_ يمه عليك •اللّـہ̣̥ خليها تمشي المره دي بس ما معقوله تحبسيها بين 4 حيطان و تحرميها م̷ـــِْن المرقه
يا بت هوووي انا كلامي و قلتو ليك و ليها مرقه م̷ـــِْن البيت دا ماف ليها ، و تاني ما تتناقشوا معاي في الموضوع دا
_ دا عُدي القال ليك كدا صّـْْ(☑)ـْْحّ ؟
ما عارفه ليه انتي بتسمعي كلامو و ما بترفضي ليهو طلب حتى و لْـۆ كان على حساب زعل بناتك ، دايماََ عُدي عندك في المقدمه و دايماََ هو الصح و نحنا الغلط، عارفه ليه انا بكرهو؟!
ببساطه لأنو أخد مكانا و أخد الحظ الأوفر م̷ـــِْن حبك و حنيتك و بقى المفضل عندك و كلو كلو ما بترضى فيهو ....مرات كتيره بحس إنو هو ولدك و نحنا جايين م̷ـــِْن الشارع ، بيني و بينك كدا يا أمي متأكده اننا بناتك؟!
بقت تعاين لي بغضب شديد ، بعد مساااافه قالت لي دا طرفي منكم و بعد دا ما عندي بيكم شغله و انتي ذاتك لْـۆ عايزا تطلعي و تطيري السما الأحمر بعد دا ما بسألك ...
قالت كلامها دا و مشت و خلتني واقفه و متمحنه و ما عارفه اعمل شنو ...م̷ـــِْن جهه ما عايزا أكسر كلام أمي و اعمل حاجه م̷ـــِْن غير رضاها و م̷ـــِْن جهه تانيه ما عايزا كلمة عُدي تمشي علينا
يمكن في لحظات غباء و عدم حكمه مني مشيت لـ مزن و حكيت ليها، ، قلت ليها ما تقلقي لـ بعدين كدا حتروق و تنسى ، و هاك دي القروش الحتحتاجي ليها المهم انك تمشي و تنبسطي ، لكن خلي تلفونك جنبك، ، كل دقيقتين ح اتصل عليك و اطمن ټمـٱمـ؟
قالت لي حاااااضر 😍يلا ماشه اجهز
هي مشت تظبط أمورها و انا دخلت استحميت و جهزت نفسي و طلعت للجامعه ...مشيت الموقف الجنب جامعة أفريقيا العالميه طبعاََ كانت زحمه زحمه موبالغه لدرجة إنو الناس بقت تركب أول شي حتى تسأل الحافله دي ماشه وين!
الناس كانت بتدافر في العربات و انا بصرااااحه ما بقدر على المدافره دي ....في بت كدا ربنا يحفظها ركبت و حجزت لي و نادتني بالشباك ....ما صدقت طوالي مشيت ركبت و شكرتها ...قالت لي انا اسمي لينا ناصر ، قلت ليها و انا اسمي مها حولي ، قالت لي بإستغراب كدا مها منو؟
ضحكت و قلت ليها حولي ، قالت لي معناهو شنو؟ لأنو اسم نادر و أول مَـرّھٌ اسمع بيهو 😅
قلت ليها اسم مشتق م̷ـــِْن كلمة الحول بمعنى السنه ،، قالت لي ايواااا ياداب كدا وضح ،، المهم اتونسنا كدا لحدي ما وصلنا للموقف التاني و عرفت إنها بتقرا في جامعة السودان للعلوم و التكنولوجيا /هندسة إلكترونيات و شلنا أرقام بعض ...
بعد يوم متعب و شااااق في الجامعه رجعت البيت ....قبل ما أوصل الباب شايفه الناس دي داخله و طالعه ....سرعت خطواتي و بقيت مقلقه أول زول طلع في وشي قلت ليهو في شنو؟
قال ولد خالتك دا إضارب ليهو مع ناس و قبل شويه في عناصر م̷ـــِْن الشرطه جوا هنا عشان يقبضوه بس ناس الحله ما قصروا إدخلوا و شبه حلوا الموضوع ، و ما أظن كان حيتحل لْـۆ ما العم مرتضى ربنا يديهو العافيه لأنو عُدي دا عوق واحد فيهم شديد والله ،، يلااا العم مرتضى دا ذاتو شرطي و معروف زول نزيه و طيب خلاص ...
في سري قلت الحيوان دا عمل شنو كمان ، جايب لينا الكفى و البلاء ،، دخلت جوه و شايفه في كم راجل كدا م̷ـــِْن ناس الحي قاعدين في الحوش التاني شكلهم بتناقشوا في الموضوع. ....دخلت استحميت و غيرت ملابسي و صليت الضهر ،، قلت كدي امشي و أشوف الحيوان دا عمل مصيبة شنو ...لبست التوب و طلعت م̷ـــِْن غرفتي جيت ماره بالبرنده سمعت صوت بكى ....لمن دخلت لقيت مزن قاعده و بتبكي ...انخلعت و جريت قعدت جنبها ....قلت ليها بخلعه كدا: مزن في شنو ليه بتبكي؟ و بعدين مش انتي مشيت رحله مع صحباتك ولا لٱ؟
.....
