kuch nahin (On Hold)

5

Ajeeb baat hai aaj bahut alag lag raha hai pata nahin kyun teri kami sach mein khal rahi hai tujhse milne ka mann kar raha hai tujhe dekhne ka mann kar raha hai pehli baar Hua hai aisa ki Shiva dukaan ko chhodkar tere ghar se thodi hi duri par khada tera intzaar kar raha hai teri ek jhalak dekhne ko betaab ho raha hai tu theek toh hai na raavi mujhe pata hai ki humne tere saath sahi nahin kiya teri feelings ke saath khela par sach mein Inn sabmein mera koi bhi haath nahin tha maine toh kaha tha dev se ki tujhe sach bolde par usne hi nahin bola sach tujhe maine tujhe bhi toh kitni baar kaha ki dev tujhse pyaar nahin karta par tune bhi kahan suna tha sorry raavi tak nahin bol paaya main tujhe

Shiva raavi ke ghar se thodi dur khada khudse hi bole jaa raha tha ki woh ruka tha or uski palke jhapakna bhul gayi thi jaise
Raavi Shiva bola tha or uske kadam aage badne lage par dheere dheere

Aaj pura ek hafta ho gaya tha raavi or rishabh ki shaadi ko or uss Din ke baad se aaj shiva ne raavi ko dekha tha jiske face mein thodi si smile thi jo rishabh ka haath pakdi Hui thi or uske saath shayad Mandir se ghar lautkar aayi thi simple saadi pehni thi usne shayad koi pooja wuja kari hogi Mandir Mein un dono ne Kyunki rishabh bhi dhoti kurta pehna Hua tha or abhi raavi khadi thi or rishabh ghar ke Gate mein laga Hua tala khol raha tha chaabi se

Raavi beta aa gaye Mandir se koi bola tha or shiva bhi apne hosh mein aaya tha or wapas se muda tha woh khudko daantte hue or jab thodi der baad palta ye sochkar ki kahin raavi ne dekha toh nahin karke toh hairaan Hua tha woh or phir aage bada tha Kyunki raavi wahan thi hi nahin shiva rishabh ke ghar ke baahar ruk gaya or andar ki oor bada tha kuch chillane ki awaaz sunkar ki phir ruk gaya saamne ka nazara dekhkar

Raavi tum chupchaap se ye khana kha lo varna achcha nahin hoga samjhi tum
Rishabh bola tha raavi se

Raavi :- nahin rishabh mera vrat hai aaj main khana nahin khaungi raavi boli thi

Rishabh :- raavi chupchaap khaana khaa lo varna main jabardasti khilaunga tumhe

Jabardasti shiva khudse bola tha mujhe pata tha ki ye rishabh raavi ke liye sahi hai hi nahin tabhi toh mujhe ye pasand nahin hai ye jabardasti kyun khilana chaahta hai khaana raavi ko kahin kuch milaya toh...

Raavi :- rishabh mera vrat hai

Rishabh :- raavi pyaar se nahin sunti na tum bola na maine ki khaana khaao toh khaao yaad nahin hai kya Doctor ne kya bola tha ki tumhe proper medicine leni hai khaani hai toh chupchaap se khaana khaao or phir medicine bhi khaani hai or phir rest karogi tum samjhi

Raavi :- rishabh medicine nahin khaani

Rishabh raavi ka haath pakadkar bola :- dekho raavi tum agar medicine nahin khaaogi toh theek kaise hogi tum theek hogi toh tabhi toh apni maasi ka mausapaa ka khayal rakh paaogi tumhari aage ki padhai kar paaogi chalo ab chupchaap khana khaao chhodo tumhe nahin khana khana toh main khilata hun par khana toh tumhe finish karna hi hoga kahkar rishabh ne raavi ko first bite khilaya tha

Shiva ye scene dekhkar wahan se bhaari mann se chala gaya kitne hi sawal chal rahe the uske dimaag mein woh khush bhi tha rishabh ko dekhkar ki woh raavi ka khayal rakh raha hai uski family ki fikar karta hai or bura isliye lag raha tha ki raavi ab usse dur ho gayi hai Kisi or ki ho gayi hai ab uske pass pandya niwaas mein aane ke liye koi reason hi kahan bacha tha koi apna hi kahan bacha tha jisse milne ke bahane hi sahi woh aati Shiva ghar pohcha tha wahan se

Dhara ne Shiva ko dekha toh hairaani se boli

Dhara :- Shiva tu aaj itni jaldi ghar aa gaya tabiyat toh theek hai teri

Par shiva toh khoya hua tha raavi ke khayalo mein usne dhara ki baat suni hi nahin or store room mein pohcha gaya or Gate band karke apni puraani yaado mein dub gaya

