"နေပါအုံး ဟိုဟာ မင်းဖွားတော်ကားမလား လင်းသိုက်"
"ယွန်းမီပါ"
ခုနအထိရယ်နေတဲ့မင်းသန့်ပြုံးမောင်မျက်နှာက ချက်ချင်းမဲမှောင်သွား၏။
"အေးလေ အဲ့တာမင်းဖွားတော်ပေါ့။ ဒင်းက ငါတို့အိမ်ကိုဘာလာလုပ်တာလဲ။ တွေ့မယ်ငါနဲ့"
အင်္ကျီလက်တွေပါပင့်တင့်ကာ မင်းသန့်ဒေါသတွေက တဖန်နှိုးကြွလာပြန်၏။ မီးငယ်ပါးကိုရိုက်သွားတဲ့ဖွားတော်။ကလေးမှာ မျက်နှာလှလှလေးဒဏ်ရာရသွားတာ… အခုအမာရွတ်တောင်မပျောက်သေးတာ အဲ့ဖွားတော်ကထပ်လာပြန်ပြီလား။
"တောက် ! တွေးလေဒေါသကထွက်လေပဲ ငါကွာ…"
"ခဏလေးမင်းသန့် ကိုယ်ရှင်းပါ့မယ်"
"ဘာကိုလဲကွာ မင်းမရှင်းနဲ့။ မင်းက မျက်နှာနာစရာတွေရှိတယ် ငါပဲသွားပြောမယ်"
"ကိုယ့်ကိုယုံပါကွာ"
"ဟုတ်တယ်မင်းသန့်။လင်းသိုက်က ရှင်းမယ်ဆို သူရှင်းနိုင်တဲ့အခြေအနေမို့ပေါ့ မင်းဒေါသထွက်နေတုန်း မသွားနဲ့"
"ဟာကွာ ! တောက်"
စိတ်ရှုပ်ရှုပ်နဲ့ ဆံပင်တွေကိုထိုးဖွရင်းတောင် ဒေါသကထိမ်းမရအောင်ဖြစ်နေသည်။ ဒီမိန်းမတော့ကွာ… ။ မီးငယ်ကို ကြည့်တော့လည်း မျက်နှာငယ်လေးဖြင့်ကြည့်နေတာမို့ ပြောမဲ့စကားတို့ကို လည်ပင်းမှာတင်ဖျောက်ထားရတော့၏။
"ဝင်နှင့်ကျ… ကိုယ်လိုက်လာခဲ့မယ်"
ထိုစဉ် ထင်လင်းသိုက်ကိုယ်တိုင် ကားပေါ်ကဆင်းသွားသည်။
"ငါကွာ ဒီမိန်းမနဲ့လည်းအကုသိုလ်ပဲ"
"ဒေါသကိုလျော့ပါအန်ကယ်ရဲ့"
"အေး လျော့ထားတယ် ညည်းကြောင့်ပဲ
လျော့ထားတာ။မြင်လား ဒီမှာ…ပြောမဲ့စကားတွေ လည်ပင်းမှာတစ်နေလို့ လည်ပင်းကြီး ပေါက်ထွက်တော့မှာ""ဟင်းနော် ရေချယ်နဲ့လည်းဘာမှမဆိုင်ပဲနဲ့"
ခြံဝင်းအပြင်ဘက်မှာကျန်နေခဲ့တဲ့ အန်ကယ့်နဲ့
မယွန်းမီကို နောက်ပြန်ကြည့်ကာ သက်ပြင်းသာချမိတော့သည်။
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
Part - 32
Start from the beginning