Unicode
မနေ့နေ့လည်ကအပြစ်ပေးခံရတာမို့
ပင်ပန်းသွားမယ်မထင်ပါနဲ့ ရေချယ်လင်းသိုက်
တို့က တစ်နာရီလောက်ခုန်ပေါက်ကစားရင်း
စားလိုက်သည့်မုန့်ဆိုတာ ဗိုက်သေးသေးလေးက ပေါက်ထွက်လာမလားထင်ရတယ်။ 9နှစ်အရွယ် ကလေးလေးက ဂျယ်လီကိုအထူးနှစ်ခြိုက်ပေမဲ့ အဲ့ဒီအရာကပဲ သူမကိုချောင်းဆိုးစေတာမို့ ဂုဏ်နဂါးဝယ်လာသမျှ ဂျယ်လီတို့က မီးငယ်လက်ထဲမရောက်ခင် ထင်လင်းသိုက်လက်ထဲအရင်ရောက်၏။
ဒါကို မီးငယ်ကမကျေနပ်ပဲ ဂုဏ်နဂါးနားကပ်ကာ တဂျီဂျီလုပ်နေသည်။
"မီးငယ် အန်ကယ်တို့သုံးယောက်ထဲမှာ ဘယ်သူ့ကိုအချစ်ဆုံးလဲ"
"အန်ကယ်နဂါးကိုအချစ်ဆုံး"
"အလကား အဲ့တာနဲ့ပဲညာစားနေတဲ့ကလေးမလေး"
"ဟီး... ရေချယ်က အန်ကယ်နဂါးကိုအချစ်ဆုံးပါဆို"
အဖြေကို ဂုဏ်နဂါးက ကျေနပ်သွားသည်။ရုတ်တရက်မေးလိုက်လို့များ အငိုက်မိသွားမယ် မထင်နဲ့ မီးငယ်တို့က အဲ့လိုလည်း ကပ်ချွဲတတ်သေး၏။ ဂုဏ်နဂါးကမေးရင်တော့ အန်ကယ်နဂါးကိုအချစ်ဆုံး ...မင်းသန့်က မေးရင်လည်း အန်ကယ်သန့်ကိုအချစ်ဆုံးဆိုတာ သူမလက်သုံးစကားလိုပင်။
ဧည့်ခန်းမှာစုထိုင်နေတာဆိုပေမဲ့ မီးငယ်က ဆိုဖာပေါ်မထိုင်ပဲ အမွေးပွကော်ဇောခင်းထားတဲ့ အပေါ်မှာသာထိုင်ကာ ဂုဏ်နဂါးဝယ်ပေးထားတဲ့ မုန့်တွေကို မနားတမ်းစားနေသည်။
သို့သော် ခပ်လှမ်းလှမ်းက ခုံမှာထိုင်ကာ စာတမ်းလုပ်နေတဲ့ ထင်လင်းသိုက်အဖို့ ထိုမြင်ကွင်းကို ကြာကြာမကြည့်နိုင်တော့...
"ရေချယ်လင်းသိုက် ... မစားနဲ့တော့"
"မီးငယ်ပါဆိုနေမှပဲ"
"ကိုယ့်ကိုပြန်ခံမပြောနဲ့မီးငယ်။မစားနဲ့တော့
အဲ့တာတွေအခုချထား...မုန့်တွေ နင်းကန်စားပြီး ညနေစာမစားနိုင်ပဲနေမယ်"
"ဟာ စားနိုင်ပါတယ်အန်ကယ်ကလည်း"
"ပြောနေတာကို တစ်ခွန်းနဲ့နားမလည်ဘူးလား။ ရိုက်ခံချင်ပြီလား ရေချယ်လင်းသိုက်။ မစားနဲ့ဆို မစားနဲ့ပေါ့ ... လူကလက်တဆစ်လောက်လေးနဲ့ ပြန်ပြီးအာခံနေပြီ"
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
