ظَننتُ أن الحُب مُجَرد احَاسِيسٌ فَقط...
سارة: ما تقدر تسوي شي فينا يا خالد
خالد بحده وغضب: تحبين زفت الطينننن تحبيينه صححح؟؟!!
سارة طالعت في عيونه بدموع وقالت: ااااايي احبهه فهمتتت؟؟!!!
خالد بغضب طير الكرسي والي كان فوق الرف والمزهريات صاروا على الارض مكسريين
صرخت سارة من صدمتها وقالت: مجنون وانانييي
خالد بعصبيه: سااااااارة ما اسمع حسكك خلي السواق يرجعك البيييت
ومسك طرف صدره بألم وحس بنغزات
سارة: بروححح لانك مجنون
خالد كان يكح وحس بانه بينكتم وراح يشرب ماي
و اول ما طلعت سارة راح وطلع البخاخ من الدرج و بخ مرتين
وارتاح شوي بعدها و لكن في قلبه شرار ويبي يطلعه في حد راح لبلكونة الشركه و وقف وهو يدخن ويتطاير الدخان حوالينه ويطالع سارة وهي طالعه وقال في نفسه ( تحبين الزفت اجل ، يصير خير) و طالع للسما وهو مكتومم ويحتاج سعود
سارة: طلعت من الشركه وهي ماسكه بكاها و خلت السواق يوصلها البيت ، وبعد نص ساعه وصلت البيت ، واول ما لخل للبيت انفجرت بكى من قهرها
ماتعرف من عصبيه خالد ولا متنرفزه ولا من حبها لجاسم الي ما تقدر تسوي فيه شي وكان امووور على صدرها مب امر واحد
في وسط اراضي خاليه
كانوا ريم و حمد يتسابقون بالخيل لين ما حد منهم يوصل للشجرة
وصل حمد في البدايه وبعد ثانيه بالضبط وصلت ريم
حمد ضحك: والله انك مو قليله حسيت قلبي وقف من كثر ما يدق
وانا اركض ب هالخيل
ريم بفخر: شرايك بس، بس للحيين ما فدت عليك ولازم افوز عليك
حمد: يمكن باحلامك؟
ريم: هممم يمكن ما تستخف فيني
حمد: بس لا صدق كفووو والله انك بنت ابوك
ريم: طبعاا بنت ابوي ونصص
حمد: ريم يمكن اسألك شي وردي علي بصراحه امانه
ريم توترت: طيب اسأل اشوف
حمد: اوعديني انك تردي!
ريم ضحكت وقالت: طيب اوعدك يلا
حمد بتردد: تبادليني شعوري؟
ريم بتوتر: حمد ليه تسأل كذا ماقدر
حمد قاطعها وقال: وعدتيني تجاوبين ولا تحرقين قلبي!
ريم بحزن: حمد اخاف ابادلك واعلقك فيني واتعلق فيك وما يصير بينا نصيب و اكسر قلبك بعدها ماقدررر
حمد انصدم: طيب ليه هالكلام ومن قال مافي بينا نصيب!
ريم: تعرف يا حمد شغل ابوي. تعرفه واذا رحت وما رجعت!
حمد: ما بيصير كذا يا ريم لا تخافين بنكون مع بعض
ريم: ماعرف يا حمد اخاف اوعدكك
حمد: واذا طلبتك من ابوك؟
ريم بصدمه: لا لا تكفى حمد لا تستعجل اول شي لازم نعرف بعض و الوقت الحين مب منااسب وابتسمت ، انت للحين ماتعرف جوابي
حمد ابتسم بحزن: طيب متى بعرف
ريم: لما الطيور تبي، بس راح تعرف بس مب اليوم
حمد وهو متاكد انها تبادله بس تبي تعذبه و ركب خيله و قال:
يا ويلك لو هاليوم بعيد
ريم: اقرب من المزرعه و ضحكت وهي تركض بالخيل عشان تسابقه وتوصل قبله وراحت
حمد ضحك بصوت عالي وقال: بتجننينييي ، وراح يلحقها
بعد ما كلهم رجعوا ، قرروا يرجعون الخيول و يروحون البيت ..
سعود وراشد بعد ما خلصوا الدوام وكلشي واشغالهم قرر سعود يودي راشد معاه بيتهم عشان يقابل ابوه لان صار له فترة طويله ما شافه
ولما وصلوا كان الجد في المجلس قاعد مع ابو خالد و ابو حمد و ابو ريم
سعود: السلام عليكم
الجد: وعليكم السلام يا سعود ، دقيقه احس اعرف الي وراك
راشد ضحك وهو يسلم عليه: يا عمي انا الي كنت مجننك
الجد: راشد؟ وضحك
راشد: اييي يا عمي ، اخبارك عساك طيب!
الجد: الحمدلله يا وليدي اختفيت فجاه م اقمت تجي
راشد: والله الشغل يا عمي صعب
الجد: اي والله واخيرا عقلت وضحك
راشد ضحك وراح سلم على ابو خالد و ابو حمد
وسلم على ابو ريم ومد يده
طالع ابو ريم بيده وشاف وحمه وعلطول تذكر ولده وحس قلبه عوره
راشد: عمي فيك شي؟
ابو ريم: لا بس وحمتك ذكرتني بولدي الله يرحمه
راشد: ايي اسف اذا ذكرتك فيه الله يرحمه
ابو ريم: الله يحفظك يا ولدي
راشد حس بحزن وهو مشتاق لاهله الي مايعرفهم وحس بحنيه بوقتها
وقعد وصار يسمع سوالف الجد و اولاده
ابو ريم كان طول الوقت يناظر لراشد ويشوف يده و يشوف عيونه ويحس ماهو غريب عليه و يحس يبي يبكي سبحان الي خلى الغريب يشبه لولده
وأستأذن وطلع لانه حزن من بعد ما شافه وتحسر على ولده الي ضاع منهم
حمد: دخل وقال السلام عليكم
الجد: يا هلا رجعتوا ! عسى استانستوا
حمد: والله كانت طلعه حلوه ونحتاجها
الجد: والله زين زينن
