4🚜مولات تراكتور🚜
🖇️بقلم :ريم🖇️
🌸بارت46🌸
🌛رمضان كريم 🌛
دازو ساعتاين فاقت عرقانة وكتنهج.... لوجع زارها وبدات تنين بحر لحريق...
حلات عنيها كتنهج عاضة علا شفايفها
لبنى
يا ربي يا ربي ماشي دبا يا ربي ااااااااي ياااا ربي اهئ اهئ ااااااه
بدات تاتغوت وتنهج غي بوحدها مكاين لي يعاون.... وقفااات بجهد حيدات لكولون لي كانت لابسة و لكيلوط وبقات هكاكا كتغوت وتحاول تزحم....
دقايق وخي على نفس لحال تاتبكي وتوجع حتا جاء الفرج وحسات بلوجع قلال.... هزات راسها بتتاقل حتا كتلمح ولدها على سرير... لخوف قتلها فاش ماسمعاتوش غوت... قوا من لخوف جاتها و قرباات لعندو كتبكي... شافتو زرق وخوفها زاد... قلباتو وبدات كتضرب فيه ماتنفسات حتا سمعاتو غوت....
رجع لونو لحمر عاد رتاحت.... عقدات ليه صرة عاد هزاتو فيدها كتبكي... وقفات مسندة على لحيط حتا جبدات مقص... قطعاتها و رجعات حطاتو فوق سرير... حيدات لغطا لي توسخ بدم كلكماتو و جبدات مانطة فوشاتها ورجعات حدا ولدها...
هزات لبودي لي لابسة وعرات على صدرها هزا ولدها لي كان تيبكي.....
نفعها داكشي لي تعلمات حيت منبعد ما عرفو راها حاملة دحلها حميد لواحد صونطر تيعلمو لامهات كفاش اتعاملو مع حملهم وحتا تربتهم...
لزز باش قدرات تحط ليه بزولتها فمو... غي حدو بدا كيمص لحليب وهي كتغمض عنيها بالام حيت تيقصحها... دازو دقايق حتا بعد طالقها وتنفسو منتاضم... هبطات باست راسو بشوية ورجعات تكات على لكادر تاع ناموسية ترتاح...
داز لوقت ودخلو بجوج لدار... تاجه لكوزينة حط تقديا ورجع فورا فاش سمع زهرة كتغوت ليه
حميد
لواليدة مالكي
زهرة
دم اولدي دم شوف
نزل عينو لالرض حدا بيتهم لي كانو فيها بسباب فاش خرجات تجيب لمقص... فشلو عليه ركابي وتاجه بتاتاقل حتا وصل لبيت... فتحو وهو اتكا على لحيط مصدوم...
دخلات زهرة وراه حتا كتشوف داك لمنضر... تحلعات ولكن دغيا جمعات راسها وتاجهات لعند لبنى كتفيق فيها...
حلات عنيها بعياء كتشوف فيها ونطقات
لبنى
خالتي
صوتها كان كافي باش يفيقو من صدمتو ... بعد على لحيط وتاجه لعندها...شد وجها بين يديه ونطق بهستيرية
حميد
نتي بيخير ياك موقع ليك والو شوفي فيا لباس ياك
صوتو لمجهد فيق فلدة كبدو و ولدو لي بدا كيغوت بصوتو كيف لمشيش... بدل رؤيتو ليه وضحك ضحكة عالية مما زاد خلع لولد
لبنى
خلعتيه
ضحكة باينة فوجهو قرب من ولدو وبشوية حتا هزو تايراري بيه حتا سكت... باس فجبهتو حاضيه حتا فتح عويناتو لقهويين شابه لباه...
قربات زهرة كتشوف وتنطق
زهرة
مشاء الله مشاء الله الله احفضو... عطيه ليا اولدي نغسل ليه
داكشي لي كان عطاه ليها حتا غسلات ليه وحيدات ليه دم كاكل لي لاصق فيه عاد حطاتو مكلكم فمانطة وناعس فوق سرير
زهرة
خرج اولدي بلاتي
مكرهش يبقا ولكن مبغاش احشم مو.... زهرة لب غسلات ليها حالتها ونشفاتها عاد لبساتها حويجات جداد وغطاتها على للرد....
YOU ARE READING
مولات التراكتور🚜مكتملة🚜
Romance💎مكتملة💎 ❌حصرية على الواتباد❌ 🌛رمــضــان كــريــم🌛 🖇️بعنوان: · • ✤ • ·❴◈مولات تراكتور◈❵· • ✤ • · 🖇️بقلم: ╔═════•| ✿ |•═════╗ ريم جوري "آل برتقالية" ╚═════•| ✿ |•═════╝ كيف قالو ناس زمان...
