الخوف من المجهول

الجزء التالت ،السحر الاسود

مازال بحر يجلس مع ريان ،يحاولا إيجاد حل لهذا الموضوع ،كيف يمكن لبحر ان يجعل يارا زوجته وحبيبته تصدقه،وكيف عليه ان يواجه والدته ،ويوجه لها الاتهام في تخريب هذه العلاقة
ريان:
انا لقيتها .....
بحر:
قول يا ريان انقذني من دوامة الأفكار اللي وقعت فيها دي
ريان:
بص يا سيدي ،.......
وحكى له ما عليه فعله،
بحر:
شكرا يا ريان بجد،فكره مخطرتش في بالي ،بس انا هعرف مكانه ازاي
ريان:
لا دي برا عني دي ،خليها عليك دي بقى
بحر:
خلاص هحاول الاقيلها حل ان شاء الله
وعاد كل منهما الي منزله،يحاولا ان يصلا لحل لهذه العقدة الكبيرة
في منزل بحر ،عندما عاد سمع صوت والدته،فسار بخطى بطيئة حتى لا تسمعه وتغلق الخط
الام:
لا يا سحر انا خلصت الفلوس اللي هو عايزها
سحر:
يا منى بيهددني انه هيقول لبحر لو مزودناش الفلوس
منى:
اتصرفي يا سحر ،بحر لو عرف انا مش عارفة ممكن يعمل ايه
سحر:
طب ما تيجي تشوفيه بكره وراضيه بأي حاجة، علشان يسكت
منى:
خلاص ماشي على بعد الضهر كده يكون بحر مشى علشان ميحسش بحاجة غريبه
وهنا اصطنع بحر المجيء حالا ،واصدر ضوضاء من الباب،وحدث ما توقعه بحر
منى:
ماشي يا سحر يا حبيبتي ابقي سلميلي على امنيه بنتك،مع السلامه يا حبيبتي
بحر:
ازيك يا ماما
منى:
الحمد لله يا ابني طول ماانت بخير
بحر:
مالها خالتي سحر
منى بارتباك:
مالها يا حبيبي، ما ما هي كويسة ،استنى هخش احضرلك الغدا
بحر:
ماشي يا ماما
دلف بحر لغرفته ،وأرسل رساله لريان
بحر:
عرفت هجيبه ازاي
ريان:
ازاي؟؟؟
بحر:
مش هعرف اتكلم دلوقتي بس كل اللي هقولهولك انا عايزك معايا بكره على الضهر عندنا مشوار
ريان:
انا معاك في اي مشوار يا زميكس🤣
بحر:
رايق انت يا ريان
منى:
بحر الاكل جهز،تعالي علشان ميبردش
بحر:
حاضر جاي يا أمي
وخرج بحر وفي داخله غضب شديد لا يعلم أيقول لأمه ام يصمت خوفاً من ان تنكر
بحر:
انا قررت ارجع يارا يا أمي
منى:
اللي يريحك يا ابني ،انا مش هقف في طريقك ابدا
بحر:
يعني انتي موافقة عليها عادي ،مش مكنتيش بتحبيها
منى مصطنعه الحب:
يا ابني كل ده كان علشان مصلحتك يعني أمنية بنت خالتك مش احسن ليك ،بس نقول ايه تلاقيها عاملالك حاجة يا ابني
بحر بغضب:
هي برضوا اللي عمله حاجة
منى بخوف:
تقصد ايه يا بحر بالكلام ده
بحر:
لا مقصدش حاجة، انا تعبان وداخل انام
بحر في نفسه :سيطر على أعصابك يا بحر علشان تلحق الموضوع قبل ما يكبر اكتر من كده
منى بخوف:يا ترى بحر كان قصده ايه، يمكن الراجل كلمه ،لا لا هو اصلا ميعرفهوش، انا لازم اشوف الراجل ده بكره واحاول اخلص الدنيا قبل ما بحر يحس بحاجة
ذهب الجميع للنوم، فغداً يوم لا نعلم ماذا سيحدث به ،وجميع أبطالنا مشوشين لا يدرون أين الحقيقة ومن الصادق
ف يارا في غرفتها تبكي ولا تتوقف عن البكاء
ومريم تسمع شهقات ابنتها ولا تعرف ماذا تفعل ،كل ما في يدها الدعاء الي الله،ان يصبر ابنتها ويساعد بحر في معرفة إثبات الحقيقة
وبحر خائف من مواجهة امه ولا يدري ماذا يخبئ له الغد
اما منى في عالم آخر، عالم مليء بالشر ،تفكر في كيفية اقناع هذا الدجال اللعين في السكوت ،وايضا ابنها المعتوه ان يتزوج من ابنة خالته امنيه
فنام الجميع في ثبات عميق ،تهرباً من الواقع الأليم
