كفاك ظلماً

البارت العاشر (الجزء الثاني)

رمضان كريم
صديقاتي

كفاك ظلماً

البارت ١٠ من سلسله الجزء الثاني

روح  ...  طلعت من العمارة واني ضايجه شنو بدون كرامه راجعتله
مو عذبني وشفت الضيم وياه ادري جسم لو بلاستك حتى صحتي اخذها

سالت احد الماره.. اكو كراج هناا؟

اشر وكال طلعين هذا الشارع على ايدج اليمنى تلگين..

تشرك منه ومشيت واني سارحة بتفكيري معقوله جرحت مشاعره لو اذيته ضاج وحس باللوعه وكلبه وجعه وحس بيه نقص حتى حجيت هيج

شاف الي اني شفته وعاش الموقف العشته..

نتبهت لصوت الهورنات برت الشارع ومشيت حسب الوصف
صعدت سيارة ورحت للبيت گبل

انطيته كروه ومشيت الجهال يسلمون عليه ابتسم وامشي لحد موصلت للبيت عفت كلشي ونمت

تركوني على راحتي لحد ما ذبيت حركتي بالنوم لان اذا اكعد اعرف مراح الزم نفسي

كعدت الضهر ضايجه بالزايد واحس شي كاتم الفرحة عندي ومعقد حياتي 

دموعي صارت تنزل بغزاره ماعرف شنو وليش بس احس شي بداخلي ياذيني ويخنكني ..

دخلت امي وشافتني على هاي الحاله ضلت تسأل لحد ما حجت الها كل الموضوع جابت قران وصارت تقرالي
انطتني حبوب وجع راس وجابتلي علگ شدته براسي ونمت دموعي متقبل توكف

خابرتني طيف رديت عليها صوتي مختنك كوه احجي كالت.. هلاو شلونج روح بس خابرتج انطيج علم باجر عدنا امتحان ومهم كلش
ضروري تجين

روح.. مريضة والله ماكدر اجي
طيف.. كتلج مهم حاولي بلكي تقرين وتخلصين ترى الدكتوره متعيده

ـ ميخالف احاول، شكراً الج
ـ العفو دللي

غلقت الخط وجبت ملزمتي اقرا ودموعي تبلل الملزمه شمرتهه ماكدر والله احس شي لازمني وهيج عبالك حبل وملفوف على عنقي محد يشوفه بس اختنك بيه..

دخلت ندى باوعتلي وكالت... شنو هاي حالتج ولج شصاير بيج هذا كله من ورا عمران ياريت لو يستاهل
جنت معصبه الى درجة عطت بيها.. يا نعلان
راسي راح ينفجر اريد انتحر بلكي يخلص عذابي

دخلت امي كالت  .. تنتحرين يعني خسرتي اخرتج عبالج ترتاحين مو تدخلين جهنم وتصيرين حطب للنار هناك
ضربت على وجهي .. شلون لعد اموت شلون براسي رب العالمين المن يعذبنا ويعاقبنا لما نقتل ارواحنا

جاوبتني بحده
ـ اشش حرام هذا الكلام الإنسان معرض لكلشي وهذا امر الله يجوز انتي مريضه من شي
مثلا فقر دم شو انتي متاكلين طبعاً وجع راسج يصل عليج