الخوف من المجهول

الجزء التاني ،السحر الاسود

انتهى دوام العمل، وعاد كل شخص لمنزله، والأفكار تملئ عقولهم، والحزن والخذلان من ناحيه أخرى يملأ القلوب، ماذا سيحدث لو اجتمعا الحبيبان دون عقبات دون حروب لكانت الحياة أجمل

دلف بحر لمنزله، وكانت امه تتحدث في الهاتف، مجرد ما رأته اغلقت المكالمة
الام:
ماشي يا سحر يا حبيبتي هكلمك لما تخلصي انتي بقى
بحر:
ازيك يا أمي عامله ايه
الام:
بخير يا حبيبي، ثواني والغدا يكون جاهز
بحر :
مليش نفس يا أمي، هو انا ليه بيحصلي كل ده يا أمي
الام:
ايه اللي بيحصل يا حبيبي، علشان مراتك، ماانا من الاول مكنتش راضية عنها، وده نتيجه لاختيارك الغلط، بكره اجبلك ست ستها يا حبيبي ولا تزعل
بحر :
انا عايزها هي يا أمي، يارا بتقول ان انا بضربها يا أمي، انا مستحيل افكر حتى مجرد فكره مستحيل
الام:
يا حبيبي تلاقيها بتقول كده علشان تطلقها، تلاقيها لاقت واحد معاه فلوس و..
بحر:
امي بعد اذنك، يارا مراتي، وانا مسمحش لحد ابدا يتكلم عنها نص كلمة، ده شرفي اللي بتتكلمي فيه
الام:
مقصدش يا ابني، بس ملهاش حل غير كده
بحر:
لا يارا مستحيل تكون كده ابدا، بعد اذنك هخش انام علشان جاي تعبان من الشغل
وترك والدته والغيظ يملأ قلبها، لماذا يجي هذه الفتاة كل هذا الحب، انا مش شايفة فيها أي حاجة عدلة، هذا ما قالته الام عندما تركها ابنها

في منزل يارا
مريم :
حمد الله على السلامه يا حبيبتي، يالله غيري وتعالي ساعديني في تحضير الغدا
يارا:
شوفته انهارده يا ماما، وافتكرت كل الضرب اللي كان بيضربهولي، وبرضوا افتكرت الحلو اللي عملهولي، للحظة كنت همسك فيه واقوله متسبنيش، تعالي نبدأ من جديد وهنسى كل اللي فات، بس مقدرتش، كرامتي فوق اي حاجة
مريم:
ربنا ينورلك طريقك يا حبيبتي، انا مش فاهمه ايه اللي شقلب حالكم، ربنا يبعد عنكم ولاد الحرام، يالله يا بت شلبي ووشوشني هيشتغل كمان نص ساعه
يارا:
هي دي السهرة يا اما بلاش، ثواني والاكل هيتحضر
مريم:
يارب يارا بنتي غلبانه اوي وانا مش بحب اشوفها مكسورة كده، قويها يارب ونور بصيرتها للصح، ولو فيه خير لسه يارب هاتهولها، ولو فيه الشر ابعده عنها، ونسيها اي حاجة وحشة

واعدوا الغذاء وشاهده التلفاز، وانتهى اليوم الصعب على الجميع،

في منتصف الليل، سمع بحر بعض الهمسات، ولكنه لم يبالي وفجأة قام من فراشه متجهاً نحو الخارج، يسير ببطئ شديد حتى لا يشعر به احد، سمع صوت يعرفه جيدا
_ خليكي زي مااحنا يا سحر، اوعي حد يعرف اللي بينا، ولا حتى عيالك، وهزودلك الفلوس
+.......
_لا بالله عليكي اوعي تقولي لبحر اي حاجة، ده ممكن يكرهني فيها،
+.......
_اقوله ايه انتي عبيطة، عايزاني اقوله امك عملتلك سحر انك تضرب مراتك، علشان مش بتحبها، علشان تتجوز بنت خالتك

وهنا وقعت الصدمه على مسامع بحر، ماذا سحر ومِن مَن، امي، مهلا، انا احلم وسوف استيقظ في الحال،
الام:
هقفل انا لأحسن بحر يصحى ولا حاجة ويسمعني
بحر في نفسه:
امي مش لازم تعرف اني عرفت حاجة،
ودلف لغرفته واصطنع النوم، دلفت امه الي غرفته بحجة انها تضع الغطاء عليه وخرجت
بحر :
طب انا هعمل ايه دلوقتي، لازم اعرف يارا، اتصل بيها دلوقتي، لا مش هينفع اكيد نايمه وممكن متصدقنيش، انا بكره الصبح هروح لطنط مريم هي هتفهمني،
ليه يا أمي تعملي فيا كده، ياربي انا مش عارف اعمل ايه، دبرها من عندك يارب