———————
في بيت الجد الكل كانوا فرحانين ومتجمعيين في مجلس الجد
خالد كان راح يغني له و اشر حمد للباقي يسكتون عشان كلهم يسمعون صوته ( خالد ما يحب يطلع صوته ومواهبه للباقي يحليله مال كف)
خالد: ما بغني هدوء كذا
حمد: والله عشااني تغني حلفتتت!
خالد ضربه على راسه بالخفيف وهو يقول: ومن قال لك تحلف مب صاحي
حمد: يلا تكففى لا تردني!
خالد: بس عشانك يا حمد ولا لو حد ثاني طلب ما كنت ارضى
الجد: سمعنا يلا وضحك
مريم: انتظروووا لا تغني شي شعبي ، نبي سمعنا بقصه الرجال ، تعرف الاغنيه؟؟؟
خالد لف : ايوه اعرفها ! بس دقيقه
البنات: الله يلاااا!!
خالد وهو يطالع في سارة ويبتسم ويغني وقال:
سمعنا بقصة الرجال
هذاك اللي رفضْه الحال
نوى يخطب هوى قلبه
تقدم صوب ابوها وقال
يا عم جيتك .. لحد بيتك
ليد بنتك انا اتقدمّ
على الملّه .. بشرع الله
ونص الدين ابا اتممّ
هي ْمرادي .. غلا فوادي
طلبتك قولها لي تم
سارة كانت تطالع فيه وكيف يغني بكل حب وصوته رنن في قلبها وجمال صوته فوق الخييالل وقعدت تبتسم له وهو يشوفها ويبتسم
دخل عليهم سعود بشويش من ورا الباب وقال: جعل حسك دوم في مسامعي يا جميل قلبي ، فرحانين بدوني؟
خالد تجمد في مكانه والكل كانوا منصدمين صوتت سعوود ، هو نفسه سعووود
سعود دخل داخل وقال: وحشتكم صح؟؟
خالد بصعوبه تكلم: سسعوود؟؟؟؟
سعود: ايه انا شفيكم ما تحبوني يعني ارجع اموت؟
الجدة وهي تبكي وتركض له: يييمهه وليدييي سعوود هذاا انتتت انتتت؟؟؟
سعود دمع من منظر امه: ايي يمه انا ولدك!!
الجدة: ويين كنت انت لا تروح عنييي مرة ثانيييه يا روحي
وكانت شادة على كتف سعود وما تتركه ومتمسكه فيه كانه طفل وراح يهرب من اياديها مرة ثانيه وقعدت بكي بصوت عالي
سعود: افداااك يا يمه انتي ما راح اروح لمكان
ام حمد مسكت الجده وقعدتها عشان تهدا
سعود راح وحضن الجد وقال: يبه انا اسف خوفتكم بس هذا الي صار
الجد وهو يمسح دمعته: لا تكررها يا ولد بغيت اموت لما قالولي جعل يومي قبل يومك
سعود وهو ضايق: لا تقول كذا يببه!
خالد وهو يضحك من فرحته ومب قادر يستوعب الوضع: سعووود يا سعوود جننتني ويين كنتت وحضن سعود لثواني
حمد: والله مااا اصدق فرحتييي صارت فرحتييين والله العظظظيم
سالم: هذا صدق ولا حلم ياربي اذا حلم ما ابي اقوم
سعود ضحك: والله اني مب حلم حقيقه
سعود لف وهو يدور على مريم وشافها منصدمه في مكانها وما تحركت والبنات كانو حوالين سعود ويضمونه بس هي لا
سعود : بنوتاتي اصبروا خلوني اشوف مريومه
سعود راح لعندها وفتح يده وهو يقول : ما وحشتك يا عيوني؟؟
مريم فجاه جات وضربت في صدره وهي تقول وهي تبكي: انت وعدتني ما تروح ولا تفترق عني بسسس رحتتت شفتت خليتنيييي وزعلتني وبكيتنييي
سعود كان فاهم عليها وفاهم ليه معصبه من زعلها وغصبا عنها حضنها وقعدت تبكي وهي في حضن سعود وتقول: اوعدنيي ما تروحح سعود والله اني حسيت اني وحيييده
البنات كلهم كانوا يبكون وهم يشوفون كيف متعلقه في سعود كانه توأمها
سعود وهو يمسح دموعها: والله ما اخليييك يا عيوني لا تبكين شوفيني ها قدامك اناا، وبعدين ليه وجهك الحلو ضعفان كذا عشان وحشتك صح؟ وضحك
مريم ضحكت من كلامه : زفففت انت لا تخليني والله بموت
سعود: يا ابوي ما راح اخلييك خلاص اهدي!
سارة: مريوم قومي نبي سعود احنا بعددد
مريم: ما اخليه خلاص روحوا انتوا
جواهر: قوميي عمي سعسع لنا بعد مو بس لك
سعود لف راسه: انتي انا مت ورجعت للحياه للحين تقولين سعسع
جواهر وهي تضم كتفه: والله احسن سعسع في الحياة لا تعيدها عشان ما نذبحك احنا
سعود ضحك عليها ، وبعدين قال: الحين ماعرفت ليه كان خَلود يغني وهو من سابع المستحيلات يغني قدام الكل؟
سارة: تخيييل ان حممدد خططب!!!
