متاهة رماد

الَـمتاهـة (23)

" مَتاهة رَماد "

البارت الـ 23
مهم :- لا تنسون التصويت وتعلقون بين الفقرات🔴"

مُتابعة للحُساب عُـمري 🤍.

-
همست :- لا مُستحيل

نزلت جوة واني معصبة كُلش هاي السنوات جان مراقبني لو شنو

فتحت باب الأستقبال وعطت واحاول انصي صوتي

رَمـاد :- شكد كلب انتَ ليش هيج تسوي وتدزلي وتراقبني منو انت مَ مليت شكد حضرتك شكم خط تسوي حتى الشركة ملت وانته ممليت

حاط رجل عَلى رجل ومبتسم يباوعلي للحضة ردت اضُربة بس اتمالكت نفسي

بَعدين ضَل فترة صافن ومبتسم فجاة كال

هُمام :- خَلصتي ؟ توقعت ردة فعلج اقوة من هِيج اشو طلعتي حلوة و انتِ معصبة
وبعدين وين المخدة

رَمـاد :- أنجب

هُمام :- اشكرج يا فارة

ضربت رجلي بـ الارض واني متنرفزة منه امنيتي اشوفه معصب دوم يستفز المقابيله

غميته وضل يضحك بصوت عالي شمرت عليه المُخده وصعدت الغُرفتي

كعدت عَلى مَكتبي اهز رجلي بتوتر وصلني مِـنه صورة هامستر لونهة مثل لون شعري
ردت افلش التلفون براسه الخبيث

بعد أعرُف شون انرفزه قبل كُنت اتجاهلة
هسه اله اسوي كُلشي بعناده

فتحت لابتوبي ولحسن الحظ حلقة مُسلسي نازلة ضليت اتفرج وتغير مودي جذرياً و هُمام افندي رايح اكيد يتغير مودي يعني ..

دَزيت رسالة لِـ روز ؏ـلمود نطلع نجهز مِـن هسة للدَوامات ونغير جو

لبست جينز بيجي وتشيرت اسود حِذاء سبورت بيجي رفعت شعري وحطيت ميكب خفيف وختمتها بعُطري المُفضل

نزلت شَغلت السَيارة وأجتي روز صِعدت
ورحنة عَلى محلات الملابس ..

دخلنة على احد المحلات شفت فُستان بي كرز حيل لطيف نداريت على روز وكتلهة

رَمـاد :- شرايج بِـهاذ

فجأة ما احس روز الا خشمهة طك دم و داخت كلش لزمتهة من ايدهة وكفنة لحد ما استقرت شوي ورأسا طلعنة برة المحل

على الشارع دا نعبر فجأة ما احس غير سيارة بشكل سريع ضربت روز ضربة خفيفة بطرف رجلهة وراحت رأسا كومتهة قبل لا تتخربط صعدتهة بـ السيارة
وصعدت اريد اسوق

ما اكدر ايدي لزمتهة الرجفة بشكل مو طبيعي وروز اول مصعدتهة بـ السيارة اغمى لان حيل خافت عليهة وايدي ترجف اريد اسيطر عليهة ما اكدر كل ما اتوتر او اعصب  او انقهر اضل ارجف بشكل فجأة

انفتح باب السيارة شفت ولد وّراه هُمام
نزلوني صعدوني ورة والولد صعد وانطلق و هُمام يردد

هُمام :- اهدي ماكو شي مابيهة شي

بقيت مغمضة عيوني وضاغطه على ايدي بقوة واردد ايات .. ما اريد اخسر شخص مره ثانية كافي عليه موت ابوي وعمي ما اريد اخسر اختي الوحيدة

فجأة وكفت السيارة ونزلنه روز على السيدية وركضوا بيهة واني دموعي على خدي ..

-
روز
-
فتحت عيوني على اثر ضوة قوي ومَا اشوف زين علمود تتوضح الرؤية عندي غمضت عيني وفتحتهة شفت نفسي بِسرير وغُرفة بيضة بعدين دخل هُمام ووراه دكتور ورَماد وشخص اول مرة اشوفه

ابتسم الدكتور وكال :- شون صرتي يحلوة

روز :- راسي دا يأذيني كُلش

:- طبيعي كُلش هاذ الشي لان صار عندج هبوط بـ الضغط وفقر دم بسبب قلة الاكل والفيتامينات حَـكتب لج فيتامينات واهمشي غذائج هَل فترة يكون صحي وماعندج الى العافية

هُمام :- دكتور شوكت نكدر نطلعهة

- باقي شوي ويخلص المغذي وطلعوهة

هُمام :- ممنون دكتور تعبناك

ابتسم الدكتور وطلع من الغُرفة ..
اجتي رَمـاد دموعهة على خدهة

رَمـاد :- حقيرة خوفتينة عليج

روز :- بس لا كلتي لِـ ماما

رَمـاد :- لا اتصلت عليهة كتلهة حَـنتأخر شوي

روز :- لعد يلا كومي خَلي نطلع لا نتأخر زيادة

هُمام :- اي وخلص المغذي هَم

طلعنة من المستشفى وهُمام والي وياه راحوا بتكسي واحنه رجعنة للبيت ..
-
يتبع ..

لا تنسون التصويت وانطوني رأيكم 🔥🤍
احبكم رَوانـاتـي❤️‍🩹..

بِقلمي :- رَوان أثـير

قناتي تلكرام 🤍: https://t.me/itso1
حسابي انستا :itsreo1