تجارة مع الله

البارت السادس والعشرون

#تجارة_مع_الله

#بارت_السادس_والعشرون

#بقلم_Yassah_Yassah

زغير وكبرت عمري التجاعيد
بعد يا ناس متغرنا المواليد
اكو الحظهم يصيد البسماء طير
واكو تحطه على جتفه وخانته الأيد

🌿🌿🌿🌿🌿🌿🌿🌿🌿🌿🌿

براء : عزا العزاا يعني شنو ناهي عليه عمه عود صدگ

ساهرة : هذا الخفت منه من أول ما گام يصيح رائد

_ وأنتم قابلين على هذا الوضع

_ لا محد قابل بس خلي اليوم يمر على خير
وباجر ان أشوف شسوي

گمت من عمتي ميته من القهر على نفسي هيج أني باقيه بيد الرايح والراجع ملطشه أنوب طلعلي فارس ما ادري منين اخذت تليفوني وخابرت عليه
اول ما دگ  جاوبني

فارس : هلاو براء محتاجه شي

_ فارس أنت تعرف شنو سويت لو ما تعرف

_ شسويت

_ لا تغشم نفسك شنوو تنهي عليه وين عايشين
احنه وين فهمني

_ جا ترديني انطيج اله

_ ومنو گالك اني اريده منووو فارس اني ما عايزه ما عايزه تجي تجملها عليه كافي العشته حرام عليكم ماكو واحد يخاف ربه بيه

_ ما اگدر اعوفه ياخذج

_ شلحيت اگلك اني ما اريده وما عندي شي وياا
كافي عاد كافي

_ هسه اني تعبان بس عوفيني ارتاح شويه

_ واني شعليه بتعبك شعليه ولكم أموت نفسي واخلص منكم فهمووني وين ما ادور وجهي تجيني رگعه ليشش ليشش

_ بس أهدي والصبح أجيكم ونحجي

_ لا تجي ولا اريد اشوف وجهك فهمت لو لا

سديت التليفون بوجه واني جسمي كله يرجف
بيا زمن عايشين احنه وين گاعدين وين اكو واحد ينهي بعددد وين
وينك يابة وينك منين أجيبك منين أطلعك كلها صارت زلم براسي كلهاااا

بقيت اعيط بصوت عالي دخلت عمتي يمي

ساهرة : گولي يا الله عمه شجاج

_ الشوكت ابقى هيج عمه لشوكت

_ عمه أني أحبج مثل ما أحب أبنياتي أنتِ عندي مو بت أخوي أنتِ أبنيتي ... سمعي مني مره وحده والله ما تخسرين ولج عمه أخوتج غمان وكل خير مابيهم
ولد عمج مثل ما تشوفين چلاب وهسه واحد وراه واحد يشيخ عليج ويريد يتحكم بيج اليوم فارس باجر عادل وراها عمار ولج عمه الزلمه يحبج وشاريج بروحه ومستعد كل شيء يسوي الخاطرج ليش ما تقبلين بيه وتخلينه خيمه عليج وعلى بنيتج

_ يعني هسه اذا أني وافقت يگدر يتزوجني بعد
ما تشوفين شلون فارس نهى

_ أنت شعليج بفارس بس كولي اي والباقي عليه