كفاك ظلماً

البارت التاسع (جزء،٢)

#كفاك ظلماً

بارت  التاسع  /  طيف عامر

روح  ...  ابتعدت عنه واني عيوني بكصتي
رفعت اصبعي وحجيت بنبره تحذير

ــ شلون تسوي هيج. متستحي والله اموتك بس تتقرب مني، احترم نفسك انت مو طلكتني ليش تخليني احمل ذنب وحرام اني هسه صرت حالي حال الرخيصات
كله بفضلك والله ما اسامحك..

ضحك باستهزاء واني معصبه جنت وكلش تصرفه مستفز اني ابجي وهو يضحك شكد كرهته وحسيت نفسي ما اسوه شي عنده  ..

حقير هو مو طلكني شكو يتصرف هالشكل حيل عزت عليه نفسي وحسيت بالذل

باوعلي هو وبلع ريگه مثل الي حس بيّ زعلت حاول ان يهديني او يشرحلي بس كنت مضطهده وكارهته..

دفعت ايده الي تحاول تتسلل لجسدي وحجيت بكلمات حسيتعا جرحت گلبي من الداخل  ... اكرهك، عمري مكرهت واحد مثلك اكرررهك حتى اكثر من اي شخص بهذا الكوكب..

هز راسه وكال بجمود ... جيد

باوعتله بنظرات غاضبه وحجيت  ...  اذا عندك ذره من الرجوله ولو احساس بسيط تتركني وتبتعد عني
اني مو محط لقذاراتك مفهووم  ..

هز راسه واشر  على الباب كال اطلعي بسررعة..

هزيت راسي وابتعدت منه فتحت الباب وطلعت واني ابجي  ..

لاگتني طيف صاحت عليه.. الدكتور ماجد يكول

بدون متكمل طلعت بخطوات سريعه گبل للبيت سبحت وطلعت لاكتني امي مالي خلك احجي وياها
صبيت اكل ورحت للفراش نمت

ثاني يوم ما داومت مالي خلك اطلع راسي ياذيني حيل، خابرتني طيف علمود الخط اتفقنا على السعر وكلشي..

ثاني يوم لبست كمامة امي ترزل بيه عيب مخبله متستحين شيكولون عليج

تركتها وطلعت سلمت على البنات وبقيت لابستها لحد ما وصلت للكليه

طيف ـ مراح تنزعيها
ـ شنو
ـ الكمامه

ـ ماريد اني مسويه تجميل واضح كاريدت يبين
ـ عادي قابل مسويه غلط بكيفج وجهج وانتي حرة..

ـ لا بس هسه عبالهم إني من الطبقه المخملية من يشوفون لبسي ووجهي فـ استر على نفسي افضل.. 

ـ بكيفج

دخلنا للقاعه حضرت اغراضي وكعدت اكتب واطلع على الملازم 
دخلت دكتوره عنرها بالاربعين بس مهتمه بمظهرها

سلمت وضلت تتناقش واني ساكته وملتزمه بالصمت التام

فاتت من يمي كالت .. نزعي كمامتج
بلعت ريكي وانزعجت كتلها
ـ اذا ممكن ابقيها لان حابتها

ـ انتي وين جايه ماما تدرسين لو جايه تعرضين بنفسج
شنو هذا شكلج وخدودج

ضلت تحجي على الطالبات وعلى مظهرهن اني ملابسي كلش زينه والله مو مدح بنفسي عيوني ضلت تدمع وحدهه..