كفاك ظلماً

بارت١٣(ج٢)

  رمضان كريم

كفاك ظلماً
البارت ال١٣
طيف عامر

...    

روح : استقبلنا السنة الجديدة والجميع عنده امنيات جديده الا اني امنيتي بكل يوم وبكل عام اتمناها
اولادي يبقون بحضني وما يصير شي يفرقني عنهم..

حضنت امي ونورهان وبكلبي كلت،، كل عام وماتسون مصايب وتورطني وياجن
باستني امي وكالت الله يكتبلج السعادة والفرح وتعيشين مرتاحة..

ابتسمت ورحت اقطع الكيك خليته بصحون نايلون وزعته وكذلك العصاير وبقيت جزء لثاني يوم لان هواي سويت اربع كيكات حسب ميحبون صيصاني

طبعاً معندي فرن فاخذتهن لابو الصمون وسويتهن عنده..

فرشت الهم وهم يباوعون بالموبايل يسار نومته بفراش معزول عنهم اخاف لا يضربوا بالليل  لو ينزعج

نمت واني اتمنى اعيش هالسنه مرتاحه ..

ثاني يوم عطله طلعت اني ويسار ميقيل ينزل بالكاع جبرته يمشي
شفت الشارع فارغ تركت ايده وهو ضل واكف اريده يتعلم..
اخذته بحضني واني احجي وياه اريده يجاوب بس الجماد يحجي هو ميحجي..

وكفت على ابو الصمون اخذت بالف وانطيته العلاكه يلزمهه..
رحنا هم للاسواق واشتريت للريوك ورجعنا

سويت جاي وكعدت امي ونورهان وهن يتذمرن كعدوا بس صيصاني خليتهم يهجمون على خالتهم وجدتهم
ما ارتاحوا لحد ما شفتهه راحن يغسلن واجوني يزهون بالنصر ..

ايمن  :  ماما يسار ليش يروح وراج وين مترحين
روح  :  لأن يحبني
ـ يحبج؟؟
ـ اي ليش متفاجئ يحبني ويمشي وياي لأن اني اخاف اروح وحدي
ـ بس بابا كال عليج ..
ـ شگال؟
حط اصبعه على خشمة وضل ساكت
ابتسمت وكتله
ـ شكال ابوك حبيبي؟

أيمن : كال مو تكوللها ازعل عليك
روح : بس اني أمك
ـ ها يعني عادي؟
ـ اي بس الي تكول ممنوع لأي احد ثاني
ايمن ـ كال امك متخاف، امك قويه وسبعه
ـ ههه سبعة لو ثمانية!  هو هيج كال متأكد؟

ـ أي ماما حتى كلي من تروح بوسهه بخدهه وخلي هي هم تبوسك مثل هذاك اليوم 
ـ امم يا يوم بله؟
ـ هذاك اليوم ماما من بستيني هناا واشر على خده رجع كمل ببرائة.. بابا رجع باسني وحضني هوااي

سحبته من ايده لحضني لك انت شنو عسل  شنو هالكلام مالتك شحلات حجيك شكد احبك اني
ضل يضحك اسنانه حلوات وملامحه تشبه ابوه حبيبي عمره ٣ سنوات وراح يبدي بالشهر السابع
كلامه مال واحد عمره خمس سنين يفتهم حيل..