سعود فتح عيونه بصدمه وابتسم: والله !!!!!!!
سارة: ايييوه وتخيل مننن؟
سعود: مننن؟؟
سارة: ريميييي!!!!
سعود باستغراب: موو هي كانت مخطووبه؟؟؟
سارة مسكت راسه: ييوه قديم انتتت ، طلع راشد اخوها!!!!
سعود بصدمه: هاااه!!!؟
سارة: موو هم كان عندهم ولد وضاع!
الا يطلع سعود هو ولدهم ولولا التحليل ما كانو بيعرفونن!!
سعود تذكر يوم الانفجار وراشد كان حزين وعرف : الحييننن عرفت ليه يوم الخطه كان مب معانا وشااارد
سارة: تخيل كذاا سبحان الله ، المهم ما عليييينا الملكه بعد بببكرهه!
سعود: اووب اووب سريع سريع! ، اهم شي مبرووك
حمد: الله يبارك فيكك
سالم: مستعجل اخونا الغالي
حمد: ليه التطويل يا جماعه
الجدة: اسكتوا خلوا وليدي يجي عندي قول لنا يا يمه شصار لككك
سعود: لحظه يمه بجيب شي من السيارة وراجع لك ضروري
الجدة: يلا يا حبيبي بسرعه
سعود راح وبعد دقايق رجع وهو معاه نور ودخل المجلس
الكل للمرة الثانيه انصدموا البنات بهمس: اوبب سعود لا يكون متزوج ومن ذي بسم الله؟؟؟
سارة: يمه تحسون تزوج؟
مريم: يا بنتت كيف تزوج كذا بسرعه مستحيل
سعود شاف منظر الكل وكيف مصدومين وحب يجاوب على استفساراتهم وقال: يا جماعه هذي نور معاي وهي تكون زوجتي
الجد بحده: ما اسمعععك!!؟؟
ابو حمد: ما تستحي كيف زوجتك وشلون صارت زوجتك؟
نور كانت واقفه وراه وهي خايفه من ردهم
البنات كانوا بس يهمسون وهم متوترين
ابو خالد: عيل غبت عنا عشان تتزوج مب صاحي انت؟
سعود عصب من رده فعلهم وقال: انتوا اصلا سمعتوني عشان تقررون على كيفكم؟؟؟
الجدة بحده: اجل شتسوي وراك هالبنت متى ناوي تقولنا بعد ١٠ سنين؟
سعود : اجل انا ليه جايبها عشان اقول لكم!
الجد وهو معصب : انا ماني راضي يا ولد وتوكل انت وياها ماعندك ايو عشان تتزوج على كيفك؟
خالد: اهدوا يا جماعه خلونا نعرف ايش صاير
سعود بحده: اسمعونييي اول شي كلكم!!!
انا تزوجتها لان كنا في موقف انجبرنا نتزوج ، وقت صار الانفجار في ناس خطفونا وحبسونا في غرفه لحالنا لمده اسبوعين و لما هربنا منهم ما كان لنا حل غير ننام في غرفه وحده في بيت واحد من الاشخاص الي كانوا هناك عندهم ، ما كان عندنا حل ثاني كيف تبوني اقعد مع وحدة ما تحل لي شهر ونص وفي غرفه وحدة؟؟؟؟
بكرة الناس شنو بيقولون عني وعنها!؟
قولولي انتوا ما عندنا حل ثانييي! واذا طلعنا عشان نرجع لكم كانوا راح يموتونا او واحد منا كان بيموت ويكون ضحيه الثاني
ما كان عندنا خيار ثاني غير ان نتزوج يا يبه ، ايش كنت اقدر اسوي غيره ؟
تتخيلني انام في نفس الغرفه وهي ما تحل لي؟؟؟؟
الجد كان يعرف ان كل كلامه صح ومايقدر يعترض على كلامه: صح كلامك يا سعود! بس ليه ما خليتني اعرف ليه ما خبرتنا انك عايش ومتزوج بعد؟
سعود: يبه ما كان عندي وسيله تواصل معاكم ايش اسوي انا؟
ابو حمد: واهلها يعرفون عنك اصلا؟
سعود هز راسه بمعنى لا
ابو خالد: طيب روح وشوف حل لاهلها انت خليتنا نفهم بس شنو يفهم اهلها؟
نور توترت لما عرفت انه كلامه صح وكيف راح يصدقونها اهلها
سعود: بشوف حل انا ما راح يصير شي دام اني معاها
الجد: كيفك شوف
الجدة: طيب تعال عندي شوي يا سعود
سعود لف لمريم وقال: تعالي خذيها
مريم راحت لعند نور واخذتها وراحوا في الحوش مع البنات