وجاء يوم انتصار الحقيقة وهزيمة الباطل
استيقظت يارا من نومها ،ووسادتها مليئة بالدموع ،
مريم:
صباحك فل يا ست البنات
يارا:
يا خبر ست الكل بنفسها جاية تصبح عليا ،لا ده انا يومي هيبقى مليان بركة كده
مريم:
يالله يا بكاشة قومي وخلصي انهارده اجازة من الشغل يا اختي ،قومي لمي السجاد واغسليه
يارا:
ايوة قولي كده ،ماانا قولت الدخلة دي مش غريبة عليا ،دخلة مصلحه
مريم:
امشي مصلحة ايه يا ام مصلحة انتي ،انتي ييجي من وراكي خير ابدا
يارا:
مين ده اللي قال كده ده انا ام الخير كله
مريم:
ماشي يا ام الخير روحي اعملي اللي قولت عليه
يارا متأففه:
حاضر ماشية اهو ،كان فيها ايه لو مااخترعوش السجاد ده ،كان زمانه ارتاحنا
مريم:
سمعاني بتتكلمي يا ام الخير
يارا:
بقول الخير كله يا حبيبتي
وابتسمت مريم على مناقشة ابنتها هذه
نترك يارا ووالدتها ونذهب لرحله صغيرة لمنزل بحر
في الصباح يدق باب منزل بحر
منى:
حاضر جاية يااللي على الباب، يا ترى مين اللي جاي على الصبح ده
بحر:
استني انتي يا أمي هفتح انا
وبالفعل فتح بحر الباب وإذ بالمفاجاة
ريان:
صباح الخير يا أهل الخير،ايه كل ده نوم
منى:
عاش من شافك يا واد يا ريان ،تعالي ادخل
ريان:
ازيك يا خالتي عامله ايه، انتي اه مش اخت امي بس احنا مش بتوع طنط ولا ايه
بحر:
ادخل يا خفيف وانت ساكت وبعدين انت ايه اللي جابك انا مش لسه سايبك امبارح
ريان:
وحشتني ايه يا متوحش انا مش بوحشك
بحر:
ايه يا ولا ما تنشف شوية،وحشك عفريت
منى:
انتم ايه مش بتزهقوا من العراك ده
ريان:
اما انا جايبلكم معايا فطار إنما ايه ملوكي
منى:
جدع يا واد يا ريان ،خشوا اقعدوا انتم وانا هحضر الفطار وهجيبه نفطر سوا
ريان:
ايوة بقى دلعني يا مدلعني
بعدما تركتهم منى ودلفت للمطبخ
اخذ بحر ريان لغرفته
بحر:
انت ايه اللي جابك دلوقتي انا مش قولتلك بعد الضهر
ريان:
ماانا بصراحه مكنتش عارف هستني فين،قولت اما اطلع واعمل نفسي جاي مفاجأة
بحر:
ماشي ،هي هتنزل بعد الضهر ،كل اللي هنعمله اننا هنمشي وراها من غير ما تحس
ريان:
واحنا هنستفيد ايه لما نمشي وراها يا بحر
بحر:
للأسف امي هي وخالتي رايحين يقابله الدجال علشان يزودولوا الفلوس ،سمعتها امبارح وهي بتكلم خالتي ،مش انت قولت لازم نشوف الدجال وهو اللي يقولنا على اللي حصل ،اهو هنشوفه
منى:
يالله يا ولاد الفطار جاهز
ريان:
انا جاي اهو ،انا اصلا واقع
بحر:
انت جايب الأكل وعينك فيه ،ربنا يستر علينا
ريان:
لا يا اخويا عيني مش فيه ولا حاجة
منى:
يارب نخلص من شغل العيال ده
بحر:
انا هسكت علشانك يا أمي
منى:
ايوة يا بحر، انا وخالتك كنا رايحين نشتري شوية حاجات كده ،بما انك اجازة انهارده وكويس ان ريان جيه عندنا اهو يسليك
ريان:
للدرجادي شايفاني لعبة يا خالتي
منى:
مش القصد يا ولا ،اقصد يعني بدل ما يقعد لوحده
بحر:
وانتي هتتاخري يا ماما
منى:
مش عارفة والله بس ان شاء الله لأ
ريان:
يالله كله قبل ما الاكل يبرد
وتناول الجميع الطعام واستعدت منى للرحيل ،وانتظراها بحر وريان ،ماإن غادرت حتى ذهبا ورائها ،واستغرق الأمر ساعات طويلة إلي ان وصلا للمكان ،في منطقة غير سكنية ،مريبة على الشكل العام
دخلت خالته ومن ثم والدته وهو وريان ينتظران بالخارج
