سمعني صوتك الي احبه ويجنن تفكيري...
ريم ردت بتوتر: الو!
حمد حس يعرف الصوت بس ما هو متاكد وقال : من معي الو!!
ريم شوي ويغمى عليها: ااا حمد انا ريم!
حمد فجاه قلبه دق وارتسمت ابتسامه على وجهه: هلا ريم اخبارك!
ريم بخجل: الحمدلله وانت اخبارك؟
حمد: الحمدلله دام اني اسمعك
عم الصمت في ثواني بعد ما حمد جاب العيد
حمد: اا كيف جبتي رقمي؟؟
ريم: من جوال ابوي وفجاه ضحكت بخفه من التوتر
حمد: شفيك تقول تكلمين جني وبعدين اعلم ابوك بايقه ( سارقه) رقمي منه
ريم: يمه تكفى لا اصلا انا ماعرف ليش اتصلت باي
حمد: لحظه لحظه اصبري ، ليش اتصلتي؟
ريم: مب مهم يا حمد
حمد: قولي يلا
ريم: من كنت تقصد لما تكلمت؟
حمد ابتسم وقال: مو قلت قريبا بتعرفين؟
ريم: بس انا ابغى الحين مب قريبا!!
حمد: هي نفسها الي كانت في غرفه ٣٢ وفتحت الباب معي... وانسدح وهو يتخيل
ريم حست بتموت ف لحظتها تبتسم تتوتر ولا تضحك ولا تسكر الخط
حمد: انتي بخير؟
ريم: بخير دام اسمعك؟
حمد ضحك وقال: تقلديني يعني!
ريم: باي!! سكرت الخط وراحت انسدحت وهي تحس بسعاده كبييره
بس تبي تعرف كيف رده فعل سارة!!
وحمد راح عند الشباب عشان ما يجن من تفكيره بساره هههه
عند سارة وخالد وصلوا لبيته ونزلت هي و خالد كان ينزل الاغراض في البيت ( بيتهم عبارة عن فيلا مصغره وكيوت والديكور كلاسيك وغرفتهم باللون الرصاصي الفاتح مكس مع ابيض ( يا جماعه ذوق خالد نتحمل الالوان ههه) و الصاله اوف وايت والمطبخ لونه ابيض الفيلا فيها ٣ غرف غرفه الملابس و غرفه للاطفال طبعا و غرفه لهم )
دخلت سارة و انصدمت ان ذوقه في الصاله و المطبخ حلو بس الغرفه ما عجبتها كثير مع ان حلو يعني بس هي ما تتفق معاه في اي شي
خالد: حطيت اغراضك رتبيهم على كيفك
سارة: طبعا بكيفي يعني
خالد راح للبلكونه يدخن ، وسارة قعدت تناظر فيه وشافت كتله دخان حوالينه هو صح شكله جميل عيونه الحاده و لون عيونه البنيه و شكله بالثوب و شماغه و لونه الي يعجب الكل وصوته الرجولي ، بس لو القلب ما حب مشكله ..
سارة :يا زفت تدخن بعد ياربي منه
خالد: ترى باب البلكونه مفتوح واسمع ولف وهو يستند على سور البلكونه ويطالعها وهو ماسك الدخان وطلعه فوق ويستفزها
سارة: يع ترى!!
خالد: بتقعدين كذا بالعبايه والبرقع يعني
سارة: لا طبعا ، بس كانه مكان جديد مب متعوده عليه يعني شنو تتوقع؟
خالد: بتتعودين ، وبدا يكح بقوه
سارة في البدايه ما عطته وجه بعده لما شافت ما سكت قالت: تبغى ماي؟
خالد بصوت رايح: لا خلاص بيروح
سارة: طيب وراحت
خالد: قبل ما تروحين انا رايح عند سعود اذا بغيتي شي اتصلي وراح بدون ما يسمع رد
سارة: اوف روحه بلا رده
عند الشباب في المجلس
سالم: الا ما قلتوا خالد بيشارك في المسابقه الي بكره؟
سعود: قالي انه بيشارك ، حمود ما بتشارك؟
حمد: كنت مسجل اني اشارك بس احس ماقدر
سعود: وليه ان شاءالله ؟
الجد: صح كلامه ليه انت شاطر وليش يفوتك يعني؟
حمد: يوووه الحين بيبدأ تأنيب الضمير وضحك
الجد: روح يا وليدي ما بتخسر شي
ابو حمد: اسمع كلام جدك وهذا هو الصح
حمد: طيب يصير خير يا جدي و يا يبه
حمد بهمس: ترى مب فاضي لجاسم اذا شارك واشارك معاه يقعد يتفلسف
سعود: يا شينه مشارك بعد؟
سالم: ايه مشارك وضحك على اشكالهم
سعود عطاه على كتفه: لا تضحك يا زفت
خالد دخل : السلام عليكم
الكل وعليكم السلام ، راح حب راس الوه و جده و عمه
وقعد
حمد: انت ما تستحي مو توك رايح مع سارة
سعود: شكله ما هان على قلبه يخلينا ويروح
سالم: شفت شلون قلبه طييييييييب
خالد عطاهم بطرف عين وقال: تخلون الواحد يندم انه يحبكم ويجيكم وانا الغلطان اني جاي اصلا ، وقام بيطلع
سعود: هي هي اقعد اقعد شفيك صاير تزعل بسرعه
خالد: سعود فك الي فيني مكفيني وبكره وراي مسابقه اصلا لازم انام ، كنت جاي اسلم عليهم بالاساس يلا فمان الله وراح
حمد: معليه شكله الفيوزات ضاربه وبقوه
سعود: خليني اروح له اشوف ليش الفيوزات ضاربه
ولحقه سعود وقفه في الحوش؛ خَلود دقيقه
خالد: شفيك؟
سعود: علامك كذا بتموت علينا!
خالد بحزن: سعود انت للحين تسأل وكأنك ما تعرف ؟
سعود بضيقه: ياهووه خَلود والله مب متعود عليك كذا حزين خلاص انسى
خالد: شلون انسى وهي الحين في بيتي و تشاركني غرفتي تخيل اني اطالعها بس اتخيلها هذيك!!
سعود: ياربي حالتك صعبه وشفيه صوتك كذا تعبان؟
خالد: مرارتي بتطلع من الكحه بس الحين احسن
سعود: لا تكثر وانا اخوك لا تدخن كثير عصب تعال اضربني بس لا تدخن صحتك ياهووه
خالد: خلاص خلني المره الجايه اضرب فيك
سعود ضحك وقال: الدار دارك تعال
خالد: يلا بروح وراي تدريب ومسابقه
سعود: فمان الله يا جميل قلبي
