"သွားပါ မသွားပါ ငါကတော့ မပြောချင်ဘူး။ ဒါပေမဲ့ မင်း ဝေခွဲရခက်နေတာနဲ့ပဲ နေချို့အပေါ် အေးစက်စက်လုပ်မနေနဲ့"
"ငါက မလုပ်ပါဘူး"
နှာခေါင်းရှုံ့လိုက်မိသည့် ခွန်းနစ်။ ဝေဖြိုးနိုင်က အမြဲ သူ့သူငယ်ချင်းဖက်ကပဲ ပါသည်။ ခွန်းနစ်ကဖြင့် သူ့သူငယ်ချင်းကို ချစ်လွန်းလို့ လိုတာအကုန် ဖြည့်ဆည်းလို့ပင် မဝချင်။
"မင်းကတော့ တမင်မလုပ်ဖူးပေါ့။ သူကသာ အရိပ်တကြည့်ကြည့်လုပ်နေတော့ မင်းမျက်နှာ အပြောင်းလဲကစ သိနေမှာ"
"နေချိုမောင်တောင် သူ့အကြောင်း မင်းလောက်သိမှာ မဟုတ်ဘူး"
ဒီတစ်ကြိမ်တော့ ခွန်းနစ် ရွဲ့လိုက်သည်။ ထိုကိစ္စနှင့် ပက်သက်ပြီး တွေးလိုက်ရုံနှင့်ပင် ခေါင်းကိုက်ရလွန်းတာကြောင့် ကိုယ်တိုင်က မသိချင်ယောင်ဆောင်ကာ မေ့ထားခဲ့တာ ကြာခဲ့ပြီပင်။ သို့သော် ကိစ္စတစ်ခုဆိုသည်က ရှောင်ဖယ်ထားရုံနှင့် ပြီးဆုံးသွားသည် မဟုတ်။ ယခုပင်ဝေဖြိုးနိုင်က အစပျိုးကာ သတိပေးနေခဲ့ပြီ။
"ရည်းစားနဲ့ သူငယ်ချင်းက မတူဘူးလေ။မင်းက နှစ်ယောက်စာ ပျော်အောင်ကြည့်ပေမဲ့ ငါကတော့ ငါ့သူငယ်ချင်း ပျော်အောင်ပဲကြည့်တာ"
"ငါကရော မင်းသူငယ်ချင်းပဲ မဟုတ်ဘူးလား။မင်းက မျက်နှာလိုက်တယ်"
"အေးပါ အေးပါ မင်းနဲ့ စကားပြိုင်မပြောဘူး မောတယ်။ ခုတ်ရာတခြား ရှရာတလွဲ တကယ်ပဲ"
တဗျစ်တောက်တောက် ညည်းညူးရင် ဝေဖြိုးနိုင်က သူ့စကားကို အဆုံးသတ်လိုက်သည်။ ခွန်းနစ် တဟားဟား ရယ်သောအခါ သူက "ဒါနဲ့ပဲ ငါတို့ကို အနိုင်ကျင့်နေတာ" ဟု မကျေမနပ်ပြောပြန်၏။ သိသိသာသာတော့ မဟုတ်။ သူ့တစ်ကိုယ်စာ ကြားရုံပြောတာဖြစ်တာကြောင့် မသိချင်ယောင်သာ ဆောင်နေလိုက်တော့သည်။
စင်စစ်မှာတော့ ခွန်းနစ် ဘယ်လောက်ရယ်နေပါစေ စိတ်က နည်းနည်းလေးမျှပင် ချောင်လည်နေခြင်း မရှိပေ။ လျစ်လျူရှုထားသည့် အချိန်တစ်ခု နီးသည်ထက်နီးလာလေ ရင်ဘတ်တွင်းမှာ ဗလာသပ်သပ်ဖြစ်သွားတော့မည့် အတိုင်းစိုးထိတ်လာရသည်။။ ဘယ်လိုပဲ ရှောင်လွဲနေပါစေ မဖြစ်မနေ ကြုံတွေ့ရမည်ကို တွေးမိသည့်အခါ ထွက်ပေါက်မရှိသည့် ကိုယ့်အဖြစ်ကိုယ် မကျေမနပ်ဖြစ်ရပြန်၏။
YOU ARE READING
friEND(COMPLETED)
青少年小說The UNIVERSE is a strange place. Stardust falls at random and Humans fall in LOVE. _K.Towene Jr. ( For background photo of Fiction cover, Fully credit to original artists.)
Chapter-39
Start from the beginning
