" ဟုတ်ပါတယ် အစ်မ ကျွန်မ က Dr.မင်းဟန် ရဲ့ ဇနီးဟောင်းပါ "
" ကျေးဇူးပြုပြီး အစ်မ တို့ သားအမိ ကျွန်မ အိမ်ကနေ ပြန်ထွက်သွားပေးပါလား " မေမေ့ စကားကြောင့် မ မျက်နှာလေးပျက်သွားတာကို ပျို တွေ့လိုက်ရသည်
" မေမေ "
" ညည်းပါးစပ်ကို ပိတ်ထား ခွန်းသစ်ပျို "
" အန်တီ " မ ရဲ့ တိုးလျ တဲ့ ခေါ်သံလေး
" မခေါ်ပါနဲ့ မကြားချင်ဘူး ကျေးဇူးပြုပြီး ညည်းတို့တွေ ပြန်ကြပါ "
" မေမေ သမီး မ နဲ့ မခွဲနိုင်ဘူး " ပျို ပြောလိုက်မိသည်။
မေမေ့ ရဲ့ လှည့်ကြည့်တဲ့ မျက်ဝန်းတွေ က နာကြည်းမှုတွေ ကို ပျိုအတိုင်းသားတွေ့ရသည် ။
"ညည်း အခန်းထဲဝင်တော့ ခွန်းသစ်ပျို ညည်းစိတ်ချမ်းသာပါစေတော့ဆိုပြီး ညည်းကိုမျက်ရည်ကျပြီး နာကြင်စေတဲ့လူကို ငါ နားလည်လက်ခံပေးခဲ့ ပြီးပြီ အေး ဒါပေမယ့် ငါတို့ဘဝကို ပျက်အောင် ယုတ်မာကောက်ကျစ်ခဲ့တဲ့ လူယုတ်မာ ရဲ့ သွေးကိုတော့ ဘယ်နည်းနဲ့ မှ လက်မခံနိုင်ဘူး "
" မေမေ တို့ လူကြီးတွေ ပြဿနာ သမီးတို့နဲ့ဘာဆိုင်လဲ အခု မ က
အဲ့လူနဲ့လဲ အတူတူနေတာမဟုတ်ဘူး " မ ရဲ့ မျက်ရည်စကို တွေ့လိုက်တာမို့ ပျို့ရင်ထဲ နာကြင်သွားပြီး မေမေ့ ကို ပြောလိုက်မိတဲ့စကားသံက မာသွားသည်ထင်တယ်" ဖြန်း" အသံနဲ့အတူ ပါးပြင်ပေါ်ကျလာသောနာကြင်မှု
" အန်တီ " မ ရဲ့ အသံအပြီးမှာ ပျို မေမေ့ကိုအံသြစွာမော့ကြည့်မိတယ်
" ညည်းကိုငါ ပိုးမွေးသလို ဂရုစိုက်မွေးခဲ့တာ ဒီနေ့ ဒီအချိန်မှာ ငါ့ကိုခံပြောဖို့ မဟုတ်ဘူး ခွန်းသစ်ပျို "
" ဒါပေမယ့် မေမေ ရယ်....." ပျို့ စကားမဆုံးလိုက်
" ရှင်တို့ သားအမိ မပြန်သေးဘူးလား " အခုချိန်မှာ မေမေ့ကို ဘယ်လိုမှ ပြောလို့ ရမယ် မထင်တာကြောင့် မ ကို နှစ်သိမ့်ပေးဖို့ မ ရဲ့ လက်ကလေးကို ကိုင်လိုက်တော့ မေမေ က ဆောင့်ဆွဲလိုက်ကာ
" ညည်းငါ့ကို မရွဲ့နဲ့ ခွန်းသစ်ပျို ငါ မွေးထားတဲ့ သားသမီးက ငါ့စကားနားမထောင်ဘူးဆို တစ်ခါထဲ သတ်ပြစ်လိုက်မယ် "
YOU ARE READING
မြေခခဲ့ရသောအသည်းပန်း
Actionမာနခဲမင်းသမီးလေးနဲ့မန်နေဂျာမလေး တို့ရဲ့ အနေနီးစပ်တဲ့အချစ်ဇာတ်လမ်းလေး အခက်ခဲတွေကြားက ဘယ်လိုကျော်ဖြတ်ကြမလဲဆိုတာ ဖတ်ရှူးပေးကြပါဦး