🚜مولات تراكتور🚜
🖇️بقلم :ريم🖇️
🌸بارت 15 🌸
🌛رمضان كريم🌛
داز نهار وجا نهار جديد
ليوم صابحة شتا خيط من سما... هيبة ورحمة من عند سيدي ربي... فرحات لفلاحة وسقات لارض
كانت ناعسة فلبيت ليوم تالت فدورة شهرية... واخا توكضات شوية ولكن لوجع باقي فيها... خرجات مت لبيت متاجهة لروبيني تغسل وجها و تصحصح... تاجهات لكوزينة وهي كتشوف فشتا كتصب
دخلات على ربيعة لي كانت جالسة كتخبز فلمسمن... باست راسها وقال
لبنى
"صباح لخير"
ربيعة
"صباح نور كي وليتي شوية"
لبنى:
"الحمد لله"
تقطع لغا وتاجهات لمقراج ديال لما دارتو اطيب ... تسناتو حتا غلا عاد عمرات اتاي و قادات صينية..
حطاتها فطبلة ورجعات لكوزينة حطات زيت و زبدة لي تشهاتها عاد تسنات مها تا سالات وبداو لفطور مع لمعطي
فطرات و وقفات متاجعة لكوزينة كتنقي فلخضرة تاع كسكسر.... شحرات لحم ولاحت لخضرة وقادات روا دكسكسو عاد دارت سميدة تفور....
داز لوقت حطات لبن لي نخضاتو ولقصرية تاع كسكسو كتشهي برواها وخضرتها... حطات لكيسان دلبن تجمعو عليه تيلگمو ويدوزو غداهم بحديت خفيف كل واحد مشارك فيه
دخل بعدما صلى ضهر وجلس حدا واليديه لي كيتسناوه لغدا.... قرب باس راسهم عاد جلس معاهم....
كلاو لي قسم الله عاد تجمعات طبلة...جلس حدا زهرة وباس راسها....
حميد:
"لواليدة... دعي معايا راني غدا شاد طريق"
جمعات لبسمة لي كانت مزينة وجها ونطقات بصدمة
زهرة:
"كفاش اولدي"
حميد :
"غدا غانشد طريق باش نرجع لطاليان... عيطو ليا لخدمة"
تجمعو دموع فعنيها وشفايفها بداو اترعدو
زهرة:
"ولكن اولدي عاد جيتي باقي ما شبعت منك"
مسحات دموعها لي نزلو كاتسناه اجاوبها حتا باس راسها وقال
حميد:
"بهاد دموع علاش معلمتكش من نهار عيطو ليا... مسحي دموعك راه هادي هي دنيا... وكنحلف ليك مغنتعطلش كيف لمرة لولة غي شي شهور ورجع"
مسحات دموعها ََقفات كاتقاد عكافتها
زهرة:
"نوض نقاد ليك ما تدي معاك باراكا عليك من ماكلت زنقة"
بسم لمو عاد وقف باس راس باه لي كان كيتسنط ليهم و ساكت
لعربي:
"الله ارضي عليك اولدي"
حميد:
"امين "
داز لوقت و ستا غا ماكترات ودنيا ضلامت بسباب ضو لي تقطع... كانت متكية ففراشها مفمضة عنيها حتى سمعات شي حاجة تخبطات...
ماداتهاش قلول حتا سمعات لخطاوي حداها... حلات عنيها تيبان ليها لخيال كيتحرك... شعلات تيليفون بزربة و...
YOU ARE READING
مولات التراكتور🚜مكتملة🚜
Romance💎مكتملة💎 ❌حصرية على الواتباد❌ 🌛رمــضــان كــريــم🌛 🖇️بعنوان: · • ✤ • ·❴◈مولات تراكتور◈❵· • ✤ • · 🖇️بقلم: ╔═════•| ✿ |•═════╗ ريم جوري "آل برتقالية" ╚═════•| ✿ |•═════╝ كيف قالو ناس زمان...
