" သီဟ သွားမယ် ရန်ရှင်း ဒီနေ့ အလုပ်သမားတွေကို နားခိုင်းလိုက်တော့ မင်းရော ပဲ "
" ဟုတ်ကဲ့ပါ သခင်ကြီး "
ရန်ရှင်းထွက်သွားတော့ သခင်ကြီးလည်း ကားပေါ်တက်လိုက်တာကြောင့် သီဟ လည်း ကားမောင်းဖို့ပြင်ရသည် ။
" ဟို ဘယ်သွားချင်တာပါလဲ "
" မင်းကြိုက်တဲ့ဆိုင် "
" ကျွန်တော်က အပြင်မှာ သိပ်မစားဖြစ်တော့ သေချာမသိ ..."
" တစ်ဆိုင်ဆိုင်တော့ သိမှာပါ "
" ဟုတ်ကဲ့ သခင် .... အဲ မဟုတ် ..."
" ဦးဉာဏ် "
" ဗျာ .... "
" ဦးဉာဏ်လို့ခေါ် မဟုတ်ရင် အလုပ်ထွက် "
" ဗျာ "
" ဗျာ လို့ ပြီးအုံးမှာလား သီဟရာဇာ "
" ဗျာ !!! အဲ မဟုတ် "
" တော်ပီ ကားသာမောင်းစမ်းပါ "
" ဟုတ်ကဲ့ "
တစ်လမ်းလုံးတိတ်ဆိတ်နေပြီး ကား နောက်ခန်းကို မှန်ထဲကနေ ခနခန ခိုးကြည့်ရတာ အမော ... ချစ်ရသူက အပြင်ဘက်ကို ငေးရင်း လိုက်ပါလာတယ် ။ သူ ဘာတွေတွေးနေမလဲ ။ ကျွန်တော့်အကြောင်းလား ဒါမှမဟုတ် သခင်လေးအကြောင်းများလား ။
" သီဟ "
" ဗျာ "
" ဆိုင်က မရောက်သေးဘူးလား "
" ဟုတ် နည်းနည်းဝေးတဲ့ဆိုင်ရွေးလိုက်မိတယ် နေ့လည်စာစားချိန်ရောက်နေပီပဲ ဗိုက်ဆာနေလားဟင် အနီးဆုံးဆိုင်ကိုပဲ မောင်းလိုက်တော့မယ်နော် ခဏလေး ပါ တောင်းပန်ပါတယ် "
" ဟား !!!! သီဟ ရယ် ငါက မရောက်သေးဘူးလားပဲမေးမိတာကို ဘာလို့အဲလောက်တောင် ပြာယာခတ်သွားတာလဲ ငါအပြစ်လည်းတင်မနေဘဲ တောင်းပန်ပြန်ပါပြီ "
" မဟုတ်ပါဘူး သခင် အဲ ဦးဉာဏ် "
ဦးဉာဏ် ဆိုတဲ့နေရာမှာ တိုးဖျော့သွားတဲ့ လေသံလေးကို မင်းထင် သတိထားမိလိုက်တာပေါ့ ။ ဒီလိုပုံစံနဲ့ဘယ်လိုရှေ့ဆက်သွားရမလဲ နားမလည်နိုင်တော့ဘူး ။
" ကားရပ်လိုက် "
" ဗျာ !!! "
" ကားရပ်လိုက် လို့ ပြောနေတာ "
Extra - 5
Start from the beginning