🚜مولات تراكتور🚜
🖇️بقلم :ريم🖇️
🌸بارت 22🌸
🌛رمضان كريم🌛
جرات لعندها تاني حتا وقفات قدامها
لينا:
"علاش مابغيتيش تدوي معايا"
لبنى:
"صباحاتو لله اش بغيتي"
لينا:
"بغيت ندويو ونوليو صحابات"
لبنى:
"واش اختي مسطية ولا باغا تسطيني فوتيني عليك"
رجعات تكمل طريقها حتا شدات ليها من يدها.... بلفقصة لي كانت راكباها من لبارح دفعاتها حتا جات طايحة
لبنى:
"قليني عليك ولا مغايعجبك حال"
نطق بصوت غاضب بعدما مالقاش لينا فدار خرج اقلب عليها خافها لا تودر حتا شافها واقفة مع لبنى... قال اخليهم بوحدهم ومبقا مبعد حتا شافها طيحاتها
حميد:
"لبنى"
قرب منها عاقد حجبانو وشدها من دراعها
حميد:
"مال مك جهلتي ولا مالك علاش ضربتي لبنت"
نترات اديها منو وقالت
لبنى:
"بقات فيك ياك سير عاونها وبعد مني"
حميد:
"باراكا من تبرهيش اش دارت ليك لبنت حتا ضربيها... باغا دوي معاك مالك فيه"
لبنى:
"ايه اسيدي انا برهوشة غي بعد مني... وماتنساش هاد لبرهوشة راك ضل نهار ومطال تابعها..."
طلق منها وشاف فيها بنضرة فشكل
حميد:
"هادشي ما عطاك الله تگوليه... داير ليك عتابار وشاد ليك لخاطر دبا ترطاب دبا ترجع لبنت كيف كانت... تابعك حيت كنبغيك ماشي تابعك باش تعايريني... ولكن نستاهل انا لي حمار انا لي معندش بويا نفس ومادايرش قيمة لراسي.... شحال من مرة شرحت ليك و طلبت سماحة ساعة والو وماعادالك كنگول راني فيا لافوت فلخر تجي تعايريني بيها..."
تحرك من قدامها ممخليش ليها مجال فين تدوي... عاون لينا حتا وقفات وتاجه لدار وهي معكزة عليه حيت ضاراها رجلها...
واخا يعيا يدير لخاطر واخا يطلب سماحة شحال من مرة مكايعنيش انه معندو كرامة ومعندو نفس... تاهو راجل ودكالي... رطب راسو تا عيا جيت عارف منو لغلط ولكن باش تعايرو بيها لا... واخا يكون تيموت عليها ولكن غي يحس براسو متقل عليها يعفط على قلبو ويخليها...
دخلو لدار عاونها تا جلسات وجاب ليها لما تغسل ركبتها لي تجرحات...
لينا :
"حميد... مبغيتكش تخاصم معاها بسبابي "
بسم ليها وقال
حميد:
"ماتخافيش متشي على قبلك تخاصمنا... واصلا دبا ندوي معاها ونتصالحو"
لينا :
"قبيلة قصحتي معاها حشومة عليك"
حميد :
"كتحاماو ولا شنو... دبا ندوي معاها الالة و نطلب سماحة"
لينا :
"انشاء الله"
حميد:
"يالله نفطرو "
هزات راسها باه و وقفو داخلين لدار لدار...
رجعات لدار مابقات ليها گانة لارض ومايجي منها... دخلات لبيت سادة عليها لباب طالقة لعنان لدموعها... تبدل ليها لجو وحسات بعداب ضمير بعد لهدرة لي سمعها...
YOU ARE READING
مولات التراكتور🚜مكتملة🚜
Romance💎مكتملة💎 ❌حصرية على الواتباد❌ 🌛رمــضــان كــريــم🌛 🖇️بعنوان: · • ✤ • ·❴◈مولات تراكتور◈❵· • ✤ • · 🖇️بقلم: ╔═════•| ✿ |•═════╗ ريم جوري "آل برتقالية" ╚═════•| ✿ |•═════╝ كيف قالو ناس زمان...
