متاهة رماد

المَـتاهـة (8)

" مَتاهة رَماد "

البارت الـ 8
مهم :- لا تنسون التصويت وتعلقون بين الفقرات🔴"

مُتابعة للحُساب عُـمري 🤍.

خلصنه غده ولمينه المواعين وهسوالف وتمشينة للسيارات عَلمود نرجع صعدت بسيارة ورأسًا نمت مِـن تَعب ..

-
ايڤين :- ايڤ كعدي يول وصلنة

ايڤ :- وين

ايڤين :- لباريس تحديدا يم برج ايفل يعني وين غير للبيت

ايڤ :- اوي وجعة  كمزتيني اي والله شكلت اني قابل

ايڤين :- اوي كمزتهة مداستطيع نزول .. المهم اهلج طالعين تعاي ويانه

ايڤ :- يمه وين راحوا

ايڤين :- ما اعرف بس راحو يله نزلي .
-
نزلت مِـن سَيارة وطبيت لبيت جدو دخلت للصاله كلهم كاعدين  ..

عيسى :- حبوبة لو شايفة ايڤ شلون ضلت تبجي بسكة الموت

ايڤ :- جذابب بيبي ونبي جذاب ما بجيت

- هيه هاي جبانه بس تهوبز عليكم

عيسى :- اي والله كادره بس علينه ، فروح ترحين لو تضلين تتعشين يمنه

فرح :- لا امي كالت اول مترجعون خيرجعوج

عيسى :- يله كومي

ايڤ :- الله اخذوني وياكم

عيسى :- انتِ متعبين مو هستوج جاية وكلتي نعسانه روحي نامي عيني

ايڤ :- اي عيني الي لكة احبابه نسى اصحابه ..

راح عمو يوصل فرح واني صعدت اخذت تراك مِـن ايڤين سبحت ومشطت شعري ونمت ..

كعدت على صوت ايڤين وهيه تصيح بصوتهة الأنوثي

ايڤين :- وجعةة صخمية كعديي ، ما ضل وكت نايمه مِـن 8  ، وج كوميي

ايڤ :- وجعة توجعج شهل صوت

ايڤين :- تأخرنه يولي تأخرنه

ايڤ :- بيش ساعه

ايڤين :- 7:30

ايڤ :- وجعة عبالي متأخرين هسه بربع ساعة نبدل وربع ساعة للمدرسه نوصل بثمانيه يله طلعي اريد اكمل نومتي

ايڤين :- كومي بعد كلبي كومي انتِ ربع ساعة بس تمشطين شعرج

ايڤ :- هفف شلون صبح اكشر ..

كمت رحت للبيتنه غسلت وجهي وسويت شعري ضفيرة فرنسية ولبست صدريتي حضرت جدولي صارت 8:00 واني غميت روحي طلعت ركض لبيت جدو لكيت ايڤين رايحه وعايفتني  طلعت ركض وصلت لكيت الحارس ديريد يقفل الباب

ايڤ :- عمو عمو عمو اوكف

- هاي هم انتِ حفضتج مِـن كد ما تتأخرين

ايڤ :- عمو اول واخر مره اتأخر فوتني

- بوجهج للمديرة

ايڤ :- اخر مرة

- ماكو للمديرة

ايڤ :- عمو هاي شبيك داكُلك اخر مرةة بعد ما اتأخر

- فوتي عمي فوتي

باوعتله بأنتصار وطبيت للصف المدرسة مجاية حطيت جُنطتي وكعدت برحلتي اني وايفين مو نفس الصف وماعندي اي صديقات مِـن المدرسه ما احب اختلط

بس ايڤين صديقتي مِـن صدك واحسهة وياي عـ الموت حرفياً ..

مرت الدروس مُملة كـ العادة يا سادة

رجعت للبيت

تغديت ودرست شوي صارت بـ 10 ضجت لبست صايتي صح اني سافره بس لبسي مستور كُلش ، سويت ضفيره ورحت لبيت جدو ..

ايڤ :- هلااا بـ الحلوينن

عيسى :- هلا بيج ايڤينه

ايڤ :- شلون يومكم وانتوا مشايفيني اكيد دكون وتلطمون المهم حبيت امسي عليكم عمود تنامون وانتو مرتاحين

ايڤين :- يوهه بالعة مُسجل لوك لوك لوك

ساره بحقد :- ايڤ شوكت تتحجبين مو كبرتي

ايڤ :- مِـن اقتنع عود اتحجب

عاد هيه انطمت ..

ايڤ :- عيسو وين بيت جدو

عيسى :- قبل شوي راحوا كلهم معزومين شوي ويجون وكاعدين بس اني وايفين وساره و انتِ اجيتي

ايڤ :- نورت طبعا

صعدت فوك بغرفة جدو لكيت مسدس شكله فخم نزلت اركض فرحانه

ايڤ :- باعو شلكيتتتت

ساره :- اللهه مسدس جدوو

ساره جرته مِـن ايدي وهيه دكمز كأنو حصلت على فد شي اثري بس جان شكل المسدس فخم لونه ذهبي وبي نمر

عيسى :- ساره ذبي السلاح مو حلو تلزمين سلاح

سارة :- ماا والله ولا اذبه معليه

راح عمو علمود يجر منهة السلاح

ضلوا يتلاوون وهيه تضحك بصوت عالي كأنها مخبله تحجي بهمس حتى اني استغربت فجأة طلعت طلقه من السلاح استقرت بكتف عمو عيسى ..

-
يتبع ..

لا تنسون التصويت وانطوني رأيكم 🔥🤍
احبكم رَوانـاتـي❤️‍🩹..

بِقلمي :- رَوان أثـير

قناتي تلكرام 🤍: https://t.me/itso1
حسابي انستا :itsreo1