سحر:
أهيه يا سيدي منى ،انت بس لو تهدى علينا شوية
الدجال:
بقولك ايه يا مدام،انا مليش دعوة بأي حاجة، انتم عايزين تجددوا السحر ،وانا قولت اني عايز الضعف
منى:
يا استاذ انا مش معايا الضعف انا ممكن أديك اقل شوية
الدجال ساخرا:
لا انا مش استاذ،ومش هاخد غير اللي قولته وإلا أنا قولت لمدام سحر انا هعمل ايه
منى:
مش هتعرف تعمل حاجة
سحر:
اهدي يا منى،بالهداوة كده اومال ايه ،هنديك اللي انت عايزة ،بس كمان اعملنا حاجة تخليه يشوف البت امنيه بنتي ،
الدجال:
كله بحسابه يا مدام
منى:
ماشي ،شوف انت عايز ايه،اهم حاجة اخلص من المحروقة دي
وهنا كان تدخل بحر صادماً للجميع
بحر :
ده انا فخور بيكم اوي،امي وخالتي عايزني لعبة في ايديهم ،
منى بصدمة:
ب بحر ،انت بتعمل ايه هنا
بحر:
هو ده اللي همك يا أمي، بعمل ايه هنا،اومال الشغل الحرام ده كله مش همك
منى:
اسمعني بس يا ابني ،انت فاهم غلط
بحر غاضباً:
هو ايه اللي غلط ،ده انا شايفكم بعيني محدش قالي ،ياريتني كنت مت قبل ما اشوفكم بتخربوا حياتي كده
سحر:
بحر يا ابني ....
بحر:
متقوليليش ابنك،انا مش ابن حد يا خالتي ،ياللي كنت بعتبرك زي امي،وانتي فعلا طلعتي شبهها بس مش زي ما كنت فاكر
وهنا كان سيهب الدجال في الهروب ولكن لحق به ريان ،وامسكه وسلمه لبحر
بحر:
رايح فين بس يا زباله ،انت لسه شوفت حاجة
الدجال:
وانا مالي يا استاذ دي مشاكل عائليه، انا اطلب مني حاجة ونفذتها بس كده
بحر:
لا ماانت هتيجي معايا، علشان نقول لحد كده الحقيقة كلها
منى:
انت اكيد مش هتروح ليارا ،صح؟؟؟؟
بحر:
ليه اكيد، انا هاخده وهنروح ليارا علشان تفهم اني مش بكذب،وعارف قسماً بالله لو حاولت بس تهرب او تقول حاجة غلط لهسلمك بأيدي للحكومة
الدجال:
لا يا استاذ ،انا هقول اللي انت عايزه ،
وبالفعل ذهب كل من كان في المكان لمنزل يارا
دق جرس الباب وهمت مريم بالقيام لفتح الباب
يارا:
استني يا ماما هشوف انا مين على الباب
وفتحت يارا الباب وصدمت
يارا:
انا مش قولتلك متجيش هنا تاني غير .......
ولم تكمل يارا كلامها ،حيث انها رأت ريان والدجال وسحر ومنى واقفين خلف الباب
مريم:
مين يا يارا،وذهلت مريم أيضا من ما رأته
بحر:
انا جاي انهارده يا يارا علشان اثبتلك اني مش كداب واني مفيش كلمة قولتها غلط
وبالفعل قال الدجال كل شيء وما طلبته منى وسحر منه ،كل هذا تحت صدمة وذهول يارا ،بعد ما أنهى الدجال كلامه
الدجال:
انا كده قولت كل اللي عندي ،تؤمرني بحاجة تانية يا باشا
بحر:
رايح فين دي الحكومة على وصول
ولكن دفع الدجال بحر بعيدا وفر هارباً،وكان سيلحقه ريان ولكن
بحر:
سيبه يا ريان ،الحكومة هتشوف شغلها معاه
مريم:
ليه تعملي كده في ابنك وبنتي ،عملتلك ايه الغلبانه دي ،دي كانت بتحبك زي امها بالظبط وكانت مش عارفة تعمل ايه ولا ايه علشان تشوفك مبسوطة
منى:
انا مش بحب بنتك،وكمان هي مش من نوعي اللي بحبه، انا عايزة بنت تكون من اختياري لابني ،مش اي بنت والسلام
يارا:
اي بنت والسلام اللي بتقولي عليها دي كانت مستعده تضحي بحياتها علشان بس ترضي عليها، ليه ،انتي كان عجباكي حياة ابنك كده، وهو مش عارف بيعمل ايه، بصراحه انا مش قادرة أصدق، انا حاسة اني في حلم وهصحى منه دلوقتي
بحر:
