"အရှင် အဆင်မပြေရင်လည်း ရပါတယ် ကျုပ် ဂျီဂျီ့ကို ခဏလိုက်ပို့ပြီး---"
"ဘာ!"
"ဘာလို့လဲ အရှင်"
ဘာလို့လဲဆိုပဲ။ မေးခွန်းပြန်ထုတ်ရလောက်ပင် သည်alphaသည် တုံးအလွန်းသလား။ ဒါမှမဟုတ် တုံးအဟန်ဆောင်နေသည်လား။
ဘယ်mateကများ မိမိalphaက မိမိမပါပဲ အခြားomegaနှင့် နှစ်ဦးတည်းလည်ပတ်မည်ကို လက်ခံနိုင်မည်တဲ့တုန်း။ ခေါင်းရှိရဲ့သားနှင့် စဥ်းစားတတ်ဖို့ကောင်းပါသည်။
"mateတယောက်လုံးကို ထားခဲ့ပြီး တခြား omegaကို ပွဲတော်လိုက်ပို့မယ်ပေါ့။ အဲ့ဒါကို ကိုယ်တော့်ကို လက်ခံခိုင်းနေတာလား"
"မဟုတ်ဘူးလေ အရှင်။ အဲ့ဒါကြောင့် တူတူသွားမယ်လို့---"
အရှင်ဟာ သူ့စကားကို မဖြေတော့ဘဲ တဖက်လှည့် ကျောခိုင်းကာ
"သွားပါ ခင်ဗျားရဲ့ ဂျီဂျီနဲ့ပဲသွား။ ကိုယ်တော့်ကို ဂရုစိုက်မနေနဲ့"
ဆတ်ခနဲ တဖက်သို့ လှည့်သွားသည့် အရှင်လေးက စိတ်ခုသွားသည်ဆိုသည်မှာ မှန်းကြည့်စရာပင်မလို။ လက်ပိုက်ထားကာ နှိမ့်ချည်မြင့်ချည်ဖြစ်နေသော ပုခုံးငယ်တို့က အရှင့်ဒေါသစိတ်လေး၏ အနိမ့်အမြင့်ကိုလည်း ပေါ်လွင်စေပါသည်။
"အရှင်"
ကြားသော်လည်း မကြားလေဟန် တုပ်တုပ်ပင် မလှုပ်
"အရှင်~~~"
သံရှည်ဆွဲခေါ်သည့်တိုင်လည်း ကျောခိုင်းလျက်ပင်။
"လာဗင်ဒါ~~"
အသုံးအနှုန်းပြောင်းသွားသည့်အခါတွင်တော့ ပုခုံးလေးများ အနည်းငယ်လှုပ်ရှားလာသော်လည်း စိတ်တင်းကာ နေနေသေးဟန်မို့ သူကသာ ပုခုံးကို အသာဆွဲလှည့်ရင်း ချော့ရန်အမှုကို ပြုရတော့သည်။ မျက်နှာချင်းဆိုင်မိသည်အထိ မလျှော့သော မျက်နှာလေးနှင့် နှုတ်ခမ်းစူစူလေးသည် စိတ်အလိုမကျမှုလေးကို ဖော်ကျူးနေပါသည်လေ။
"သဝန်တိုသွားတာလား။ ကျုပ်ရဲ့ လာဗင်ဒါလေးက"
"တော်ပါ"
"ပွဲတော်ကို ကျုပ်နဲ့ဂျီဂျီနှစ်ယောက်တည်း သွားမှာမဟုတ်ဘူးလေ အရှင်ရဲ့။ သမားတော်မင်ပါ ပါသေးတယ်။ တကယ်တော့ သူတို့နှစ်ယောက်တည်း သွားရရင် နည်းနည်းတမျိုးဖြစ်လို့ ကျုပ်တို့ကို အဖော်လာညှိတာ"
YOU ARE READING
𝕸𝖔𝖓𝖆𝖗𝖈𝖍
Fantasy𝑌𝑒𝑠 𝑀𝑎𝑗𝑒𝑠𝑡𝑦, 𝑦𝑜𝑢'𝑟𝑒 𝑡ℎ𝑒 𝑡𝑟𝑢𝑒 𝑚𝑜𝑛𝑎𝑟𝑐ℎ •••••••••••••••••••••••••••••••••••••••••••••• Taekook Omegaverse Start: 06/06/22 End: --/--/-- Disclaimer: this fiction is based on author's imagination and doesn't concern with real...
Episode:17
Start from the beginning
