كفاك ظلماً
البارت ــ 12ــ
طيف عامر 🕊
....
ـــ وراها تعيـش لكـن گلبك يموت
واحساسك الطيب يبدي يفهم
ما تحزن بعد من عنك يروح
ما مسموحلك يومية تندم ...
....
البارت 11 بلكوه نشر شلع گلبي ولكيت ناشرته مرتين اعتذر منكم ♥...
.
.
روح
اصعب شي ممكن يواجهه الإنسان هو الفقدان واني فقدت كلشي، اهلي، زوجي، صحتي، اخر شي بقيت متمسكه بي هو طفلي
من وكعت رغم وجعي وخوفي من عيني الي حسيت الفص وكع ضليت لازمه بطني وظهري حسيته نقسم نصفين
اجتني علياء تركض وهي تصيح وتغلط على عمر وتكول راح تموتهه الله ليوفقك بيك رس من امك
هو تخبل غلط حتى على أمه وراح بدون حتى ميسأل عليه اذا بيه شي أو لا
ابتعدت عنها واني اكول... يلله لوميني كوليلي اسلوبج مو حلو وأنت غلطتي بحقه
هسه هو الي بدأ وحجه كلام مستحيل أنساه
علياء... ثنينكم غلط،، هو كلامه مثل السم يعرف شلون ياذيج بدون ضرب
وأنت غلطتي شعليج باخته جان سكتي
روح.. شعليه شنو؟ اليدك الباب يلكى جواب واني جاوبت دارين على الي تستاهله هي رخيصه اني شكوو
هي فتحت عيونهه بصدمه وكالت.. والله لو يسمعج أحمد هالمره يطيح حظج وحظ رجلج
روح.. هو اني صايره مكفخه
رادت تلزمني ابتعدت عنهه وكلت... خاله بس انطيني مرايه بلازحمه وكلنس
علياء.. عينج بس خلي اشوفهه
روح.. ميحتاج بس شوي الكتلج
كامت انطتني مناديل ومرايه صغيره الحجم كتلها.. اريـد أبقى لوحـدي
هي مكالت لا طلعت وتركتني
احس عيني كمت ما شوف بيهه كميه الالم والخوف مو طبيعي عندي
ايدي الرجفه مراحت منهه ابد
تقربت فتحتها جان لونها مخيف احمر على بني البياض ماكو ابد
مسحتها وردت قطره بس المشكله بغرافتي واحتاريت شلون اجيبها
دزيت زينه بلكوه قبلت كالت.. راح اخابر عثمان يجيبها
اي شي المهم يجيبوها وفعلا شويه واجه خطيه سأل عن وضعي وكال.. خوما عمر ضربج
اني دنكت وكتله... ياريت
هو يعرف بأخوه شنو مكال شي حتى ميتأزم الموقف
خليت لعيني ونمت بعد محسيت بألم فضيع الفجر كعدت من حلم بشع
وفضييع
جنت امشي حافيه والشوك والنباتات الصغيره الي تجرح منتشره بالمكان الي اني مستقيمه امشي عليه
امشي والخوف ممتلكني محسيت الا ووكعت بحفره من وكعت فزيت فزه عبالك صدك ضليت احرك برجلي وارجف من الخوف
أنت تقرأ
كفاك ظلماً
Mystery / Thrillerكفاك ظلماً (الامرأة المتمردة) أكتب إليك فلا أحدٍ حولي سيفهم ما بداخلي.. أنا إمرأة بسيطة للكثير من الهموم تحتوي.. فرحي قليل حزني كثير شربت من الحياة ولم أرتوي من حولي لا يفهمني أحدثهم ولا أحد منهم يسمعني وكأن الحظ يعاندني والوجع يصاحبني.. وصدقًا أغ...
