🚜مولات تراكتور🚜
🖇️بقلم :ريم🖇️
🌸بارت2 🌸
🌛رمضان كريم🌛
محيطها منحاصر بين دار ولارض لا غير.... هاد لخرة لي الا جا لبرد تحرتها وتغرس فيها لقمح ولا شعير وفاش اجي وقت لحصاد تحصد ما عطاها الله من غلة.... نص تخليه لدار اعيشو بيه ويتقوتو منو.... ونص لاخر كتبيعو ولي شداتو فلوس تخزنو لدواير زمان ... ولا لاخصها لحبوب تشريه باش تزرع مرة خرى ثاني
لمهم عندها هو تهز راسها ومتخلي واليديها مخصوصين من والو.... رباوها على تحمل المسؤولية وماتكونش فنيانة فشغلها.... بلعكس ضارب مع زمان ويلا ددنيا عطاتها دقة ترجعها ليها هي بجوج وماتفاكش....
وصلات طناش تاع نهار شمس سخنات وجوع بدا يحك فكرشها.... نزلات من تراكتور مخلياه بلاصتو حيت غاترجع فلعشية تكمل شغلها....
خرجات من الارض بعدما سداتها كيف عادتها بشوك ولحجر عاد تاجهات لدار على رجليها تاتمشا وتسرح عويناتها فالاراضي لي فجنب طريق.....
كاين لي بحالها بدا لحرت و كاين لي وا حرت و شتا لي صبات دازت على ارضو.... وعاد كاين لجنس لمعكاز لي مامسوقش لدنيا و همها...
وصلات لدار ودخلات لول لطواليط حاشاكم قضات حاجتها و غسلات عليها حالتها عاد تاجهات لكوزينة لي كانت فيها مرة قعقدها لخمسين كتوجد فلغدا....هزات عنيها فيها وقالت:
"جابك الله سيرب ابنتي طيب لخبز راه خمر ومصبت كي ندير "
ردات عليها وهي متاجهة لتلاجة كتفتح فيها...
"واخا امي"
هزات ماطيشة غسلاتهاوقسماتها على جوج حطاتها على لوصلة لي فيها لخبز عاد خرجات لفران لي حدا دار مبني بطين وفيه لوسط لحديد حنا كنسميوه اينور....
حمات لفران وتسناتو حتا سخن وهي تلوح لكرصة هي لولة..... تسناتها حتا طابت عاد خرجاتها و لاحط خبزة لكبيرة....
وهي كتسنا حلات لگرصة ودارت فيها ماطيشة وبدات تاكل.... ماعندهاش مشكل لي لقلتها قدامها تاكلها واخا مكيبانش فيها... ولايني متشرط ماتقوليك بغيت هادا و لا مابغيت هادا.... تاكل لي قسم الله وتنوض نايضة لشغلها....
سلات طياب لخبز ودخلاتو لدار حاطاه فوق طبلة فاش تياكلو عاد خرجات ولبسات جيلي لي خيدات قبيلة فلش دخلات نتاجهة لارض تكمل شغلها...
خرجات من دار متاجهة لارض حتا كتسمع فمها كتعيط..... ضربات ضورة و رجعات عتدها لقاتها فباب دار كاتعيط....
"اش بغيتي امي "
ردات عليها وهي كتشوف فلحوايج لي لابسة
"الله يا بنيتي يا لبنى اجي تغداي عاد سيري لشغلك"
بتاسمات وقربات باست لمها يديها وقالت....
لبنى:
"راه كليت قبيلة لي قسم الله وراه شبعت.... ماديريش فبالك فاش نسالي لاجاني جوع ناكل"
دوزات اديها على دراعها مرددة....
"وعافا بنيتي كولي غا شوية "
لبنى:
"والله لميمتي تا كليت ماتشطينيش بالك "
باست ليها راسها ودارت متاجهة لاوض مكملة طريقها.... وصلات و ركبات تاني كتكمل فلحريت وخداها مسجلة كتسنط ليها....
دايرة فراسها ما دوز تلات يام حتا اكمل لحرت باش ترمي زريعة وديك ساعة تهنا... وقتما كتاب وصبات شتا تسقي لارض باش تعطي غلتها
YOU ARE READING
مولات التراكتور🚜مكتملة🚜
Romance💎مكتملة💎 ❌حصرية على الواتباد❌ 🌛رمــضــان كــريــم🌛 🖇️بعنوان: · • ✤ • ·❴◈مولات تراكتور◈❵· • ✤ • · 🖇️بقلم: ╔═════•| ✿ |•═════╗ ريم جوري "آل برتقالية" ╚═════•| ✿ |•═════╝ كيف قالو ناس زمان...
