🚜مولات تراكتور🚜
🖇️بقلم :ريم🖇️
🌸بارت 24🌸
🌛رمضان كريم🌛
رجعو فلعشية مهلَكين بدوران.... لينا ماخلات فين دارت واش كلاترلي شافتها اعجبها وتخليها مبتاسمة...
نزلو بجوج من طونوبيل متاجهين لدار.... دخلو لداخل... لقاو زهرة معمرة اتاي و قالية لبيض لبلدي وحاطا حتا زيتون لي كانت جابو حميد...
باس راسها وجلس حداها كيقطع فلخبز وكياكل جاي قاتلو جوع... فحين لينا مشات حتا بدلات حوايجها وغسلات وجها من لماكياج عاد جلسات حداهم تاهي كتاكل...
مسح فمو موراما سالا ماكلتو و وقف متاجه لكوزينة... عمر مقراج دلما وقلب بعينو على لبريكة مالقاهاش وخرج عندهم...
حميد:
"لواليدة فين لبريكة مالقيتهاش"
زهرة:
"هاه هاهي اولدي"
حلات طابلية لي كانت محزمة بيها و جبداتها منها
شدها من عندها كيدوي بطنز
حميد:
"وليتي كتكمي ازهرة"
ضحكات رادة عليه
زهرة:
"الله امسخك راه غا بنتي لبنى شراتها ليا ونسيتها هنا"
حميد:
"شكون لبنى"
زهرة:
" بنت لمعطي اولدي"
حرك راسو باه ومشا شعل على لبوطة عاد رجع لبيت جمع حوايجو لي خاصينو ومشا ادوش...
خرج لابس كيطمة سخونة كيمسح فشعرو... خرج من دار بعدما لقا كولشي ناعس... خرج كيتمشى حدا دار.... جروه رجليه حتا لدارهم طلع فشجرة مراقب دارهم لي فيها ضواو طافيين شحال عاد نزل راجع لدار
داز ايام الله ودازت 15 يوم... بعد سيمانة لي قضات منها لبنى ربع يام فلفيلاج عاد رجعو لدار.... نهار لي رجعات هي كانو هوما شدو طريق راجعين لكازا...
ناوي يديها لكازا باش ترجع عند واليدها... صدق خارجة ليه خدمة من جنب تما وجلس تما حتا كملات عشريام عاد ليوم شاد طريق
غادي فطونوبيل تيشوف دفوع دايز من حداه بتاسم كيتخيل نهار اتزوج هو و لبنى غايدير ليها احسن عرس ولي بغاتها اشريها ليها...
تيموت على شي حاجة سميتها لبنى ومامستاعدش باش اتخلى عليها من جديد ولا يتفرق... كان طايش فاش خلاها ومشا طمع فشارفة تديه لغربة...
نزل من طنوبيلتو فاش وصل ودخل لدار تيلعب بسوارت فيديه... باس راس باه ودور عينو كيقلب على زهرة
حميد:
"فين لواليدة"
لعربي:
"مشات معروضة لعرس"
حميد:
"تاعمن.."
لعربي:
"تاع بنت لمعطي لبنى"
#يتبع
أنت تقرأ
مولات التراكتور🚜مكتملة🚜
Romance💎مكتملة💎 ❌حصرية على الواتباد❌ 🌛رمــضــان كــريــم🌛 🖇️بعنوان: · • ✤ • ·❴◈مولات تراكتور◈❵· • ✤ • · 🖇️بقلم: ╔═════•| ✿ |•═════╗ ريم جوري "آل برتقالية" ╚═════•| ✿ |•═════╝ كيف قالو ناس زمان...
