بقى يحجي وياي ويتعذر ويتغزل لحد ما رجعت علاقتنا وحياتنا من جديد
ثاني يوم جان ولا أجمل كلشي بيه هدوء وراحه گعدت ع راحتي لا اكو هم على گلبي ولا اكو خوف
خاف اخذني الوقت وما عجنت لو ما لفيت الكبه
ترگينا اني وزيد وريحانة بعدها رتبت البيت شلون ما احب صح جان بناء قديم والاثاث مستخدم بس هذا مو مهم المهم اني مرتاحه وخلصت من الهم والتعب
ابوي اجه علينا العصر شافنا ورجع للبيت
وعمتي تخابر وتسأل
مرت عشر أيام عليه جنت فاصله عن العالم من گد
ما ارتاحيت بيها
كل ثانيه أحمد ربي واشكر ع هاي الراحه
واليوم حجزنا حتى ناخذ ريحانه المركز العلاج الطبيعي من بعد ما سألنه وأستفسرنا لگينا مركز
كلها تمدح بيها
بدلنه وطلعنه للمركز جان الكادر عراقيين وكم واحد عربي من جناسي مختلفه
اول شي گالو لازم المعالج يكشف عليها حتى يحدد شكم ساعه تحتاج باليوم
فحصها المعالج تقريباً عشر دقايق يفحص بيها
ما بقى مكان بجسمها ما فحصه
من بعد الفحص تبين هي تعاني من شد بلاطراف السفليه ورخاوه في الاطراف العلويه
يعني رجليها متشنجه واديها و وجذعها راخيات
وبهاي الحاله تحتاج تمارين مكثفه بــ اليوم ساعتين
ع طول الاسبوع
كملنه الفحص وطلعنا للأداره حتى نتفق وياهم على أسعار الجلسات والوقت
زيد : شكد سعر الجلسه
الاداري : الساعه الوحده بــ 13 الف ساعتين بــ25
زيد باوع عليه مصدوم
زيد : مو هواي المبلغ
الأداري_ تعرف بعد احنه معالجينا مغتربين من غير دول و رواتبهم غاليه
_ ما بيها مجال بعد
_ للاسف أسعارنا ثابته لو نگدر بعيونا نخليكم
_ تسلم عيونكم ما تقصرون
_ هسه شنو افتح الكم فايل
_ اول شي نرتب وضعنا وبعدها اتصل بيكم
_ ع راحتكم بس بدون أمر عليك فلوس الكشف
_ شكد
_ 25 الف
طلع زيد 25 وانطاه وجرني من ايدي وطلع بيه سريع
براء : على كيفك راح اوگع
زيد : امشي ولج شني هااي گصابه ولد الحرام
_ تجارة عدهم حسبي الله ونعم الوكيل
_ بلاسبوع 150 الف يعني بلشهر 600 الف الله وأكبر حتى الوزير ما يدبرها
_ من غير الكراوي
_ ابقي ع المستشفى ما عندي 600 بــ الشهر منين
اجيب ابوگ قابل
_ وهمه بــ المستشفى ع أساس يشتغلون هي ربع ساعه وتلزگ يلزگونها
البارت الحادي عشر
Start from the beginning