6 din pehle

Subah Hui thi or Shiva jo ki soya nahin tha utha tha khatiya se or naha dhokar jaldi jaldi taiyaar Hua tha dukaan jaane ke liye or Haqiqat mein raavi ko dekhne ke liye par Jab woh ghar se baahar nikal raha tha ki dhara ne roka tha use khaana khaane ke liye or na chaahte hue bhi Shiva ruka toh tha par ek roti bhi theek se khaa nahin paaya tha woh or utha tha ki ab dukaan jaa raha hun ho gaya mera kahkar par suman ne Shiva ko roka or apne saath room mein lekar chale gayi kuch baat karni hai kah kar

Suman ka room

Suman :- kya baat hai shiva kal se dekh rahi hun tujhe kya hua hai mujhe bol

Shiva :- mujhe kya hoga maa dukaan jana hai chalta hun kahkar Shiva room se bahar jaane laga ki suman boli

Suman :- raavi ko dekhne jaa raha hai na itni subah subah

Shiva ruka or palta tha ki suman phir boli

Suman :- aise kya dekh raha hai maa hun teri sab dikhta bhi hai or sab samjhti bhi hun main samjha tu or ek baat ye bata jab tujhe woh ladki pasand hi nahin hai toh tu itna kyun pareshaan hai uske liye

Shiva :- maa ye tu kya bol rahi hai main toh dukaan jaa...

Suman :- khaa meri kasam ki tu use dekhne nahin jaayega khaa meri kasam ki tujhe uski fikar nahin hai uski tension nahin hai agar tu meri kasam khaa de toh main maan lungi ki itni subah mera woh beta jo kabhi uthta nahin tha woh utha or sirf dukaan jaane ke liye balki khaana tak pura nahin khaaya uss ladke ne jo ki sabse zyada khaana khaata hai sirf ek roti se aaj uska pet bhar gaya (Shiva ko shaant or Shiva ki nazaron ko jhuka Hua dekhkar) dekh Shiva jo baat tujhe khaaye jaa rahi hai woh mujhe bol sakta hai main maa hun teri tera dil teri aankhein sab bata deti hai mujhe samjha tu ab sach sach bol itni subah subah raavi ko dekhne hi jaa raha tha na tu

Shiva muh se kuch nahin bola par apna sir haan mein hilaya tha

Suman smile ke saath :- mujhe toh pata hi tha ki mera Shiva baaki sab ki tarah nahin hai par tujhe raavi prafulla ke ghar par milegi hi nahin
Shiva ne Suman ko dekha tha nazar uthakar Jaise puch raha ho kyun

Suman :- woh toh apne sasuraal mein hogi or uska sasuraal kahan hai woh mujhe nahin pata par koi na main pata karke tujhe bata dungi tu tab jaakar dekh liyo use or mujhe bhi bata diyo ki kaisi hai woh bachchi or thodi der baad Shiva Or suman ne kuch baatein ki or phir suman boli shiva se ab jaa tujhe dukaan jaana tha na

Shiva ne phirse apna Sir haan mein hilaya tha or room se bahar nikala tha dukaan jaane ke liye

Teen din baad Suman ne Shiva ko raavi ka address diya tha or kaha tha ki raavi se agar baat ho toh sorry bol dena sabki taraf se or shiva ne theek hai bola tha or jaa hi raha tha raavi ke ghar par gaumbi ne use do Din bahaar bhej diya tha somnath se jiske kaaran woh uss time raavi ke ghar jaa hi nahin saka or jab gaya toh use dekhkar uski himmat hi nahin Hui ki uske pass jaakar kuch kah bhi sake

Present day

Kitni ajeeb baat hai na raavi ki shaadi hue ek hafta hi Hua hai or mujhe uski kami kitni khalne lagi pata nahin kyun par Aaj use rishabh ke saath dekhkar thoda bura laga par woh khush hai ye baat jaankar achcha laga ho sakta hai ki rishabh achcha insaan ho or maine hi use galat samjh liya ho Kyunki woh toh raavi ka itna khayal rakhta hai jitna shayad hum bhi nahin rakh paate main khush hun shayad unn dono ko khush dekhkar

Shiva ne apni diary band ki thi or late gaya tha khatiya mein diary ko takiya ke neeche rakhkar

Jab samjh hi na samjh ban jaaye
Jab didaar ko aankhein taras jaaye
Tab jaan lo baat ye ki
Koi hai jo aapke liye sabse khass ho gaya hai

Okk byee