كفاك ظلماً
بقلمي طيف عامر
بخيبه روح
| طلع هين فراگي وانسي بسرعة ...
________________
#
نورهان
الحال الي وصلتله روح بسبب شخصين وهم عمر وفرقد دمروهه الله ليوفقهم
جانت تذبل شويه شويه
وامينداري ضغطهه دومه صاعد وكل شويه تنذر لو ترجع اختي لوضعهه الطبيعي
جانت علا تصب بصينيه غدا الهه وامي كاه تباوع بحزن كالت الهه
ـ لا تكثرين هي اصلا متاكل بس تباوع على الاكل تنسد تنفسيتهه
علا ندارت لامي وكالت.. عمه ليش ماتاخذيهه لابو مروه؟؟
تنهدت امي وكالت.. متقبل لو تقبل هنيالي اريـد اعـرف شبيهه وشنو الي وصلهه لهاي الحـالـه..
علا.. مو بكيفهه اخذيهه غصب عنهه لشوكت تبقى هيج صارلهه شهر هناا ماشايفه ابنهه وماشايفه ضوء الله
امي هزت راسهه وكالت.. ان شاء الله بس خلي تطيب شويه شو كلبهه هالفتره حتى ايدهه متحركهه تكول خدرانه وسوده عليه مي متكدر تلزمه بايدهه
نزلت دموعهه بحزن مسحتهه بحجابهه واخذت الأكل الهه رحت وراهه اني..
جانت نايمه ومغطيه وجهه بس اديهه واكعه بالكاع وتنفسها سريع
انثنت للارض ولزمت ايدهه فزت روح بخوف وكالت...يمه شنو هسه ليل نهار
امي ردت بحزن ... يمه هسه دنيا الظهر
كومي تغدي
هزت رأسها وكعدت وهاي أول مره تقبل جانت بالتواسيل يله تحط لگمه بحلكهه
كعدت لازمه كتفهه امي تنهدت وسالتها.. شبيهه ايدج؟؟
هي ردت ... ما اكدر احركهه
اسراء.. شبيهه اني اخذج يمه اكلي وسبحي وحضري روحج
هزت راسهه بقبول واكلت شويه ودفعت الصينيه
اسراء،، كملي يمه
روح،، شبعت ماريـد
باوعتلي وكالت،، فدوه نورهان اريد منج ملابس طلعه حلوه ومكياج
هزيت راسي متفاجأة وهي دخلت للحمام وطلعت لابسه ثوب
اخذت مني الملابس وطلعت تنشف بشعرهه انطيتهه شسوار وشسورت شعرهه
اخذت المكياج وحطت خفيف لوجهه صارت حلوه
وهم نزلت سحر مرت امجد ضلت تتشاقه ويا روح لان اول مره تطلع وتعوف الفراش
روح،، سحر اريد منج كعب؟؟
سحر،، والله عندي بس مو كلش عالي لأن تعرفين بيه طويله ومالبس كعبات
اذا تردين تشوفيهن
هزت راسهه بلا وكالت... اغراضي القديمة بعدهن؟ ملابسي احذيتي، جنطي؟؟؟
اسراء،، لا بقيتهن بكنتورج
تعالي شوفيهن
أنت تقرأ
كفاك ظلماً
Mystery / Thrillerكفاك ظلماً (الامرأة المتمردة) أكتب إليك فلا أحدٍ حولي سيفهم ما بداخلي.. أنا إمرأة بسيطة للكثير من الهموم تحتوي.. فرحي قليل حزني كثير شربت من الحياة ولم أرتوي من حولي لا يفهمني أحدثهم ولا أحد منهم يسمعني وكأن الحظ يعاندني والوجع يصاحبني.. وصدقًا أغ...
