Unicode
လွန်
အပိုင်း (၄)
အကျနေ့မနက်ကြရင် လှလှမေတို့အိမ်က ကျောင်းသွားကျောင်းလာအားလုံးကို ကြာဇံချက်တိုက်မည်မို့ အကြိုနေ့ညနေကတည်းက အားလုံးဘုန်းကြီးကျောင်းသို့ စုရုံးကာ လာကူကြလေ၏။ ဤကားသူတို့ရပ်ကွက်၏ ဓလေ့တစ်ခုပင် အခါကြီးရက်ကြီး စတုဒီသာ ကျွေးတာပဲ ဖြစ်စေ ၊ အလှူလုပ်လို့ပင်ဖြစ်စေဘုန်းကြီးကျောင်းမှာ ချက်ပြုတ်ပြီး ဘုန်းကြီးကျောင်းမှာ ကျွေးကြ၏။
ယခုတွင်မူ ဘုန်းကြီးကျောင်းမှာ တချို့ကား မနက်ဖြန်တွင် အဆင်သင့်ဖြစ်စေရန် ရပ်ကွက်ဘုံမှ ပလပ်စတစ်ခုံတွေ ထုတ်သူကထုတ် ပန်းကန်တွေ ပြန်ပြီးဆေးကြောသူကဆေးကြော ၊ ဘုန်းကြီးကျောင်းဝင်း သန့်ရှင်းရေးလုပ်သူကလုပ်နှင့် တာဝန်ကိုယ်စီကျေနေကြ၏။ ထိုထဲကမှ အကြီးလည်းမဟုတ်အငယ်လည်းမဟုတ်နှင့် လင်းသုတို့ သူငယ်ချင်းတစ်သိုက်ကတော့ ကြက်သွန်ဥဝိုင်းနွှာနေကြ၏။
" ဆွေဆွေဒါနဲ့ ထိန်ညီးတို့ရော ငါမနေ့က သင်္ကြန်ရေပက်မထွက်ရတာသာ ရှိတာပါနော် မောင်ထိန်ညီးတို့ သင်္ကြန်မဏ္ဍပ်မှာ ကတာမှ ကွေးလို့ဆို "
" အမလေး.. အဲကောင်အကြောင်းများ ပြောပြောရချည်သေးရဲ့ ကွေးနေအောင်ကပြီးကာမှ ဘာထပ်ဖြစ်တယ်ထင်တုန်း ပုဆိုးကျွတ်ကျသတဲ့တော် အဲဒါလည်း သူကြိတ်ကြွေနေတဲ့လူရှေ့မှာလေ "
" ဟား... ဟား.... ဟား... "
ဆွေဆွေ စကားကြောင့် တစ်အုပ်စုလုံး ပွဲကျသွားတော့၏။ မောင်ထိန်ညီးတို့များ ဒါကိုပြန်ကြားရင်ဖြင့်တော့လား မျက်နှာကြီးနီမြန်းနေမှာမြင်ယောင်မိသား။
" အဒေါ်ကြီးနဲ့ဂျပုမ ပြီးတော့ဟိုမလင်းတလင်းကောင်ရော ငါ့အတင်းတုပ်နေကြတယ်ပေါ့လေ "
ထိန်ညီးသာရောက်လာပြီး တင်ပျဉ်ခွေထိုင်လိုက်ကာသူ့အကြောင်း ပြောနေသော ထိုတစ်သိုက်အား နည်းနည်းငေါက်လိုက်၏။
" အတင်းတုပ်တာမဟုတ်ပါဘူး သတင်းစကားတွေ မျှဝေနေတာ ဟားဟား "
လှလှမေက ထိန်ညီးအား အနိုင်မခံ။
YOU ARE READING
လွန်
Teen Fictionလူတွေကတော့ အချစ်ကိုအမျိုးမျိုး အဓိပ္ပါယ်ဖွင့်ဆိုကြတာပါပဲ ။ တချို့ကတော့ ချစ်တဲ့အကြောင်းကို မှန်ကန်ရိုးသွားစွာဝန်ခံရင်း ဆက်ချစ်သွားကြတယ် ။ တချို့ကတော့ အမျိုးမျိုးသော အကြောင်းအရာတွေကြားမှာ လွန်ဆန်ရင်း ချစ်ခြင်းမေတ္တာကို ပုန်းရှောင်ကြတယ်။ ဒီဇာတ်လမ်းလေးမ...
