كفاك ظلماً

البارت التاسع

كفاك ظلماً

البارت التاسع

-طيف عامر 🕊

.....

ـ أحياناً تَظُن ان مكانتكَ كبيرة بقلبِ شخصٍ ما ،
ثم تمر بمواقف تجعلكَ تضحكُ على سخافةِ ظنٍّك ؛
حقاً المواقف تكشف كل خفي... 💔

.....

لارا... جنت بفراشي اتگلب مجاييني نوم باجر جمعه واريد انام ماريد اسهر وافكر بشي

نزلت جوه يم خاله هناء جانت كاعده بالصاله وعثمان نايم على رجلهه وتسولف عليه

باوعتلهم وضحكت على منضرهم شكد حلو

عمو مموجود جان طالع وبكر هم ماعرف وين وروح يم خاله علياء بس دارين والنذله متعوده كل خميس تنام من الضهر لثاني يوم

طلعت كبه من الثلاجه ووكفت اقليها دخلت روح ابتسمت وكالت.. هلاو

جاوبتها بدون ما اباوع بوجهه هلا بيج

وكفت مقابيلي تباوع عليه واني اطبخ كالت ..جان اجيتي لبيت علياء تونسنه هواي

جاوبتها.. تعبانه مالي خلك اطلع

ردت عليه .. اذا تردين لبن او عصير عندي فوگ

اني خليت الكبه بالزيت نفط على ايدي غمضت عيوني بغضب وهي واكفه تباوع
عليه

كتلهه بصوت حاد .. مااريد شي كلشي ماريد واذا احتاجيت الاسواق تارسه الشارع

هي ردت.. چا إني شگتلج شبيج تصيحين عليه

طلعت لغرفتها واني لازمه ايدي الي صارت حمره

تندمت هسه اني لو نايمه مو احسلي هسه هاي شيطيبها

رحت بالصاله امشي ولازمه ايدي جان انردم بشخص وكفت مزعوجه عمر فات بدون ميعتذر وجهه ميتفسر مباشرتاً صعد لغرفته حتى مباوعلي

ردحت اخلي معجون على الحرق

بعدني واكفه وجان اسمع صوت عالي حيل جاي من غرفه عمر

عثمان خاله ضلوا واحد صافن بوجه الثاني والصوت يزيد

هناء كالت لعثمان.. يمه هذا بس لا يضربهه وهي مريضه وحامل روح أنت بلكي يستحي ويبطل

هو كام صعد الدرج بسرعه وضل يدك بالباب ويطلب منه يطلع

عمر صاح بصوت عالي من خلف الباب.. معليكم خليني اربيها لهاي الحيوانة

عثمان... على كيفك يمعود مو هيج تنحل المشاكل كعدوا وتفاهموا

رد عليه بغضب... لا هيج نتفاهم لأن الحيوانات ميجون الا بالضرب

عثمان.. عوفها بداعه امك خطيه حامل عوفها ليصير شي بيهه تحت ايدك

عمر.. عثمان انزل ولتدخل نفسك