزقك بـ ود الحلال
اثناء ما هي بتتكلم معاي سمعت صوت مَـرّه بتنده عليها تلاها صوت زغاريد ...قلت ليها عندكم عرس ولا شنو ...
_ قالت لي امممم ما عرس بس ح اتخطب لـ ولد عمي 😅
قلت ليها بالجد 😍 ألف ألف مبرووووك و ربنا يهنيك و يسعدك يخسي عليك افهم إنك ما كنتي عايزاني اعرف ؟!
_ أبداََ والله و انا مخصوص اتصلت عشان أكلمك فـ لما حسيتك مضايقه شديد و الفيك مكفيك ما قلت ليك
قلت ليها م̷ـــِْن حقي و حقك تشاركيني فرحك زي ما انا بعمل بغض النظر عن حالتي الإتكلمت بيها معاك كان لآزٍمٍ تقولي لي و تفرحيني معاك ...المهم فرحت ليك شديد ، مبرووووك ليك تاني و إن شاء •اللّـہ̣̥ اشوفك أحلى عروسه
_ حبيبتي الله يبارك فْيَگ و عقباااالك يارب
قلت ليها اهااا ما قلتي لي العريس بعرفك م̷ـــِْن وين؟ قريبكم ولا غريب
_ العريس ولد عمي و هو حالياََ في السودان ، ما شافني كتير و ما حصل بيناتنا أي نوع م̷ـــِْن أنواع التعامل قبل كدا ، المهم انو اهلنا قرروا يعرسوا لينا
قلت ليها حلوووو والله ، ربنا يتم ليك على خير ....اذاََ حتجوا السودان ولا هو ح يجيكم هناك و تعملوا الخطبه؟ ولا ماف خطبه و عقد طوالي
_هههههه مها كدي براحه براحه متفاعله أكتر مني 🤣
أبوي قال يعقد لينا طوالي ، بس انا فترة الخطوبه دي مهمه بالنسبه لي و شايفه إنو احسن ناخد لينا فتره كدا نتعرف فيها على بعض بشكل أفضل و بعديها نقرر اذا حنقدر نكمل ولا لٱ ، بإذن الله في خلال اليومين ديل حنجي السودان كلنا ونعمل الخطوبه هناك بعديها أمي و اخواني حيرجعوا قطر و انا و أبوي حنقعد هنا زي ما بنعمل دايما انا بقعد للجامعه لأنها قربت و أبوي حيقد لأنو عندو شغل، اصلا انا نازله سنه رابعه فـ ابوي قال لي في إجازة أول سمستر حنعمل العرس
