" မင်းတို့ဘာသာဆော့ "
" ဘာလို့လဲ Hyungကလည်း အစောကြီးရှိသေးတာအပေါ်တက်တော့မလို့လား "
အပေါ်တက်တော့မည့် DoYoungအား ကျန်ကလေးများက ဝိုင်းဆွဲထားကြသည်။
" အိပ်ချင်နေပြီ... "
"အာ...မရဘူး မရဘူး ဆော့ရမယ် ဆော့ကိုဆော့ရမယ် "
ရေချိန်ကိုက်နေပြီဖြစ်သော JungWooက DoYoungခြေထောက်အားဆွဲဖက်ထားရင်း မလွှတ်တော့ပေ။
ဒီလိုနှင့်ပင် မငြင်းနိုင်တော့သော DoYoungဟာလည်း ကလေးကစားပွဲအတွင်းသို့ဝင်ပါရလေပြီ။ဘေးနားမှTaeYongကို ကြည့်လိုက်ချိန်မှာလည်း ဘာမှမပြောပါဘဲ မျက်နှာတစ်ခုလုံးနီရဲနေပုံရ မူးနေလောက်ပြီဟုတွေးမိရင်း DoYoungပြုံးမိသွားသည်။
" Hyungရော...ဆော့ဦးမလို့လား "
DoYoungတိုးတိုးလေးကပ်မေးလေတော့..." မင်းမတက်သေးရင် ကိုယ်လည်းဝင်ဆော့မယ်"ဟု ဖြေလာသည်။
ဆရာကြီးHaeChanဟာတော့ သူသောက်ထားလို့ကုန်ပြီဖြစ်သော အအေးဖန်ပုလင်းကို အကုန်လုံးဝိုင်းထိုင်နေသောအလယ်ကိုချကာ လှည့်ဖို့ပြင်သည်။
"ဒီလိုကြီး လှည့်ဆော့မှာလား "
"ဟုတ်တယ်လေ "
"အဲ့တော့...ပုလင်းကညွှန်ပြတဲ့သူကအမေးခံရမယ်ပေါ့..."
"ဟုတ်တယ်လေ "
" ဒါဆို တစ်ယောက်ထဲကိုပဲ လေးငါးခါကျနေရင်ရော"
"အဲ့ဒီတစ်ယောက်ကပဲ လေးငါးခါဖြေပေါ့ Lee Morkရဲ့!!! အမေးအမြန်းထူလိုက်တာ "
မက်ဂျူသောက်ထားလို့ရီဝေဝေဖြစ်နေသော Markမှာ ပြန်ချေပဖို့အားမရှိပါ။
သို့ပေမယ့် ဒီဂိမ်းက ဟုတ်မနေဘူးဟုသာခံစားနေမိသည်။
ကျန်သောသူများဟာလည်း HaeChanနဲ့ စကားပြိုင်လုပြောမနေချင်သဖြင့် သဘောရှိသာလွှတ်ထားလေသည်။သို့ဖြင့် ပထမဆုံးအကြိမ် ပုလင်းလှည့်လိုက်မှုတွင် မဲပေါက်သွားသူမှာ TaeYong....
" Hyung... Truth or Dare"
HaeChanကမေးလိုက်လေသည်။
" Truth..."
" Hyungမှာ ချစ်သူရှိလား "
HaeChanအမေးကြောင့် ကျန်သူများဟာလည်း TaeYongကိုအပေါ်အာရုံစုစိုက်ကြည့်လာ၍ မနေတတ်စွာပင် TaeYongချောင်းဟန့်မိတော့ DoYoungဟာလည်း သူ့အားကြည့်နေသည်။
YOU ARE READING
Dandelion
FanfictionDandelionဆိုတဲ့ ပန်းလေးတွေက ဆုတောင်းပြည့်စေတယ်တဲ့လေ... start date - June 24 2022