متاهة رماد

المَـتاهـة (7)

" مَتاهة رَماد "

البارت الـ 7
مهم :- لا تنسون التصويت وتعلقون بين الفقرات🔴"

مُتابعة للحُساب عُـمري 🤍.

-
كعدت الصبح واليوم عمو عيسى ياخذنه سفره كعدت مِـن الـ8 اذا بيهة طلعة اكيد اكعد مِـن غبشه نزلت اكلت برتقالة

وصعدت لفُرفتي ادور ملابس ضربت رجلي بـ الكنتور واني اكول :- ماكو شي حلوو
طلعت جينز اشتريته قبل فتره ثلجي

ولكيت بلوز ابيض وبي كرز صغير شكله حيل حلو  وحذاء ابيض سبورت وسويت شعري ذيل حصان ونزلت خصلتين ولبست طوك بي فيونكة حطيت مرطب باوعت شكلي بأعجاب ونزلت اركض

اهلي نايمين لان بهيج طلعات عدنة ميطلعون الكبار طلعت ولكيت عمو وايفين وفيلق بدر كلهم موجودين من الولد ماعرف بس شايفتهم بس ماعرف اسمائهم حيل هوايي

ومن البنات اعرف ايڤين وملاك
واسراء ونور وساره لان بعمري تقريبا طلعنه بأكثر مِـن سياره وخطيبه عمو عيسى ويانه اسمهة فرح

عيسى :- فَروحتي شوكت تبدين تجهزين

فرح :- اويي عيسى ميصير هيج ياعيني هستونه بسم الله واخوي يريد يطولهة وهيه كصيرة

عيسى :- هوه شدمرنه غير اخوج

ايڤ :- اي فروحة شوكت تزوجون اريد اكشخ

فرح :- تكسرين عليه ايڤي

ايڤ :- ما اوصل لجمالج فروحه

عيسى :- لج ايڤه عوفي مرتي بحالهة

ايڤ :- اوي مماكليهة

-
ايڤ

وصلنه لمدينة الالعاب بـ 9 تقريبا نزلنه والهوه بارد يجنن اني شايله سلة بيهة مَي وخُبز حسيت ادية دكطعت وهمه يمشون كدامي واني اخر شي

ايڤ :- ماكو احساس ادية دكطعتت

ايڤين :- وجعه وصلنة

ايڤ :- طبعا انتوا ماعدكم غيره مشيليلي كومة علاليك

ايڤين :- انچبي هيه شايله مَي وخُبز كلنه شايلين جدورة

سكتت لان اني اقل وحده شايلة غراض لا بعد ينطوني وصلنه بأحد الحدائق الي بمدينة الالعاب
فرشنه فراش خفيف وطلعوا المنقلة
وكعدنه كلنه متجمعين
وشفت كدامي سكة الموت واني كمزت

عدلت شعري وباوعت العمو

ايڤ :- عمي الحلو حبيبي ابو طول الحلو

عيسى :- اسمعي فرحي شوفي الواكه

ايڤ :- انييي

عيسى :- لا حشاج عمي

ايڤ :- اي عمو حبيبي شايف ذيج سكة الموت شفتهة لو لا ؟

عيسى :- انسي

فرح :- حباب عيسو عليك نبي

عيسى :- جنت بوحدة صرت بثنين

ايڤ :- ديلا لخاطر فروحتك

عيسى :- امري لـ الله امشوا اصعدوا

-
رحنه حجزنة 3 تذاكر عمود نصعد سكة الموت و ايڤين خوافه مستحيل تصعد هيج لعبة بس اني اموت عَلى المجازفة والخطوره صعدت فرح وعمو سوه واني وبنية صغيره يمي بدت العبه

وطارت بينه واني بلاعيمي طكت
وعمو يضحك علينه

-
فرح :- عيسوو التوبه نزولونيييي

ايڤ :- عمو وكفهةةة

فرح :- ايڤ

ايڤ :- اني شعليههه وجعةةة ، عمو كللهم يوكفوهة حيغمى عليه

عيسى :- طبج طوب انتِ ردتيهة لروحج

-
وكفت العبة واني وجهي احمر واحس شوي واوكع مِـن طولي نزلنه مِـن العبه و فرح لازمة ايدي خاف توكع وعمو مستمر ما وكف ضحك ..

عيسى :- اخ بويه ايڤ باعي شكلج شعرج تكهرب

ايڤين :- هاي شنو صايرين فلم وينج ايڤ البطله

فرح :- توبههه هية مرة ومتنعاد

ايڤ :- لا تره حلوه انتو جبناء

الكل ضل يضحك واني اخذت ايڤين وضلينه نتمشى ولعبنة سيارة مداعمات صارت بـ 12 رجعنة لكيناهم ديشون سمج ويصبون دولمة ،

ايڤ :- يمه متت جوع

فرح :- ايڤة حبيبة سوي صلصة السمج اني داصب بـ البرياني

ايڤ : ما اعرف

فرح :- اخذي طاسه عصري ليمون ودبس رمان وشوي معجون ولمندوزي

ايڤ :- وملح !

فرح :- ملحيش غير بـ السمج اكو

خَنچر :- دوخري متعرفين تسوين شي

ايڤ :- لا والله ؟

خَنچر :- اي والله

ايڤ :- لا والله شيف انته واحنه ماندري روح بابه روح اني اعرف اسوي كُلشي

خَنچر :- عيسى صيح بهاي الزعطوطه

ايڤ بهمس :- اوي ابو بريص

خَنچر :- هاي عليمن

ايڤ :- مو عَلى احد

كال وهوه يقلد عليه ، :- اوي فارة حمره

ايڤ :- عفته ورحت دوم اذا اضل يمه ينرفزني

فرشوا السفره وكعدنه ناكل جانت لمة حلوه بس للاسف ما استمرت ..
-
يتبع ..

لا تنسون التصويت وانطوني رأيكم 🔥🤍
احبكم رَوانـاتـي❤️‍🩹..

بِقلمي :- رَوان أثـير

قناتي تلكرام 🤍: https://t.me/itso1
حسابي انستا :itsreo1