" مَتاهة رَماد "
البارت الـ 22
مهم :- لا تنسون التصويت وتعلقون بين الفقرات🔴"
مُتابعة للحُساب عُـمري 🤍.
-
فَـزيت ساعة 9 الصُبح شبعانة نوم
اخذت شاور ولِبست تراك بـهاري سَرحت شعري وسويته كعكة ونَـزلت خُصل مِـن الجوانب
نِزلت مِـن الدرج وضجيج كُلش عالي جوة ..
فجأة أتوضح صَوت القيصر تخلخل بمسامعي
شفت روز كاعدة تتريك ومشغلة القيصر
اول مشافتني كامت لزمت ايدي ونتمايل انا وياها عَلى اغُنية
هل عندك شك انك
احلى واغلى مرأة ف الدنيا
هل عندك شك
نتمايل وية الغنية ونضحك بصوت عالي الى ان انتهت الاغنية ..
روز :- يلا تريكي علمود نسوي حملة تنضيف اليوم ونطلع نجهز للجامعة
رَمـاد :- أوه اليوم حيصير منجز يعني
روز :- هيج شي
عفتهة ورحت للمطبخ طَلعت توست
ومربى فَـراولة دَهنت التوست بـ المربى
واخذت كوب حَطيت بي حَليب فراولة وطِلعت بـ للـ حَديقة
حطيت الفطور عَلى الطاولة واخذت
لابتوبي ودَخلت عَلى موقع ملابس واني أكل و
ايشي يعجبني اطلبه
خلصت فطوري اخذت المواعين
غسلتهة ورحت لروز الي كاعدة
رجل عَلى رجل تشرب قَـهوتها
رَمـاد :- اي يا أنـسة بـ شنو نبلش
روز :- اول شي الفراشات بعدين نبدي بَـ المطبخ نرتبه بعدين نطلع للحديقة
رَمـاد :- يلا كومي
روز :- اصعدي بدلي ملابسج البسي ملابس شغل للان يتدمر
رَمـاد :- تَمام
صعدت فوك لبست تشيرت قديم عندي ويا بجاما
روز :- رَمـادة هم نغسل الزوالي ونضمهم
رَمـاد :- نصيح عبودي ابن جوارينة ام احمد
روز : اي يشيلهن ويانه هسه روحي بلشي بـ المطبخ
رِحت للمَطبخ طلعت المواعين والاشياء الزايدة ورَتبت الي عَلى كدنا غسلت الطباخ ومسحت الكاونتر بعدهة مسحت المطبخ واخر شي رشيتله مُعطر جو
بنهاية اخذت نظرة سَريعة على المطبخ
ورحت لروز لكيتهة مخلصة كُلشي
رَمـاد :- هاي شبسرعه
روز :- يمعوده خلصتهن كلهن الزوالي خليهم عَلى باجر وهسه روحي طبخي غدة يمكن ابن عمج يتغده هنا
YOU ARE READING
متاهة رماد
Actionامرأة ذَكـية قَوية "عَضيمة" جَـميلة وهادئة والاهم حُرة "لَكن" وراء كُلـ هذا قُصة لا تخلوا مِـن المَصاعب - حَـياة هادئة لا تَـخلوا مِـن المشاكل البسيطه طـفلة محبوبه تعيش تحت حماية ودلال واليديها .. حياة رفاهية طفلة بريئة لا تعلم ماذا يخبئ الق...
