🚜مولات تراكتور🚜
🖇️بقلم :ريم🖇️
🌸بارت 19 🌸
🌛رمضان كريم🌛
حميد :
"بنت خدامة معايا جبتها تشوف لبلاد"
زهرة:
"مرحبا بيها اولدي فيقها تدخل "
هز راسو باه و قرب منها تيعيط عليها...
حميد:
"لينا... لينا"
حلات عنيها لخضرين فيه ومدات اديها كتفوه
لينا :
"صباح لخير"
حميد:
"نوضي راه وصلنا "
هزات راسها باه و وقفات كتمحص... شافت زهرة و قربات منها
لينا :
"سلام اخالتي "
زهرة:
" وعليكم السلام مرحبا بيك ابنتي... "
لينا:
"شكرا اخالتي"
زهرة:
"شحال حلوة ابنتي دخلي لداخل "
سبقاتهم لينا كاتكتاشف اما زهرة جرات ولدها وقالت
زهرة:
"الله اولدي اسحابلي فلول غا گاورية"
حميد:
"وراها گاورية غا مها مغربية"
زهرة:
" مشاء الله مزوجة"
حميد:
" دوزي امي تدخلي دوز "
دخلو بجوج متاجهين جيهة دصالة فين كانت واقفة لينا
زهرة :
" جلسي ابنتي مرحبا "
حيد صباطو ودخل جالس حاط عليه وسادة
حميد:
"فين لواليد ""
جوباتو من لكوزينة وهي كتسّگي رفيسة
زهرة:
" مشا لڨيلاج مغايجي تال لعشية "
هزات لقصرية و حطاتها فوق طبلة مع جبانية تاع روا
زهرة:
"قولو بسم الله"
دار عند لينا لي هزات معلقة وقال
حميد:
" عنداك تضرك "
حركات راسها بلا وقالت
لينا :
" تت فايت ليا كليتها "
هز راسو ونطق لبسملة عاد باشرو فالاكل وزهرة كتسول عليهم...
تغداو وكل واحد تكا فسداري تايستاراحو من لعيا تاع طريق من غير زهرة لي ناضت لكوزينة تقاد لمسكوتة لي كتعرف باش يالله تجيبها مع لعصر...
ودن لعصر و صلاو عاد تجمعو على كاس اتاي شربوه وكلاو لي قسم الله عاد خرجو بجوج كيساريها فلبلادات...
لينا :
"حيد ليا سبول "
ضحك ومشا قطع ليها جوج و رجع
حميد :
" عنداك يوحل ليك سفا "
هزات راسها باه وبدات كتنقي وتاكل وهوما كيتمشاو حتا وصلو لارض تاع لبنى...
كانت خارجة من الارض كتلعب بعود تاع زيتون حتا وقفات موسعة عنيها فاش شافتو...
كانت باقا كتمشا حتا شافتو وقف رجعات عندو شدات اديه ونطقات
لينا:
"حميد يالله مالك وقفتي"
شافت فحميد و شافت فيديه لي شادة فيها لينا... بلا كلمة وبلا جوج بتخنزيرة فيهم دازت من حداه بلاما تعبرو...
ESTÁS LEYENDO
مولات التراكتور🚜مكتملة🚜
Romance💎مكتملة💎 ❌حصرية على الواتباد❌ 🌛رمــضــان كــريــم🌛 🖇️بعنوان: · • ✤ • ·❴◈مولات تراكتور◈❵· • ✤ • · 🖇️بقلم: ╔═════•| ✿ |•═════╗ ريم جوري "آل برتقالية" ╚═════•| ✿ |•═════╝ كيف قالو ناس زمان...