صدقتيني يا يارا ،والله العظيم انا بحبك، ومقدرش في يوم ازعلك،سامحيني يا يارا ،وتعالي نبدأ صفحه جديده بعيد عن العالم ده كله، وحاولي تنسي اللي حصل مني
يارا ببكاء:
انا اللي اسفه، اني كدبتك،بس اعذرني مكنتش اعرف اللي انت فيه ،وانا كمان بحبك يا بحر ،ومستعده ابدأ معاك من جديد وبعيد عن العالم بس لفترة ونرجعله تاني
مريم:
كان ايه لازمته ،شغل خربان البيوت ده
سحر:
ايوة كان لازم اخرب بيتها ،هي مش احسن من بنتي امنيه ،وانا اللي قولت لمنى على السحر ،علشان تبوظ حياة ابنها ،وبنتي تعيش في سعاده
يارا:
سعاده كدابة ،عايزة بنتك تعيش في سعاده مش بتاعتها، على حساب سعادة غيرها،
سحر:
مليش دعوة اهيه تعيش في سعادة وخلاص ،انا كنت مستعدة اقتلك علشان خاطر بنتي
مريم:
ليه كل الكره ده لبنتي ،انتي شوفتي منها ايه، اقولك على حاجة اطلعي برا ،انتي اللي زيك الكره مالي قلوبهم ومفيش فايده للكلام معاكي
وبالفعل خرجت سحر هي وشرها من منزل يارا وليس فقط المنزل بل من حياتهم للأبد
منى بحسرة:
انا مش عارفة ازاي كنت غبية اوي ومغفلة كده ،انا كان معمي على قلبي وعيوني ،وهنا امتلئت عيونها بدموع الندم:سامحيني يا يارا يا بنتي ،بالله عليكي سامحيني، وارجعي عيشي مع بحر ،ده بيحبك اوي ومستحيل تلاقي حد يحبك نص الحب اللي هو فيه، وسامحني يا بحر ،انا مش عارفة عملت كده ازاي وجبت مصلحة امنيه على حساب سعادتك ومصلحتك انت،كل اللي طالباه منكم انكم تسامحوني، انا هسافر البلد عند عمتي هقعد شوية ،علشان اسيبكم ،ويارب ارجع وتكونوا سامحتوني،وبالفعل غادرت منى البلده وسافرت
يارا:
هتعمل ايه هتسيبها تسافر
بحر:
يمكن ده الأحسن ليا وليها ،شوية وهترجع تاني
يارا:
بس ده مش من رائي ،خليها معانا هنا
بحر:
لسه بتفكري فيها حتى بعد ما عملت كل ده
يارا:
غصب عني يا سيدي هي مش جابت جوزي وحبيبي ونور عينيا
بحر:
ايه كل الكلام الحلو ده ،انا مش مصدق نفسي ياااه يا يارا كل المشاكل اتحلت والسحر اتفك
مريم:
ربنا يبعد عنكم ولاد الحرام ياابني ،ويخليكم لبعض ،ويالله بقى خد مراتك وارجعه بيتكم
يارا:
للدرجادي مش طيقاني يا ماما،حق عليا انا لمتلك الدنيا وظبطلك الشقة،بس حق عليا،يالله يا ابني وديني شقتي لأحسن انا محدش مستحملني هنا
بحر:
ابني حاضر يا حاجة هوديكي بيتك
ريان:
اي ده انا اتنسيت ولا ايه
بحر:
انا مستحيل انسى وقفتك معايا دي يا ريان، بجد ربنا يخليك ليا ،انا مش عارف لولاك انا كان ممكن اعمل ايه، ريان هو اللي قالي على فكره اني لازم اجيب الدجال واخليه يقولك الحقيقة كلها يا يارا
يارا:
شكرا يا ريان انك كنت مع بحر ومسبتهوش
ريان:
ايه يا جماعه هو انا غريب ،ده انتم اخواتي والله وربنا يعلم انا بعزكم ازاي
وعادوا الي منازلهم ،وكل شيء عاد كما كان
فكل مرة لابد وان تنتصر الحقيقة وينتصر الخير ،لأن الشر لا محل له ولا مكان له بين القلوب الطيبة ،عاشوا حياة هادئة ومسالمة،وانتم أيضا يا أصحاب القلوب الخبيثة عليكم ان تنسوا الشر لان الله يقف مع الطيبون ويدلهم على الحقيقة والطريق الصائب في نهاية الامر،انصحكم دائما أن تكونوا انتم الطيبون وليس الاشرار في اي حكاية
وعند هذا الحد انتهت حكاية بحر ويارا ،وليس السلسلة بأكملها، أراكم في حكاية أخرى، ومشوقة وتنال اعجابكم