بعد ما الاثنين كانوا متجمدين وحمد عيونه بالارض وقال
حمد: اسف اسف بالغلط والله
البنات: الي تصارخ والي تقول سكري الباب
ريم: من الصدمه سكرت الباب بقوة
حمد: تجمد من صوت الباب وكان مستغرب خالد قال له تعال هنا ليش بنات موجودين وركز على اللوحة كانت مكتوبه رقم ٣٢
قال في نفسه والله انك غبي يا حميدو قالوا لك ٢٣ شلي مخليك تجي هنا
ومشى بسرعه وهو عقله مع الي كانت ماسكه الباب ما لاحظ الا عيونها وشامتها الي على يدها ( ملاحظه البنات حاطين براقع و هو اصلا ما ركز في الوجه كثثيير)
ريم: والله هالشباب مجانين حتى هنا جايين الى اين يا فئة الشباب
بس في قلبها ( خاطري اعرف من ذا مستحيل يغلطون و يجون هنا اصلا)
فاطمة: ريوومه من الي كان على الباب فجاه صرختوا ما عرفنا الي صار
ريم: ولا شي بنات شخص مغلط حسبي الله يا تاله وانا رايحه وانا مو مغطيه وجهي عدللل
تاله: والله هي قالت بعد شوي بتوصل ما توقعت رجال!
سارة: طيب هندي ولا وش ؟
ريم: لا ياخييي كان لابس ثوببب اقولك
جواهر: اوف ما صار حب من اول نظرة
ريم: اصلا من الصدمه ما شفت ملامحه الا عينه علقت ماعرفت ايش اسوي يا بنت
سارة: شكله راحت فيها صديقتتتناا
ريم: بنات اشك انتوا منتم بصاحين اقولكم حتى ماعرفت كيف شكله من الصدمه
البنات كلهم ضحكوا طبعا على الموقف وراحوا يكملون التجهيزات
( بس ما يدرون هالموقف بيغير مجرى تفكيرهم وحياتهم )
عند الشباب...
خالد: حميدو ساعتين لين ما توصل كنت تقدر تتاخر اكثر عادي جدا ترى
حمد: اسكت بس اتمنى هالارض تنشق وتبلعني معها
خالد: وش صار مو انا قلت لك تعال هنا ليه تاخرت بالاساس
حمد: تخيل بدال ما اجي هنا رحت غرفه ٣٢ فتحت الباب على البنات حسبي الله عليك
خالد: احلف يا ثور وضحك من قلب ، ما تشوف ما تشوف يعني واصلا شنو جاب هذا في هذا
حمد: اسكت يا خَلود لو سمعوك هالمصيبتين الي قدامك فضحونا عند جدي وابوي بيكمل الفسوق علينا
سعود: شوف هالاثنين كيف يتكلمون تقول عندهم سر مافيا صح يا سلوم
سالم: مسويين فيها انهم يخفون الموضوع عنا وغمز لهم
حمد ناظر ل خالد بنظرة ان عرفوا الي قلناه؟ اشر خالد بحاجبه ان لا يمثلون علينا
حمد: بس بس خلونا ف حالنا شوي نشبه في كل مكان انتوا
سعود: احترم عمك يا ولد عيال اخر زمن
حمد : للاسف انك من نفس الزمن ولا ما كنت هنا
سعود: اووو بس خلي هاليوم يمر على خير باكلك بقشورك انت وياه يلا خلينا ننزل ايش الفايدة الليل مافي تان ما تان
خالد: خربانين على الاخر انتوا جايبيني مكان ما احبه
سعود: اسكت بس تعال عضلات على الفاضي لو انا استعرض
خالد: انت لازم اسجل صوت واطرشه حق عمي عشان يجلدك
سعود: لو سمعني اخوي وابوي اظن يتبرون مني
حمد: حصل خير عمي سعووودي
سعود راح قبل ما ينزل فيهم ضربب من استعباطهم
طبعا البنات راحوا للقاعة تحت
وابتدأت الاغاني الشعبيه والاجواء كانت شعبيه حبت طيبه كل شي يكون نفس الزمن القديم بحيث انه ليله حنه احلى يكون شعبي و كانوا البنات يدورون في القاعه ويساعدون و يرحبون في الناس ، بعد ساعه وكذا راحوا البنات يصفون صفين و في الوسط يتمايلون ويرقصون على الاغاني البنات
واجواء شعبيه وقديمه تشرح الخاطر
سارة: الله الله احسسس رجعت بالزمن
جواهر: احب كذا اعراس جوي والله
مريم: صدقتي اخر مرة حضرت كذا عرس كان من ١٠ سنين يمكن وضحكت
فاطمة: الحين قبل بس كان كذا يعني؟
مريم: ما اتذكر كثييير بس اغلب الاعراس كذا يعني ليله العرس كذا كانها حنه
فاطمة: ايييي اوكك
ريم كانت شااارده في تفكيرها وهي للحين تفكر بالي كان ورا الباب
سارة: ريمي شارده ليه؟
ريم: لا ولاشي بس كذا سرحت
سارة سحبتها و ودتها في الوسط ترقص معاها
والبنات علوا اصواتهم مع الاغنيه ورقصوا حوالين طيبه