ما تسكتي عليك •اللّـہ̣̥ فهميني الحصل شنو؟
جاني صوت أمي و هي بتقول لي بنبره حاده كدا و مليانه غضب: حصل المعروف إنو حيحصل و دا كلو بسببك انتي ، اها كدا ارتحتي يعنى عشان عملتي الفي راسك ؟
بسببكم انتي و اختك عُدي المسكين انضرب و جسمو كلو بقى عباره عن جروح، ذنبو شنو عشان يقعد الوقت كلو جاري وراكم و يدافع عنكم و يتحمل مسؤولية غلطكم !! بس الغلط غلطي انا الما عرفت أربي لْـۆ م̷ـــِْن زمان ضربتكم و أدبتكم ما كان هسي اتجرأت وحده منكم تتناقش معاي و ترفع صوتها علي ، شفتن سكاتي دا و قلتن خلاص بتقدرن علي و بتكسرن كلمتي لَـگِنْ من الليله حتشوفن شعاع و ماف ليكن مرقه تاني م̷ـــِْن البيت دا......
قالت كدا و طلعت ....عاينت لـ مزن بإستغراب كدا و قلت ليها برضو ما فهمت الحصل شنو؟
ردد و هي بتشهق م̷ـــِْن البكى:
لاقيت عُدي هناك في الحديقه و اضارب ليهو مع شله م̷ـــِْن الأولاد ، قلت ليها بنبره حاده كدا:
إضارب معاهم؟ ليه طيب؟ و انت الدخلك شنو، بتبكي لشنو يعنى برضو ما فاهمه؟
.....
احسن ليك تتكلمي يا مزن ......بس أوعك تقولي لي إنو شلة الأولاد دي كانت تابعه ليكم!
بكاها و عدم ردها على اسئلتي خلاني أفهم اللازم أفهمو
قلت ليها بضيق: دي نهاية ثقتي فْيَگ؟ م̷ـــِْن متين نحنا بنعمل كدا؟ بس الغلط غلطي انا ما كان أخليك تمشي و تعملي الفي راسك ....بس دي أول مَـرّھٌ و آخر مَـرّھٌ و تاني شوفيني كان وقفت معاك و اقنعت ليك أمي لحاجه ....
قمت خليتا و هي بتبكي ...مشيت الحوش البهناك و دخلت الغرفه لقيت أمي قاعده مع عُدي بتنضف ليهو في جروحو و هو متسطح علـّۓ. السرير، جسمو كلو كان عباره عن جروح زي ما قالت أمي......للحظه حسيت بالذنب و م̷ـــِْن غير ما أحس على نفسي جيت و قعدت في السرير المقاصد ليهو و هو كان بعاين لي بإستغراب كدا ....ما قدرت أقول انطق و اقول ولا كلمه ، يمكن لأني خجلت م̷ـــِْن نفسي و م̷ـــِْن التصرف الغير موفق البدر مِڼـّي ...زعلت م̷ـــِْن نفسي أكتر م̷ـــِْن زعل أمي مِڼـّي.....
طبعاََ م̷ـــِْن جيت و قعدته معاهم أمي كانت عامله نفسها ما شايفاني ما اتكلمت معاي ولا بالغلط ....كانت بتلف ليهو في الشاش قلت ليها جيبي اعمل ليهو اليد التانيه ....ما ردت علي......شلت الشاش و كنت ح اعمل ليهو اليد التانيه على الأقل اخفف احساسي بالذنب دا شويه ، قبل ما اعمل أي شي أمي وقفتني و قالت لي ماف داعي، تقتلوا القتيل و تمشوا في جنازتو
كلامها زعلني شديد ختيت الشاش و طلعت منهم و قلبي واجعني شديد ...كلو بسبب عُدي الفقر دا ....دايماََ بتزعل مني بسببو ، بتشاكلني بسببو، بتقاطعني بسببو
و كل يوم انا كرهي ليهو بزيد بسبب الحاجات دي كلها و أكتر ياريتك ما دخلت حياتنا 💔
كنت جعانه و بعد كلام أمي دا نفس قفلت م̷ـــِْن الأكل رجعت غرفتي و انا دموعي في طرف عِيوني ....لقيت تلفوني برن و الرقم كان غريب و انا خاااالص خاااالص ما برد على الأرقام الغربيه ما عارفه ليه بس بتجيني رعشه و خوفه كدا م̷ـــِْن شنو ما قادره اعرف
المهم لما الإتصال اتكرر كما مَـرّھٌ دا ، مسكت التلفون فتحت الخط و سكته ...جاني صوت بت بتقول آلو مها؟!!
قلت ليها بإستنكار كدا ايوه مها منو معاي؟
ضحكت و قالت لي مع إنو كل الناس بتقول لي صوتك واضح في المكالمه بس انتي شكلك طاشه شبكه ، انا لينا ....لينا ناصر اتذكرتيني؟ حجزت ليك قبيل في المواصلات 🤣🤣
قلت ليها ايواااا لينا اتذكرت والله كيفك؟
قعدت اتونس معاها لحدي العصر، البت طلعت ظريفه و بتخش القلب مع إني انسانه ما اجتماعيه و ما بحب اختلط بالناس و علاقاتي محدوده بس هي خلتني اتكلم معاها بأريحيه حسيت نفسي كأني بتكلم مع وحده بعرفها م̷ـــِْن زمان ♥️
"أحيانًا يجب عليك التخطي مهما كلفك ذلك ، ومهما كان الأمر صعبًا ، يجب عليك أن تمضي قُدمًا ، وإلا ستبقى عالقًا في حزنك حتى وإن مرّت عقود ، توقّف عن تدمير ما تبقّى من قلبك بالتفكير ، ستنضج حين تَستوعب أن سعادتك تكمُن في التخلي والإكتفاء لا الحصول على المزيد ، ستصل لمرحلة التصَالُح مع الذات وستُحقق سلامًا داخليًا ، سَتُصبح بخير.. بلا شك أفضل مما أنت عليه الآن." 💛
يتبع......
